EPFO : ಪ್ರತಿಯೊಬ್ಬ ಕೆಲಸ ಮಾಡುವ ವ್ಯಕ್ತಿಯು ಉದ್ಯೋಗಿಗಳ ಭವಿಷ್ಯ ನಿಧಿ (Employees Provident Fund) ಖಾತೆಯನ್ನು ಹೊಂದಿರುತ್ತಾನೆ. ಇಪಿಎಫ್ಒ ಖಾತೆಗೆ ಉದ್ಯೋಗಿಯ ಸಂಬಳದ ಜೊತೆಗೆ, ಕಂಪನಿಯ ಮಾಲೀಕರು ಪ್ರತಿ ತಿಂಗಳು 12 ಪ್ರತಿಶತದಷ್ಟು ಹಣವನ್ನು ಪಿಎಫ್ ಖಾತೆಗೆ ಜಮಾ ಮಾಡುತ್ತಾರೆ. ಈ ಮೊತ್ತವು ಉದ್ಯೋಗಿಯ ನಿವೃತ್ತಿಗಾಗಿ ಮೀಸಲಾಗಿದೆ. ಆದರೆ, ಯಾವುದೇ ತುರ್ತು ಸಂದರ್ಭದಲ್ಲಿ ಈ ಹಣವನ್ನು ಹಿಂಪಡೆಯುವ ಸೌಲಭ್ಯವನ್ನು ಕೇಂದ್ರ ಕಲ್ಪಿಸಿದೆ. ಅಷ್ಟೇ ಅಲ್ಲ, ಪಿಎಫ್ ಖಾತೆಯಿಂದ ಹಲವು ಪ್ರಯೋಜನಗಳಿವೆ.
ತೆರಿಗೆ ಪ್ರಯೋಜನಗಳು – Tax benefits
PF ಖಾತೆಯಲ್ಲಿ ಠೇವಣಿ ಮಾಡಿದ ಹಣದ ಮೇಲೆ ಆದಾಯ ತೆರಿಗೆ ವಿನಾಯಿತಿಗಳನ್ನು ಪಡೆಯಬಹುದು. ಆದಾಯ ತೆರಿಗೆ ಕಾಯಿದೆ 1961 ರ ಸೆಕ್ಷನ್ 80C ರೂ.150 ಲಕ್ಷಗಳವರೆಗೆ ತೆರಿಗೆ ವಿನಾಯಿತಿಗಳನ್ನು ಒದಗಿಸುತ್ತದೆ. ಆದರೆ, ಹಳೆಯ ತೆರಿಗೆ ಪದ್ಧತಿಯನ್ನು ಆಯ್ಕೆ ಮಾಡಿಕೊಂಡವರು ಮಾತ್ರ ಈ ತೆರಿಗೆ ಪ್ರಯೋಜನಗಳನ್ನು ಪಡೆಯುತ್ತಾರೆ.
ಇದನ್ನೂ ಓದಿ: ಆ ಉದ್ಯೋಗಿಗಳಿಗೆ EPFO ಗುಡ್ ನ್ಯೂಸ್.. ಒಬ್ಬೊಬ್ಬರ ಖಾತೆಗೆ 13,816 ರೂ..!
ಬಡ್ಡಿಗೆ ತೆರಿಗೆ ಇಲ್ಲ – No tax on interest
ಇಪಿಎಫ್ಒ ಪ್ರತಿ ತಿಂಗಳು ಪಿಎಫ್ ಖಾತೆಯಲ್ಲಿ ಠೇವಣಿ ಮಾಡಿದ ಹಣಕ್ಕೆ ಬಡ್ಡಿಯನ್ನು ಪಾವತಿಸುತ್ತದೆ. ಈ ಬಡ್ಡಿ ಆದಾಯಕ್ಕೆ ಯಾವುದೇ ತೆರಿಗೆ ಪಾವತಿಸುವ ಅಗತ್ಯವಿಲ್ಲ. ಆದಾಯ ತೆರಿಗೆ ಇಲಾಖೆಯು ಬಡ್ಡಿಯ ಮೇಲೆ ತೆರಿಗೆ ವಿನಾಯಿತಿ ನೀಡುತ್ತದೆ.
ಪಿಂಚಣಿ – Pension
ಇಪಿಎಫ್ ಚಂದಾದಾರರು ನಿವೃತ್ತಿಯ ನಂತರ ಪಿಂಚಣಿ ಪಡೆಯುತ್ತಾರೆ. ಚಂದಾದಾರರ ಮರಣದ ಸಂದರ್ಭದಲ್ಲಿ ಕುಟುಂಬದ ಸದಸ್ಯರಿಗೆ ಪಿಂಚಣಿ ನೀಡಲಾಗುತ್ತದೆ.
ಆರಂಭಿಕ ವಾಪಸಾತಿ – Early withdrawal
ಇಪಿಎಫ್ ಖಾತೆಯಲ್ಲಿರುವ ಹಣವನ್ನು ಮೊದಲೇ ಹಿಂಪಡೆಯಬಹುದು. ಮನೆ ನಿರ್ಮಾಣ, ವೈದ್ಯಕೀಯ ವೆಚ್ಚ, ಉನ್ನತ ಶಿಕ್ಷಣ, ಮದುವೆ ಇತ್ಯಾದಿಗಳಿಗೆ ಹಣ ಹಿಂಪಡೆಯಲು ಅನುಕೂಲ ಕಲ್ಪಿಸಿದ್ದಾರೆ.
ಇದನ್ನೂ ಓದಿ: Anna bhagya yojana : 3 ತಿಂಗಳಿನಿಂದ ಬಾರದ ಅನ್ನಭಾಗ್ಯ ಯೋಜನೆ ಹಣ; ಸರ್ಕಾರದಿಂದ ಮಾಹಿತಿ
ವಿಮಾ ಸೌಲಭ್ಯ – Insurance facility
ಇಪಿಎಫ್ ನೀಡುವ ಪ್ರಯೋಜನಗಳಲ್ಲಿ ಒಂದು ಠೇವಣಿ ಲಿಂಕ್ಡ್ ವಿಮಾ ಯೋಜನೆ. ಸೇವೆಯಲ್ಲಿರುವಾಗ ಮರಣಹೊಂದಿದ PF ಖಾತೆ ಹೊಂದಿರುವ ಉದ್ಯೋಗಿಯ ಕುಟುಂಬಕ್ಕೆ EPFO ರೂ 7 ಲಕ್ಷದವರೆಗೆ ವಿಮಾ ಪ್ರಯೋಜನವನ್ನು ಒದಗಿಸುತ್ತದೆ.
ಕಾಂಪೌಂಡಿಂಗ್ ಇಂಟ್ರೆಸ್ಟ್ – Compounding Interest
ಕೇಂದ್ರವು ಇಪಿಎಫ್ ಖಾತೆಯಲ್ಲಿರುವ ಹಣದ ಮೇಲೆ ವರ್ಷಕ್ಕೊಮ್ಮೆ ಶೇಕಡಾ 8.25 ರ ದರದಲ್ಲಿ (2023-24 ರ ಹಣಕಾಸು ವರ್ಷದ ಬಡ್ಡಿ) ಚಕ್ರಬಡ್ಡಿಯನ್ನು ನೀಡುತ್ತದೆ. ಇಪಿಎಫ್‌ನಲ್ಲಿ ದೀರ್ಘಕಾಲ ಉಳಿಯುವವರು ನಿವೃತ್ತಿಯ ನಂತರ ಹೆಚ್ಚಿನ ಹಣವನ್ನು ಪಡೆಯುತ್ತಾರೆ.
