Deepavali : ದೀಪಾವಳಿ ಬೆಳಕಿನ ಹಬ್ಬ ಮನೆಯನ್ನು ಸ್ವಚ್ಛ ಮಾಡುವುದರಿಂದ ಶುದ್ಧತೆಯೊಂದಿಗೆ ಸಕಾರಾತ್ಮಕ ಶಕ್ತಿ ಹೆಚ್ಚುತ್ತದೆ. ದೀಪಾವಳಿಯ(Deepavali) ಮುನ್ನ ಮನೆಯನ್ನು ಸ್ವಚ್ಚಗೊಳಿಸುವುದು ಯಾಕೆ ನೋಡೋಣ
ದೀಪಾವಳಿ ಬೆಳಕಿನ ಹಬ್ಬ ಮನೆಯನ್ನು ಸ್ವಚ್ಛ ಮಾಡುವುದರಿಂದ ಧೂಳು, ಕೊಳಕುಗಳನ್ನು ತೆಗೆದುಹಾಕುವುದರಿಂದ ಮನೆಯ ಸುತ್ತಮುತ್ತಲಿನ ಪರಿಸರವನ್ನು ಆರೋಗ್ಯಕರವಾಗಿರಲು ಸಹಾಯವಾಗುತ್ತದೆ. ಇದು ಕುಟುಂಬದ ಸದಸ್ಯರ ಆರೋಗ್ಯವನ್ನೂ ಕಾಪಾಡುತ್ತದೆ.
Deepavali : ಲಕ್ಷ್ಮೀಯ ಆಗಮನ
ದೀಪಾವಳಿ ಹಬ್ಬವು ಲಕ್ಷ್ಮೀ ದೇವಿಯ ಪೂಜೆಗೆ ವಿಶೇಷವಾದ ಸಮಯ. ಮನೆಯನ್ನು ಸ್ವಚ್ಛಗೊಳಿಸುವುದರಿಂದ, ದೇವಿಯ ಪ್ರವೇಶಕ್ಕೆ ಸಹಕಾರಿಯಾಗುವ ಶುದ್ಧತೆಯ ವಾತಾವರಣ ಸೃಷ್ಟಿಯಾಗುತ್ತದೆ ಎಂಬ ನಂಬಿಕೆ ಇದೆ. ಇದರ ಫಲವಾಗಿ ಲಕ್ಷ್ಮಿದೇವಿಯ ಅನುಗ್ರಹ ಸಿಗುತ್ತದೆ ಎನ್ನಲಾಗುತ್ತದೆ.
ನೂತನ ಆರಂಭ
ಹಬ್ಬದ ಕಾಲದಲ್ಲಿಯೇ ನಾವು ಹಳೆಯ ಮತ್ತು ಅನಗತ್ಯ ವಸ್ತುಗಳನ್ನು ಎಸೆಯುವುದರಿಂದ ನೂತನ ಪ್ರಾರ೦ಭಕ್ಕೆ ದಾರಿಯಾಗುತ್ತದೆ. ಇದು ಹೊಸದನ್ನು ಸ್ವೀಕರಿಸಲು ಮನಸ್ಸು ಮತ್ತು ಮನೆಯನ್ನು ಸಿದ್ಧವಾಗಿಸುತ್ತದೆ. ಅಲ್ಲದೆ ಮನೆ ಶುದ್ಧವಾಗಿದ್ದರೆ ಮನಸ್ಸು ಕೂಡ ಖುಷಿಯಾಗಿರುತ್ತದೆ ಎಂದು ನಂಬಲಾಗಿದೆ.
ಇದನ್ನೂ ಓದಿ: ದೀಪಾವಳಿ 2024: ಬೆಳಕಿನ ಹಬ್ಬ ಆಚರಣೆಗೆ ಶ್ರೇಷ್ಠ ದಿನ ಯಾವುದು?
ನಕಾರಾತ್ಮಕತೆ ದೂರ
ಹಬ್ಬದ ಸಮಯದಲ್ಲಿ ನಕಾರಾತ್ಮಕತೆ ತಕ್ಷಣವೆ ದೂರವಾಗಬಲ್ಲದು. ಹಿಗಾಗಿ ಮನೆ ಸ್ವಚ್ಛಗೊಳಿಸುವುದರಿಂದ ಮನೆಯಲ್ಲಿ ಇರುವ ಯಾವುದೇ ರೀತಿಯ ಬೇಡದ ಶಕ್ತಿಯನ್ನು, ಅಥವಾ ಕಾಣುವ ದುಃಸ್ವಪ್ನ ಮತ್ತು ಕಲುಷಿತವಾದ ನೆನಪುಗಳನ್ನು ಮಾಯಗೊಳಿಸುತ್ತದೆ.
ಹಳೆ ವಸ್ತುಗಳ ಶುದ್ದೀಕರಣ
ದೀಪಾವಳಿ ಮುಂಚಿನ ಶುದ್ದೀಕರಣ ಪ್ರಕ್ರಿಯೆಯು ಹಳೆಯ, ಬಳಕೆಯಾದ ವಸ್ತುಗಳನ್ನು ಬೇರ್ಪಡಿಸಲು ಸಹಾಯ ಮಾಡುತ್ತದೆ. ಅನಗತ್ಯ ವಸ್ತುಗಳನ್ನು ದೂರ ಮಾಡುವುದು ಮನೆಯಲ್ಲಿ ನೂತನ ಶಕ್ತಿಯ ಸೃಷ್ಟಿಗೆ ದಾರಿ ಮಾಡುತ್ತದೆ. ಕುಟು೦ಬದ ಎಲ್ಲಾ ಸದಸ್ಯರು ಸೇರಿಕೊಂಡು ಮನೆಯನ್ನು ತೊಳೆಯುವುದರಿಂದ, ಮನೆಯಲ್ಲಿ ಒಗ್ಗಟ್ಟು ಮತ್ತು ಪ್ರೀತಿ ಹೆಚ್ಚಾಗುತ್ತದೆ.
