Ratan Tata Personal property : ರತನ್ ಟಾಟಾ ವೈಯಕ್ತಿಕ ಆಸ್ತಿ ಎಷ್ಟು? ಟಾಟಾ ಆಸ್ತಿಯಲ್ಲಿ ಯಾರಿಗೆಲ್ಲಾ ಪಾಲು?

Ratan Tata Personal property: ಉದ್ಯಮ ಲೋಕದ ಮಿನುಗುತಾರೆ ರತನ್ ಟಾಟಾ (Ratan Tata) ಅವರ ವೈಯಕ್ತಿಕ ಆಸ್ತಿ (property) ಎಷ್ಟು? ಆಸ್ತಿಯಲ್ಲಿ ಯಾರಿಗೆಲ್ಲಾ ಪಾಲು? ಎಂಬುದರ ಮಾಹಿತಿ

ಹೌದು, ರತನ್ ಟಾಟಾ ಅವರು ಲಕ್ಷಾಂತರ ಕೋಟಿ ರೂ ಮೌಲ್ಯದ ಉದ್ಯಮ ಸಾಮ್ರಾಜ್ಯವನ್ನು ಹೊಂದಿದ್ದು, ವೈಯಕ್ತಿಕವಾಗಿ ₹16,448 ಕೋಟಿ ರೂ ಸಂಪತ್ತನ್ನು ಹೊಂದಿದ್ದ ಅವರು ಅಕ್ಟೋಬರ್ 9ರಂದು ಇಹಲೋಕ ತ್ಯಜಿಸಿದ್ದರು.

ಫಾರ್ಚೂನ್ ಇಂಡಿಯಾ-ವಾಟರ್‌ಫೀಲ್ಡ್ ಸಂಶೋಧನೆಯ ಪ್ರಕಾರ ರತನ್ ಟಾಟಾ ಅವರ ವೈಯಕ್ತಿಕ ಸಂಪತ್ತು ₹16,448 ಕೋಟಿ ಎಂದು ಅಂದಾಜಿಸಲಾಗಿದೆ, ಅದರಲ್ಲಿ ಬಹುಪಾಲು ಟಾಟಾ ಗ್ರೂಪ್ ಕಂಪನಿಗಳಲ್ಲಿ ಪಾಲನ್ನು ಹೊಂದಿದೆ.

Advertisement

ಇದನ್ನೂ ಓದಿ: Channapatna constituency | ಉಪ ಚುನಾವಣೆ ಅದೃಷ್ಟದ ಕ್ಷೇತ್ರ ಚನ್ನಪಟ್ಟಣದ ರಾಜಕೀಯ ಇತಿಹಾಸ

ರತನ್ ಟಾಟಾ ಅವರ ಹೆಚ್ಚಿನ ಸಂಪತ್ತು ಷೇರುಗಳಲ್ಲಿ ಮತ್ತು ರಿಯಲ್ ಎಸ್ಟೇಟ್​​ನಲ್ಲಿ ಇದ್ದು, ವೈಯಕ್ತಿಕ ಜೀವನದಲ್ಲಿ ಬಹಳ ಸರಳತೆ ಅಳವಡಿಸಿಕೊಂಡಿದ್ದ ರತನ್ ಟಾಟಾ ತನ್ನೊಂದಿಗಿದ್ದ ನಂಬಿಕಸ್ಥರನ್ನು ಬಹಳ ಚೆನ್ನಾಗಿ ನೋಡಿಕೊಂಡವರು.

Ratan Tata Personal property : ಟಾಟಾ ಆಸ್ತಿಯಲ್ಲಿ ಯಾರಿಗೆಲ್ಲಾ ಪಾಲು?

ಟಾಟಾ ಅವರು ಬರೆದಿಟ್ಟ ಉಯಿಲಿನ ಸಂಗತಿ ಸ್ವಲ್ಪ ಸ್ವಲ್ಪವೇ ಹೊರಬರುತ್ತಿದೆ. ತಮ್ಮ ವಿಲ್​ನಲ್ಲಿ ಅವರು ತಮ್ಮ ಪ್ರೀತಿಯ ಸಾಕು ನಾಯಿ ಟಿಟೋವನ್ನು ನೋಡಿಕೊಳ್ಳಲು ಅಡುಗೆ ಕೆಲಸಗಾರ ರಾಜನ್ ಶಾಗೆ ವಹಿಸಿದ್ದಾರೆ.

ಈ ಕಾರ್ಯಕ್ಕಾಗಿ ರಾಜನ್ ಶಾ ಅವರಿಗೆ ರತನ್ ಟಾಟಾ ತಮ್ಮ ಆಸ್ತಿಯಲ್ಲಿ ಒಂದು ಭಾಗವನ್ನು ಬರೆದಿದ್ದಾರೆ. ಪರಿಚಾರಿಕೆಯ ಕೆಲಸ ಮಾಡುತ್ತಿದ್ದ ಬಟ್ಲರ್ ಸುಬ್ಬಯ್ಯ ಅವರ ಹೆಸರನ್ನು ವಿಲ್​ನಲ್ಲಿ ಪ್ರಸ್ತಾಪಿಸಿದ್ದು, ಅವರಿಗೆ ಆಸ್ತಿಯಲ್ಲಿ ಪಾಲು ಕೊಟ್ಟಿರುವುದು ತಿಳಿದುಬಂದಿದೆ.

ಇದನ್ನೂ ಓದಿ: Heavy rain | ರಾಜ್ಯದಲ್ಲಿ ಇಂದಿನಿಂದ ಮತ್ತೆ ಭಾರಿ ಮಳೆ ಮುನ್ಸೂಚನೆ

ಟಾಟಾ ಜೊತೆ ಕೆಲ ವರ್ಷಗಳಿಂದ ಜೊತೆಯಲ್ಲಿರುತ್ತಿದ್ದ ಹುಡುಗ ಶಾಂತನು ನಾಯ್ಡು. ವೈಯಕ್ತಿಕವಾಗಿ ಟಾಟಾ ಅವರ ಯೋಗಕ್ಷೇಮಗಳನ್ನು ಈತ ನೋಡಿಕೊಳ್ಳುತ್ತಿದ್ದ. ಈತನ ಸ್ವಂತ ಬಿಸಿನೆಸ್​ಗೆ ನೀಡಿದ್ದ ಸಾಲವನ್ನು ಟಾಟಾ ಸಾಯುವ ಮುನ್ನವೇ ಮನ್ನಾ ಮಾಡಿದ್ದು, ಈಗ ಆಸ್ತಿಯಲ್ಲೂ ಒಂದಷ್ಟು ಪಾಲನ್ನು ಈತನಿಗೆ ಬರೆದಿಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಕುತೂಹಲದ ಸಂಗತಿ ಎಂದರೆ ಈಗಿನ ಟಾಟಾ ಟ್ರಸ್ಟ್​ಗಳ ಮುಖ್ಯಸ್ಥ ನೋಯಲ್ ಟಾಟಾ ಹಾಗೂ ಅವರ ಕುಟುಂಬ ಸದಸ್ಯರ ಹೆಸರನ್ನು ಟಾಟಾ ತಮ್ಮ ವಿಲ್​​ನಲ್ಲಿ ಪ್ರಸ್ತಾಪಿಸಿಲ್ಲ.