ಕೊರೋನಾ ಲಸಿಕೆ ಪಡೆದವರಿಗೆ ಇನ್ನು ಮುಂದೆ ತಮ್ಮ ಪ್ರಮಾಣಪತ್ರದಲ್ಲಿನ ವೈಯಕ್ತಿಕ ವಿವರಗಳನ್ನು ಸರಿಪಡಿಸಲು ಸಾಧ್ಯವಾಗಲಿದ್ದು ಕೇಂದ್ರ ಸರ್ಕಾರವು ಈ ಹೊಸ ನವೀಕರಣವನ್ನು ಘೋಷಿಸಿದೆ.
ಕೋವಿನ್ ಬಳಕೆದಾರರಿಗೆ ಲಸಿಕೆಯ ಪ್ರಮಾಣಪತ್ರದಲ್ಲಿ ಮುದ್ರಿಸಲಾದ ಹೆಸರು, ಹುಟ್ಟಿದ ವರ್ಷ ಮುಂತಾದ ವಿವರಗಳಲ್ಲಿನ ತಪ್ಪುಗಳನ್ನು ಸರಿಪಡಿಸಬಹುದಾಗಿದ್ದು, ಈ ಪ್ರಕ್ರಿಯೆಯನ್ನು ಸುಲಭಗೊಳಿಸಲು, ಕೋವಿನ್ ಪೋರ್ಟಲ್ ನಲ್ಲಿ ವಿಶೇಷ ವೈಶಿಷ್ಟ್ಯ ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಲಸಿಕೆ ಪ್ರಮಾಣಪತ್ರದಲ್ಲಿನ ವಿವರಗಳನ್ನು ಸರಿಪಡಿಸುವುದು ಹೇಗೆ?
>ಮೊದಲು ನಿಮ್ಮ ಮೊಬೈಲ್ ಸಂಖ್ಯೆ ಮೂಲಕ ಕೋವಿನ್ ಪೋರ್ಟಲ್ ಗೆ ಲಾಗಿನ್ ಮಾಡಿ.
>ನಂತರ ಪರಿಶೀಲನೆ ಹಾಗೂ ಮುಂದುವರೆಸು ಮೇಲೆ ಕ್ಲಿಕ್ ಮಾಡಿ.
>ನೀವು ಲಸಿಕೆ ಪಡೆದಿದ್ದರೆ ‘Raise an Issue’ ಬಟನ್ ಕಾಣಿಸುತ್ತದೆ, ಅದರ ಮೇಲೆ ಕ್ಲಿಕ್ ಮಾಡಿ.
>ಯಾರ ಪ್ರಮಾಣಪತ್ರದಲ್ಲಿನ ವಿವರಗಳನ್ನು ಸರಿಪಡಿಸಬೇಕಾಗಿದೆಯೋ ಅವರ ಹೆಸರನ್ನು ಆಯ್ಕೆಮಾಡಿ.
>’ಪ್ರಮಾಣಪತ್ರದಲ್ಲಿ ಸರಿಪಡಿಸುವಿಕೆ’ಯಲ್ಲಿರುವ ಆಯ್ಕೆಗಳಲ್ಲಿ ನೀವು ಸರಿ ಮಾಡಬಯಸುವ ವಿವರದ ಮೇಲೆ ಕ್ಲಿಕ್ ಮಾಡಿ ಸರಿಪಡಿಸಿ.
