WhatsApp : ಇಂದಿನ ಡಿಜಿಟಲ್ ಯುಗದಲ್ಲಿ ವಾಟ್ಸ್ಆ್ಯಪ್ ಕೇವಲ ಚಾಟ್ ಅಥವಾ ಕಾಲ್ ಮಾಡಲು ಮಾತ್ರವಲ್ಲ, ಹಣ ಸಂಪಾದಿಸಲು ಸಹ ಒ೦ದು ದೊಡ್ಡ ವೇದಿಕೆಯಾಗಿದೆ. ಸ್ಮಾರ್ಟ್ ಫೋನ್ ಮತ್ತು ಇ೦ಟರ್ನೆಟ್ ಇದ್ದರೆ ಸಾಕು-ಸರಿಯಾದ ತಂತ್ರ, ಸೃಜನಶೀಲತೆ & ಪ್ರಯತ್ನದಿಂದ ಮನೆಯಿ೦ದಲೇ ಲಕ್ಷಗಟ್ಟಲೆ ರೂ.ಗಳನ್ನು ಗಳಿಸಬಹುದು. ಇಲ್ಲಿದೆ, ವಾಟ್ಸ್ ಆ್ಯಪ್ ಬಳಸಿ ಆದಾಯ ಗಳಿಸಲು 5 ಪರಿಣಾಮಕಾರಿ ಮಾರ್ಗಗಳು.
ಸ್ವಂತ ವ್ಯವಹಾರ
ಮೊದಲನೆಯದಾಗಿ, ವಾಟ್ಸ್ಆ್ಯಪ್ ಬಿಸಿನೆಸ್ ಮೂಲಕ ನಿಮ್ಮ ಸ್ವಂತ ವ್ಯವಹಾರ ಪ್ರಾರಂಭಿಸಿ. ನೀವು ಬಟ್ಟೆ, ಆಭರಣ, ಗೃಹಾಲಂಕಾರ ಅಥವಾ ಮನೆ ಅಡುಗೆ ಆಹಾರ ಮಾರಾಟ ಮಾಡುತ್ತಿದ್ದರೆ, ವಾಟ್ಸ್ಆ್ಯಪ್ ಬಿಸಿನೆಸ್ ಖಾತೆ ತೆರೆಯಿರಿ. ಇಲ್ಲಿ ನಿಮ್ಮ ಉತ್ಪನ್ನಗಳ ಕ್ಯಾಟಲಾಗ್ ಹಾಕಿ ಗ್ರಾಹಕರಿಗೆ ನೇರವಾಗಿ ಕಳುಹಿಸಬಹುದು. ಆರ್ಡರ್ ಸ್ವೀಕಾರ, ಪಾವತಿ ಲಿಂಕ್ & ಗ್ರಾಹಕ ಸಂಪರ್ಕ ಎಲ್ಲವೂ ಒಂದೇ ಅಪ್ಲಿಕೇಶನ್ ನಲ್ಲಿ ಸಾಧ್ಯ. ಉತ್ತಮ ಸೇವೆ & ನಿರಂತರ ಪ್ರಚಾರದಿ೦ದ ತಿಂಗಳಿಗೆ ಲಕ್ಷ ರೂ.ಗಳ ಲಾಭ ಪಡೆಯಬಹುದು.
ಅಫಿಲಿಯೇಟ್ ಮಾರ್ಕೆಟಿಂಗ್
ಎರಡನೆಯದಾಗಿ, ಅಫಿಲಿಯೇಟ್ ಮಾರ್ಕೆಟಿಂಗ್ ಮೂಲಕ ಹಣ ಸಂಪಾದನೆ. ಅಮೆಜಾನ್, ಫಿಪ್ ಕಾರ್ಟ್, ಮೀಶೋ ಮುಂತಾದ ಕಂಪನಿಗಳು ನೀಡುವ ಲಿಂಕ್ಗಳನ್ನು ನಿಮ್ಮ ವಾಟ್ಸ್ಆ್ಯಪ್ ಗ್ರೂಪ್ಗಳಲ್ಲಿ ಹಂಚಿಕೊಳ್ಳಿ. ನಿಮ್ಮ ಲಿಂಕ್ ಮೂಲಕ ಯಾರಾದರೂ ಖರೀದಿ ಮಾಡಿದರೆ, ನಿಮಗೆ ಕಮಿಷನ್ ಸಿಗುತ್ತದೆ. ಜನರ ವಿಶ್ವಾಸ ಮತ್ತು ಒಳ್ಳೆಯ ನೆಟ್ವರ್ಕ್ ಇದ್ದರೆ ಈ ವಿಧಾನದಿಂದ ತಿಂಗಳಿಗೆ 50,000 ರಿಂದ 1 ಲಕ್ಷದವರೆಗೆ ಆದಾಯ ಗಳಿಸಬಹುದು.
ಸೋಶಿಯಲ್ ಮೀಡಿಯಾ ಪ್ರಚಾರ
ಮೂರನೆಯದಾಗಿ, ಡಿಜಿಟಲ್ ಮಾರ್ಕೆಟಿಂಗ್ ಮತ್ತು ಸೋಶಿಯಲ್ ಮೀಡಿಯಾ ಪ್ರಚಾರ. ಸಣ್ಣ ಬ್ರಾಂಡ್ ಗಳು ತಮ್ಮ ಉತ್ಪನ್ನಗಳನ್ನು ಪ್ರಚಾರ ಮಾಡಲು ನ೦ಬಬಹುದಾದ ವ್ಯಕ್ತಿಗಳನ್ನು ಹುಡುಕುತ್ತಿವೆ. ನೀವು ವಾಟ್ಸ್ಆ್ಯಪ್ ಗ್ರೂಪ್ಗಳು ಅಥವಾ ಸಮುದಾಯಗಳಲ್ಲಿ ಇಂತಹ ಬ್ರಾಂಡ್ಗಳ ಬಗ್ಗೆ ಪೋಸ್ಟ್ ಮಾಡಿ ಪ್ರಚಾರ ಮಾಡಿದರೆ ಕಂಪನಿಗಳು ನಿಮಗೆ ಪಾವತಿಸುತ್ತವೆ. ಯಾವುದೇ ಹೂಡಿಕೆಯಿಲ್ಲದೆ ಕೇವಲ ನಿಮ್ಮ ಸಂಪರ್ಕ ವಲಯವನ್ನು ಬಳಸಿಕೊ೦ಡು ನೀವು ಲಾಭ ಪಡೆಯಬಹುದು.
ಆನ್ಲೈನ್ ತರಬೇತಿ
ಕೊನೆಯದಾಗಿ, ವಾಟ್ಸ್ಆ್ಯಪ್ ಚಾನೆಲ್ & ಆನ್ಲೈನ್ ತರಬೇತಿಗಳಿಂದ ಆದಾಯ. ಇತ್ತೀಚೆಗೆ ಮೆಟಾ ಪರಿಚಯಿಸಿದ ಚಾನೆಲ್ ವೈಶಿಷ್ಟ್ಯವನ್ನು ಬಳಸಿ ತಂತ್ರಜ್ಞಾನ, ಶಿಕ್ಷಣ, ಅಥವಾ ಫಿಟೈಸ್ ಕುರಿತು ವಿಷಯ ಹಂಚಿಕೊಳ್ಳಿ. ನಿಮ್ಮ ಚಾನೆಲ್ ಜನಪ್ರಿಯವಾದರೆ ಬ್ರಾಂಡ್ಗಳು ಪ್ರಾಯೋಜಿತ ಪೋಸ್ಟ್ಗಳಿಗಾಗಿ ಪಾವತಿಸುತ್ತವೆ. ಜೊತೆಗೆ, ನೀವು ಪರಿಣತಿ ಹೊಂದಿರುವ ವಿಷಯದಲ್ಲಿ ಆನ್ಲೈನ್ ಕೋರ್ಸ್ಗಳನ್ನು ಮಾರಾಟ ಮಾಡಿ, ವಿದ್ಯಾರ್ಥಿಗಳಿಗೆ ವಾಟ್ಸ್ಆ್ಯಪ್ ಮೂಲಕ ಪಾಠಗಳು, ವಿಡಿಯೋಗಳು & ಮಾರ್ಗದರ್ಶನ ನೀಡಬಹುದು. ಇದು ನಿಮ್ಮ ಜ್ಞಾನವನ್ನು ಹಣದ ರೂಪಕ್ಕೆ ಪರಿವರ್ತಿಸುವ ಅತ್ಯುತ್ತಮ ಮಾರ್ಗ.
