ಚೆನ್ನೈ : ಪಾಂಡ್ಯನ್ ಸ್ಟೋರ್ಸ್ ನಲ್ಲಿನ ಪಾತ್ರಕ್ಕಾಗಿ ಜನಪ್ರೀಯತೆ ಗಳಿಸಿದ್ದ ಖ್ಯಾತ ತಮಿಳು ನಟಿ ವಿ ಜೆ ಚಿತ್ರ (28) ಅನುಮಾನಾಸ್ಪದ ಸ್ಥಿತಿಯಲ್ಲಿ ಮೃತಪಟ್ಟಿದ್ದಾರೆ. ನಟಿ ವಿ ಜೆ ಚಿತ್ರ ಅವರು ಚೆನ್ನೈನ ಹೋಟೆಲ್‌ವೊಂದರಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ತಿಳಿದು ಬಂದಿದೆ. ನಟಿ ವಿಜೆ ಚಿತ್ರ ಅವರು ಕೆಲವು ದಿನಗಳ ಹಿಂದೆ ಉದ್ಯಮಿ ಹೇಮಂತ್ ಎಂಬುವವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಎನ್ನಲಾಗಿದೆ.
ಆದರೆ, ಉದ್ಯಮಿ ಹೇಮಂತ್ ತಂಗಿದ್ದ ಹೋಟೆಲ್ ಕೋಣೆಯಲ್ಲಿ ನಟಿ ವಿ ಜೆ ಚಿತ್ರ ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. ಬುಧವಾರ ಬೆಳಿಗ್ಗೆ ಸ್ನಾನ ಮಾಡಿ ಬರುತ್ತೇನೆ ಎಂದು ಹೋದ ವಿ ಜೆ ಚಿತ್ರ ಎಷ್ಟು ಹೊತ್ತಾದರೂ ಬಾಗಿಲು ತೆರೆಯಲಿಲ್ಲ. ಇದರಿಂದ ಉದ್ಯಮಿ ಹೇಮಂತ್ ಹೋಟೆಲ್ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ.
ಹೋಟೆಲ್ ಸಿಬ್ಬಂದಿ ನಕಲಿ ಕೀಲಿಯೊಂದಿಗೆ ಕೋಣೆಯ ಬಾಗಿಲು ತೆರೆದು ನೋಡಿದಾಗ ಲಿವಿಂಗ್ ರೂಮಿನಲ್ಲಿ ನಟಿ ವಿ ಜೆ ಚಿತ್ರ ಅವರು ನೇಣು ಹಾಕಿಕೊಂಡಿರುವ ಸ್ಥಿತಿಯಲ್ಲಿ ಕಾಣಿಸಿದ್ದಾರೆ. 28 ವರ್ಷ ವಯಸ್ಸಿನ ವಿ ಜೆ ಚಿತ್ರ ಅವರ ಆತ್ಮಹತ್ಯೆಯಿಂದ ತಮಿಳು ಚಿತ್ರೋದ್ಯಮ ಆಘಾತಕ್ಕೊಳಗಾಗಿದೆ. ವಿ ಜೆ ಚಿತ್ರ ಅವರು ಜನಪ್ರಿಯ ಟಿವಿ ಶೋ ‘ಪಾಂಡ್ಯನ್ ಸ್ಟೋರ್ಸ್’ ನಲ್ಲಿನ ಪಾತ್ರಕ್ಕಾಗಿ ಜನಪ್ರೀಯತೆ ಗಳಿಸಿದ್ದರು. ವಿ ಜೆ ಚಿತ್ರ ಅವರ ಸಾವಿಗೆ ಕಾರಣ ಯಾವುದೇ ಕರಣ ತಿಳಿದುಬಂದಿಲ್ಲ. ಘಟನಾ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
