ಗಣಪತಿಗೆ ಗರಿಕೆ ಯಾಕೆ ಇಷ್ಟ? ಗಣೇಶನಿಗೆ ಗರಿಕೆ ಹುಲ್ಲು ಯಾಕೆ ಅರ್ಪಿಸುತ್ತಾರೆ ಗೊತ್ತಾ?

Ganesha Festival: ಗಣಪತಿ ಪೂಜೆಯಲ್ಲಿ (Ganapati Puja) ಗರಿಕೆಗೆ (Garike grass) ವಿಶೇಷ ಸ್ಥಾನವಿದ್ದು ಅಗತ್ಯವೂ ಆಗಿದೆ. ಈ ಗರಿಕೆ ಗಣೇಶನಿಗೆ ಯಾಕೆ ಇಷ್ಟ ಎಂಬ ವಿಚಾರ ಗೊತ್ತೆ? ಅದಕ್ಕೂ ಒಂದು ಕಾರಣವಿದೆ.

ಹೌದು, ಗಣೇಶನಲ್ಲಿ ಆಕರ್ಷಿಸುವ ಕ್ಷಮತೆಯು ಎಲ್ಲಕ್ಕಿಂತ ಹೆಚ್ಚಾಗಿ ಇರುವುದರಿಂದ ಗಣಪತಿಗೆ ಗರಿಕೆಯನ್ನು ಅರ್ಪಿಸುತ್ತಾರೆ. ಇನ್ನೂ ಪುರಾಣದ ಪ್ರಕಾರ ಒಮ್ಮೆ ಅನಲಾಸುರನೆಂಬ ರಾಕ್ಷಸನಿಗೂ ಗಣೇಶನಿಗೂ ಯುದ್ಧ ನಡೆಯುತ್ತದೆ. ಅನಲಾಸುರನು ಬೆಂಕಿಯುಂಡೆಗಳನ್ನು ಗಣೇಶನ ಮೇಲೆ ಎಸೆಯುತ್ತಾನೆ. ಆಗ ಕೋಪದಿಂದ ಗಣೇಶನು ಅಸುರನ ಸಂಹಾರಕ್ಕಾಗಿ ಅನಲಾಸುರನನ್ನು ನುಂಗಿ ಬಿಡುತ್ತಾನೆ.

ಇದರಿಂದಾಗಿ ಗಣೇಶನ ದೇಹದಲ್ಲಿ ಉಷ್ಣಾಂಶವು ಅಧಿಕವಾಗಿ ಹೊಟ್ಟೆ ಊದಿಕೊಂಡು ಬಿಡುತ್ತದೆ. ದೇಹದ ಉಷ್ಣಾಂಶದಿಂದ ಗಣೇಶನು ಕಷ್ಟ ಪಡುತ್ತಿದ್ದನು. ಆಗ ಋಷಿಮುನಿಗಳು 21 ಗರಿಕೆಯನ್ನು ಗಣೇಶನ ತಲೆಯ ಮೇಲಿಡುತ್ತಾರೆ. ಆಗ ಗಣೇಶನು ಗುಣಮುಖನಾಗುತ್ತಾನೆ. ಅಂದಿನಿಂದ ಗಣೇಶನಿಗೆ ಗರಿಕೆ ಹುಲ್ಲನ್ನು ಅರ್ಪಿಸುತ್ತಾರೆ.

https://vijayaprabha.com/mumbai-2/