Aadhaar Card: ಬಹುತೇಕ ಪ್ರತಿಯೊಬ್ಬ ಭಾರತೀಯನ ಬಳಿಯೂ ಆಧಾರ್ ಕಾರ್ಡ್ ಇದ್ದೆ ಇರುತ್ತೆ. ಇದನ್ನು ಭಾರತ ಸರ್ಕಾರವೂ ಕಡ್ಡಾಯಗೊಳಿಸಿದೆ. ನಿಮಗೆ ಪ್ಯಾನ್ ಕಾರ್ಡ್ ಬೇಕಿದ್ದರೂ, ಬ್ಯಾಂಕ್ ಖಾತೆಯನ್ನು ತೆರೆಯಬೇಕಿದ್ದರೂ, ಇತರ ವಹಿವಾಟುಗಳನ್ನು ಮಾಡಬೇಕಿದ್ದರೂ ಅಥವಾ ಫಲಾನುಭವಿಗಳು ಸರ್ಕಾರದ ಸವಲತ್ತುಗಳನ್ನು ಪಡೆಯಲು ಬಯಸಿದ್ದರೂ ಆಧಾರ್ ಕಾರ್ಡ್ ತುಂಬಾ ಅವಶ್ಯಕ.
ಇದನ್ನು ಓದಿ: ಆಧಾರ್ ಕಾರ್ಡ್ ಹೊಂದಿರುವವರಿಗೆ ಭರ್ಜರಿ ಗುಡ್ ನ್ಯೂಸ್
ಕೇಂದ್ರ ಸರ್ಕಾರವು ಈ ಆಧಾರ್ ಅನ್ನು ಗುರುತಿನ ಚೀಟಿಯಾಗಿ ಮೊದಲ ಆದ್ಯತೆಯಾಗಿ ಗುರುತಿಸುತ್ತದೆ. ಆದರೆ, ಅಂತಹ ಆಧಾರ್ ಕಾರ್ಡ್‌ನಲ್ಲಿ ಯಾವುದೇ ತಪ್ಪುಗಳಿವೆಯೋ, ಇಲ್ಲವೋ ಎಂದು ಖಚಿತಪಡಿಸಿಕೊಳ್ಳುವುದು ನಮ್ಮ ಜವಾಬ್ದಾರಿಯಾಗಿದೆ. ಹೆಸರು, ಹುಟ್ಟಿದ ದಿನಾಂಕ, ಕುಟುಂಬದ ಹೆಸರು, ಲಿಂಗ, ವಿಳಾಸ… ಹೀಗೆ ಯಾವುದೇ ತಪ್ಪುಗಳಿದ್ದರು ನಾವು ತೊಂದರೆಗೆ ಸಿಲುಕುತ್ತೇವೆ. ಅಂತವರು ಖಂಡಿತವಾಗಿಯೂ ಆಧಾರ್ ಕಾರ್ಡ್ ನಲ್ಲಿರುವ ತಪ್ಪುಗಳನ್ನು ನವೀಕರಿಸಬೇಕು. ಆದರೆ.. ಇದನ್ನು ಹೇಗೆ ಮಾಡಬೇಕೆಂದು ಗೊತ್ತಾಗ್ತಯುತ್ತಿಲ್ಲವೇ? ಆಧಾರ್ ಕಾರ್ಡ್ ಬಗ್ಗೆ ಇನ್ನೂ ಏನಾದರೂ ಅನುಮಾನವಿದೆಯೇ? ಎಲ್ಲವನ್ನೂ ತಿಳಿಯಬಹುದು.
ಇದನ್ನು ಓದಿ: ಆರ್ಸಿಬಿಗೆ ಬಿಗ್ ಶಾಕ್ ನೀಡಿದ ಸ್ಟಾರ್‌ ಆಲ್ರೌಂಡರ್; IPL 2023 ಟೂರ್ನಿಯಿಂದ ಹೊರಬಿದ್ದ ಆಟಗಾರರು ಇವರೇ ನೋಡಿ
ಆಧಾರ್ ಕಾರ್ಡ್ ದೋಷಗಳು ಮತ್ತು ನವೀಕರಣಗಳಿಗೆ ಪರಿಹಾರ ಮತ್ತು ಬೇರೆ ಯಾವುದಾದರೂ ಸಂದೇಹವಿದ್ದರೆ ,ಕೇವಲ ಒಂದು ಸಂಖ್ಯೆಗೆ ಕರೆ ಮಾಡಿ, ಅವರು ಎಲ್ಲವನ್ನೂ ಪರಿಹರಿಸುತ್ತಾರೆ. ಈ ಉದ್ದೇಶಕ್ಕಾಗಿ ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ) ಆಧಾರ್ ಸಹಾಯವಾಣಿ ಸಂಖ್ಯೆಯನ್ನು ತಂದಿದೆ. ಈ ಸಂಖ್ಯೆಗೆ ಕರೆ ಮಾಡಿ ನಿಮ್ಮ ಅನುಮಾನಗಳನ್ನು ಕೇಳಬಹುದು. ಪ್ರತಿನಿಧಿಗಳು ಪರಿಹಾರ ತಿಳಿಸುತ್ತಾರೆ. ಆ ಆಧಾರ್ ಸಹಾಯವಾಣಿ ಸಂಖ್ಯೆ(Aadhaar Helpline no) 1947. ಭಾರತಕ್ಕೆ ಸ್ವಾತಂತ್ರ್ಯ ಬಂದ ವರ್ಷವಾಗಿರುವುದರಿಂದ ಎಲ್ಲರಿಗೂ ಸುಲಭವಾಗಿ ನೆನಪಿಟ್ಟುಕೊಳ್ಳಲು ಈ ಸಂಖ್ಯೆಯನ್ನು ತರಲಾಗಿದೆ ಎಂದು ಹೇಳಲಾಗಿದೆ.
ಇದನ್ನು ಓದಿ: ಪಡಿತರ ಚೀಟಿದಾರರಿಗೆ ಗುಡ್ ನ್ಯೂಸ್: 1 ಕೆಜಿ ಅಕ್ಕಿ ಹೆಚ್ಚುವರಿಯಾಗಿ ಉಚಿತ
ಈ ಸಂಖ್ಯೆಗೆ ಕರೆ ಮಾಡಿದರೆ UIDAI ಪ್ರತಿನಿಧಿಗಳು ನಿಮ್ಮೊಂದಿಗೆ ಮಾತನಾಡುತ್ತಾರೆ. ಇದು ಟೋಲ್ ಫ್ರೀ ಸಂಖ್ಯೆ. ಇದಕ್ಕೆ ಯಾವುದೇ ಶುಲ್ಕವಿಲ್ಲ. ಒಟ್ಟು 12 ಭಾಷೆಗಳಲ್ಲಿ ಪ್ರತಿನಿಧಿಗಳು ಲಭ್ಯವಿರುತ್ತಾರೆ. ಪ್ರತಿನಿಧಿಗಳು ಹಿಂದಿ, ಉರ್ದು, ತೆಲುಗು, ಕನ್ನಡ, ತಮಿಳು, ಪಂಜಾಬಿ, ಗುಜರಾತಿ, ಮಲಯಾಳಂ, ಬೆಂಗಾಲಿ, ಮರಾಠಿ, ಒರಿಯಾ ಮತ್ತು ಅಸ್ಸಾಮಿ ಭಾಷೆಗಳಲ್ಲಿ ಮಾತನಾಡುತ್ತಾರೆ. ಇನ್ನು, ಸೋಮವಾರದಿಂದ ಶನಿವಾರದವರೆಗೆ ಬೆಳಿಗ್ಗೆ 7 ರಿಂದ ರಾತ್ರಿ 11 ರವರೆಗೆ ಪ್ರತಿನಿಧಿಗಳು ಲಭ್ಯವಿರುತ್ತಾರೆ. ಅವರು ಭಾನುವಾರ ಬೆಳಿಗ್ಗೆ 8 ರಿಂದ ಸಂಜೆ 5 ರವರೆಗೆ ನಿಮ್ಮ ಕರೆಗಳನ್ನು ತೆಗೆದುಕೊಳ್ಳುತ್ತಾರೆ.
ಇದನ್ನು ಓದಿ: ಭರ್ಜರಿ ಗುಡ್ ನ್ಯೂಸ್: ನಿಮ್ಮ ಖಾತೆಗೆ ಹಣ, ಈಗಲೇ ಚೆಕ್‌ ಮಾಡಿ
ನಿಮ್ಮ ಬಳಿ ಇರುವ ಆಧಾರ್ ಕೇಂದ್ರಗಳ ವಿವರಗಳು, ಆಧಾರ್ ಕಾರ್ಡ್ ನೋಂದಣಿ ಸ್ಥಿತಿ, ಆಧಾರ್ ಕಾರ್ಡ್ ಡೆಲಿವರಿ ಸ್ಥಿತಿ, ನವೀಕರಣಗಳಿಗೆ ಸಂಬಂಧಿಸಿದ ಯಾವುದೇ ಸಮಸ್ಯೆಯನ್ನು ಪರಿಹರಿಸಲಾಗುತ್ತದೆ. ನಿಮ್ಮ ಆಧಾರ್ ದುರುಪಯೋಗದ ಬಗ್ಗೆ ನೀವು ದೂರುಗಳನ್ನು ಸಲ್ಲಿಸಬಹುದು. emailhelp@uidai.gov.in ಗೆ ಇಮೇಲ್ ಮಾಡುವ ಮೂಲಕವೂ ಆಧಾರ್ ಕಾರ್ಡ್ ಸಮಸ್ಯೆಗಳನ್ನು ಪರಿಹರಿಸಬಹುದು. UIDAI ಯ ಅಧಿಕೃತ ವೆಬ್‌ಸೈಟ್ https://uidai.gov.in/ ಆಗಿರುತ್ತದೆ.
ಇದನ್ನು ಓದಿ: ನೀವು SBI ಖಾತೆ ಹೊಂದಿದ್ದೀರಾ? ಮೊಬೈಲ್ ಸಂಖ್ಯೆಯನ್ನು ನವೀಕರಿಸಬೇಕೇ? ಬ್ಯಾಂಕ್‌ಗೆ ಹೋಗದೆ ಹೀಗೆ ಮಾಡಿ..
