ನವದೆಹಲಿ: ಸರ್ಕಾರಿ ಸ್ವಾಮ್ಯದ ಭಾರತ್ ಸಂಚಾರ್‌ ನಿಗಮ್‌ ಲಿಮಿಡೆಟ್‌ (ಬಿಎಸ್ಸೆನ್ನೆಲ್‌) ಸದ್ಯಕ್ಕೆ ಕರೆ ದರ ಏರಿಕೆ ಮಾಡುವುದಿಲ್ಲ ಎಂದು ಬಿಎಸ್ಎನ್ಎಲ್ ಅಧ್ಯಕ್ಷ, ವ್ಯವಸ್ಥಾಪಕ ನಿರ್ದೇಶಕ ರಾರ್ಬಟ್‌ ರವಿ ಅವರು ಮಾಹಿತಿ ನೀಡಿದ್ದಾರೆ.
ಇತ್ತೀಚೆಗೆ ಜಿಯೋ, ಏರ್‌ಟೆಲ್‌, ವೊಡಾಫೋನ್‌ ಕಂಪನಿಗಳು ಭಾರಿ ಪ್ರಮಾಣದಲ್ಲಿ ದರ ಹೆಚ್ಚಿಸಿದ ಬೆನ್ನಲ್ಲೇ ರವಿ ಈ ಹೇಳಿಕೆ ನೀಡಿದ್ದು, ‘ನಮಗೆ ಗ್ರಾಹಕರ ಸಂತೋಷ ಮುಖ್ಯ. ಹೀಗಾಗಿ ಸದ್ಯಕ್ಕೆ ನಮ್ಮ ಕಂಪನಿಯಲ್ಲಿ ದರ ಏರಿಕೆ ಇಲ್ಲ’ ಎಂದು ಹೇಳಿದ್ದಾರೆ.
ಸದ್ಯ 1.8 ಕೋಟಿ ಗ್ರಾಹಕರು ಬಿಎಸ್ಎನ್ಎಲ್ ಬಳಸುತ್ತಿದ್ದಾರೆ.
ಬಿಎಸ್ಸೆನ್ನೆಲ್‌ ಹೊಸ ಲೋಗೋ ಬಿಡುಗಡೆ:
ನವದೆಹಲಿಯಲ್ಲಿ ಮಂಗಳವಾರ ಬಿಸ್‌ಎನ್ಎಲ್‌ ಹೊಸ ಲೋಗೋ ಬಿಡುಗಡೆ ಮಾಡಲಾಯಿತು. ಹೊಸ ಲೋಗೋದಲ್ಲಿ ಕೇಸರಿ, ಬಿಳಿ ಹಾಗೂ ಹಸಿರು ಬಣ್ಣ ಬಳಸಲಾಗಿದೆ. ಅಲ್ಲದೆ, ಮಂಗಳವಾರದಿಂದ ಬಿಎಸ್ಸೆನ್ನೆಲ್‌ 7 ಹೊಸ ಸೇವೆ ಪರಿಚಯಿಸಿದೆ. ಇದರಲ್ಲಿ ಆಟೋಮೇಟೆಡ್‌ ಸಿಮ್‌ ಕಿಯೋಸ್ಕ್‌ ಕೂಡ ಸೇರಿದೆ. ಇಲ್ಲಿ ದಿನದ 24 ಗಂಟೆಯೂ ಹೊಸ ಸಿಮ್‌ ಖರೀದಿಸಬಹುದು. ಅಪ್‌ಗ್ರೇಡ್‌ ಮಾಡಬಹುದು. ಪೋರ್ಟ್‌ ಮಾಡಬಹುದು. ಕ್ಯುಆರ್‌ ಕೋಡ್‌ನಲ್ಲೇ ಪೇಮೆಂಟ್‌ ಮಾಡಬಹುದು.
