ಅಪಘಾತದಲ್ಲಿ ಯುವ ಕಾರ್ಯಕರ್ತ ಸಾವು; ಪೋಷಕರ ಆಕ್ರಂದನ ಕಂಡು ಕಣ್ಣೀರಾಕಿದ ರೇಣುಕಾಚಾರ್ಯ..!

ದಾವಣಗೆರೆ: ಶಿವಾಜಿ ಅಂತಾನೇ ಫೇಮಸ್ ಆಗಿದ್ದ, ಹಿಂದೂ ಪರ ಹೋರಾಟಗಳಲ್ಲಿ ಮುಂಚೂಣಿಯಲ್ಲಿದ್ದ, ಅಕ್ಕಪಕ್ಕ ಊರು ಮಾತ್ರವಲ್ಲ, ಬೇರೆ ಜಿಲ್ಲೆಗಳಲ್ಲಿಯೂ ಅಪಾರ ಸ್ನೇಹಿತ ಬಳಗ ಹೊಂದಿದ್ದ ಕ್ರಿಯಾಶೀಲ ಯುವಕ, ಅಪಘಾತದಲ್ಲಿ ಮೃತಪಟ್ಟಿದ್ದ, 21 ವರ್ಷದ ಶಿವು ಅವರ ಪೋಷಕರ ಆಕ್ರಂದನ ಕಂಡು ಎಂ.ಪಿ. ರೇಣುಕಾಚಾರ್ಯ ಅವರು ಭಾವುಕರಾದರು.

ಅಪಘಾತದಲ್ಲಿ ಮೃತಪಟ್ಟಿದ್ದ, 21 ವರ್ಷದ ಶಿವು ಅವರ ‌ಮನೆಗೆ ಆಧಾರವಾಗಿದ್ದದ್ದು ಆತನೊಬ್ಬನೇ. ಆದ್ರೆ ವಿಧಿಯಾಟವೇ ಬೇರೆ ಆಗಿತ್ತು. ಅಪಘಾತದಲ್ಲಿ ಮೃತಪಟ್ಟಿದ್ದು, ಮನೆ ಮಂದಿಯೆಲ್ಲಾ ದಿಕ್ಕೆಟ್ಟು ಕುಳಿತಿದ್ದಾರೆ. ಯಾರೂ ಬಂದರೂ ಸಮಾಧಾನ ಮಾಡಲಾಗದ ಸ್ಥಿತಿಯಲ್ಲಿದ್ದಾರೆ.

ಹೊನ್ನಾಳಿ ತಾಲೂಕಿನ ಮಾಸಡಿ ಗ್ರಾಮದ ಹಿಂದೂ ಯುವ ಕಾರ್ಯಕರ್ತ 21 ವರ್ಷದ ಶಿವು ಸಾವಿನ ಮನೆಗೆ ಶಾಸಕ ರೇಣುಕಾಚಾರ್ಯ ಅವರು ನೀಡಿದ್ದರು. ಈ ವೇಳೆ ಶಾಸಕರ ಕಾಲಿಗೆ ಪೋಷಕರು ಬಿದ್ದು ಗೋಳೋ ಅಂತಾ ಅತ್ತರು. ಈ ವೇಳೆ ಅವರಗೆ ಸಮಾಧಾನದ ಮಾತುಗಳನ್ನಾಡಿದ ರೇಣುಕಾಚಾರ್ಯ ಅವರು ವೈಯಕ್ತಿಕ ಸಹಾಯ ಮಾಡಿದರಲ್ಲದೇ, ಸರ್ಕಾರದಿಂದ ಪರಿಹಾರ ಕೊಡಿಸುವ ಭರವಸೆ ನೀಡಿದರು. ನಿಮ್ಮ ಜೊತೆ ನಾನಿದ್ದೇನೆ ಎಂಬ ಭರವಸೆ ನೀಡಿದರು.

ಇನ್ನು ಬೆಂಗಳೂರಿನಲ್ಲಿ ವಿಧಾನಸಭಾ ಅಧಿವೇಶನದಲ್ಲಿ ಪಾಲ್ಗೊಂಡಿದ್ದ ಕಾರಣ ಸಿಎಂ ರಾಜಕೀಯ ಕಾರ್ಯದರ್ಶಿ ಎಂ. ಪಿ. ರೇಣುಕಾಚಾರ್ಯ ಅಂತ್ಯಕ್ರಿಯೆಗೆ ಬರಲು ಆಗಿರಲಿಲ್ಲ. ಶಿವು‌‌ ಮನೆಗೆ ಬಂದ‌ ಅವರಿಗೆ ಪೋಷಕರು, ನೆರೆಹೊರೆಯವರ ದುಃಖ ಕಂಡು ಭಾವುಕರಾದರು. ಕಣ್ಣೀರನ್ನೂ ಸುರಿಸಿದರು.

ಚಿಕ್ಕ ವಯಸ್ಸಿಗೆ ಹಿಂದುತ್ವವನ್ನು ಉಸಿರಾಗಿಸಿಕೊಂಡು ಅಪಾರ ಸ್ನೇಹ ಬಳಗವನ್ನು ಹೊಂದಿದ್ದ ಶಿವು ಅವರನ್ನು ‘ಶಿವಾಜಿ’ ಎಂದೇ ಸ್ನೇಹಿತರು ಕರೆಯುತ್ತಿದ್ದರು. ಕಣ್ಣೀರಲ್ಲಿ ಕೈತೊಳೆತ್ತಿರುವ ಅವರ ತಂದೆ ತಾಯಿಗಳ ಆಕ್ರಂದನ ನೋಡಿ ನನ್ನ ಕಣ್ಣುಗಳು ತೆವವಾದವು. ಮಗನ ನೆನೆದು ತಾಯಿಕರುಳ ಆಕ್ರಂದನ ನೋಡಿ ನನಗೆ ದುಃಖ ತಡೆದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂದು ಶಾಸಕ ರೇಣುಕಾಚಾರ್ಯ ಅವರು ಹೇಳಿದರು.

ಆ ತಾಯಿಕರುಳ ಆಕ್ರಂದನ ನೋಡಿ ನನಗೆ ದುಃಖ ತಡೆದುಕೊಳ್ಳಲು ಸಾಧ್ಯವಾಗಲಿಲ್ಲ…

ಕ್ಷೇತ್ರದ ಮಾಸಡಿ ಗ್ರಾಮದ ಹಿಂದೂ ಯುವ ಕಾರ್ಯಕರ್ತ 21ವರ್ಷದ ಶಿವು ಅವರು ರಸ್ತೆ ಅಪಘಾತದಲ್ಲಿ ದುರ್ಮರಣ ಹೊಂದಿದ್ದು, ನೆನ್ನೆ ನಾನು ಅಧಿವೇಶನದಲ್ಲಿ ಭಾಗವಸಿದ್ದ ಕಾರಣ ಅಂತ್ಯ ಸಂಸ್ಕಾರದಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗದ ಹಿನ್ನೆಲೆ ಇಂದು ಅವರ ಮನೆಗೆ ಭೇಟಿನೀಡಿದೆ pic.twitter.com/7LZ7seJkQX

— M P Renukacharya (@MPRBJP) March 19, 2021