Scholarship | ಶಿಕ್ಷಣವೇ ಶಕ್ತಿ, ಆದರೆ ಅನೇಕರಿಗೆ ಅದು ಇನ್ನೂ ಅಸಾಧ್ಯ ಕನಸು. ಈ ಅಡೆತಡೆಗಳನ್ನು ನಿವಾರಿಸಲು, ಮಹೀಂದ್ರಾ & ಮಹೀಂದ್ರಾ ಲಿಮಿಟೆಡ್ ತನ್ನ ಸಾಮಾಜಿಕ ಜವಾಬ್ದಾರಿಯ ಭಾಗವಾಗಿ ‘ಮಹೀಂದ್ರಾ ಎಂಪವರ್ಹರ್ ಸ್ಕಾಲರ್ಶಿಪ್ ಪ್ರೋಗ್ರಾಂ 2025-26’ ಅನ್ನು ಆರಂಭಿಸಿದೆ. ಈ ಯೋಜನೆಯ ಗುರಿ ಕೇವಲ ಹಣಕಾಸು ಸಹಾಯವಲ್ಲ- ಯುವತಿಯರಲ್ಲಿ ಆತ್ಮವಿಶ್ವಾಸ, ಶಿಕ್ಷಣದ ಪ್ರೇರಣೆ ಮತ್ತು ಸಬಲೀಕರಣದ ಭಾವನೆ ಮೂಡಿಸುವುದು.
ಯಾರು ಅರ್ಹರು?
- 9ನೇ ತರಗತಿಯಿಂದ 12ನೇ ತರಗತಿ, ಪದವಿ (B.A., B.Sc., B.Com.) & ಸ್ನಾತಕೋತ್ತರ (M.A., M.Sc., M.Com.) ಓದುತ್ತಿರುವ ವಿದ್ಯಾರ್ಥಿನಿಯರು.
- ಹಿಂದಿನ ಶೈಕ್ಷಣಿಕ ವರ್ಷದಲ್ಲಿ ಕನಿಷ್ಠ 50% ಅಂಕಗಳು, ಸ್ನಾತಕೋತ್ತರ ಹಂತಕ್ಕೆ 70% ಅಂಕಗಳು ಅಗತ್ಯ.
- ಕುಟುಂಬದ ವಾರ್ಷಿಕ ಆದಾಯ ₹4 ಲಕ್ಷಕ್ಕಿಂತ ಕಡಿಮೆ ಇರಬೇಕು.
- ಭಾರತದ ಯಾವುದೇ ರಾಜ್ಯದ ವಿದ್ಯಾರ್ಥಿನಿಯರು ಅರ್ಹರು.
- SC/ST/OBC/PwD ಸಮುದಾಯದ ವಿದ್ಯಾರ್ಥಿನಿಯರಿಗೆ ಆದ್ಯತೆ.
ವಿದ್ಯಾರ್ಥಿವೇತನದ ಪ್ರಯೋಜನ
ಆಯ್ಕೆಯಾದ ಪ್ರತಿಯೊಬ್ಬ ವಿದ್ಯಾರ್ಥಿನಿಗೂ ₹5,500 ನೇರವಾಗಿ ಖಾತೆಗೆ ಜಮಾ ಆಗುತ್ತದೆ. ಈ ಮೊತ್ತವನ್ನು ಪುಸ್ತಕಗಳು, ಫೀಸ್, ಹಾಸ್ಟೆಲ್ ಅಥವಾ ಇತರ ಶೈಕ್ಷಣಿಕ ವೆಚ್ಚಗಳಿಗೆ ಬಳಸಬಹುದು.
ಅಗತ್ಯ ದಾಖಲೆಗಳು
- ಇತ್ತೀಚಿನ ಪಾಸ್ಪೋರ್ಟ್ ಗಾತ್ರದ ಫೋಟೋ
- ಶಾಲೆ/ಕಾಲೇಜ್ ಪ್ರವೇಶ ಪುರಾವೆ ಹಿಂದಿನ ವರ್ಷದ ಅಂಕಪಟ್ಟಿ
- ಆದಾಯ ಪ್ರಮಾಣಪತ್ರ / ಸಂಬಳ ಚೀಟಿ / ಐಟಿಆರ್ ಬ್ಯಾಂಕ್ ಪಾಸ್ಬುಕ್ ಪ್ರತಿಗಳು
- ಗುರುತಿನ ಪುರಾವೆ (ಆಧಾರ್/ರೇಷನ್ ಕಾರ್ಡ್/ಡ್ರೈವಿಂಗ್ ಲೈಸೆನ್ಸ್)
- ಜಾತಿ ಅಥವಾ ಅಂಗವೈಕಲ್ಯ ಪ್ರಮಾಣಪತ್ರ (ಅನ್ವಯಿಸಿದರೆ)
ಅರ್ಜಿ ಸಲ್ಲಿಸುವ ವಿಧಾನ
Buddy4Study ವೆಬ್ಸೈಟ್ಗೆ ಭೇಟಿ ನೀಡಿ, ‘Apply Now’ ಬಟನ್ ಕ್ಲಿಕ್ ಮಾಡಿ. ಲಾಗಿನ್ ಅಥವಾ ಹೊಸ ಖಾತೆ ನಿರ್ಮಿಸಿ. ವೈಯಕ್ತಿಕ, ಶೈಕ್ಷಣಿಕ ಮತ್ತು ಕುಟು೦ಬದ ವಿವರಗಳನ್ನು ನಮೂದಿಸಿ. ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ. ಅರ್ಜಿ ಸಲ್ಲಿಕೆ ಕೊನೆಯ ದಿನಾಂಕ: 15 ನವೆಂಬರ್ 2025.
ಯೋಜನೆಯ ಉದ್ದೇಶ
‘Together We Rise’ ತತ್ವದಡಿ ಮಹೀಂದ್ರಾ ಸಂಸ್ಥೆ, ಹಿಂದುಳಿದ ವರ್ಗದ ಹುಡುಗಿಯರಿಗೆ ಶಿಕ್ಷಣದ ದಾರಿ ತೆರೆಯಲು ಬದ್ಧವಾಗಿದೆ. ಇದು ಕೇವಲ ವಿದ್ಯಾರ್ಥಿವೇತನವಲ್ಲ- ಯುವತಿಯರ ಕನಸುಗಳಿಗೆ ಹೊಸ ಹಾದಿ, ಭವಿಷ್ಯದ ನಾಯಕತ್ವದತ್ತದ ಮೊದಲ ಹೆಜ್ಜೆ.
