ಹೈದರಾಬಾದ್: ಈಗೆ ತಮಿಳಿನ ಖ್ಯಾತ ಹೀರೊ ವಿಶಾಲ್ ಸಿನಿಮಾದಲ್ಲಿ, ನಾಯಕಿಯಾಗಿ ನಟಿಸಲು ಅವಕಾಶ ಪಡೆಯಲು ಪ್ರಯತ್ನಿಸುತ್ತಿರುವ ಸಮಯದಲ್ಲಿ ಒಬ್ಬ ವಿದ್ಯಾರ್ಥಿ ಮೋಸ ಹೋಗಿದ್ದು, ಚೆನ್ನೈ ಮತ್ತು ವಿಶಾಖಪಟ್ಟಣಂನಲ್ಲಿ ಮೂರು ದಿನಗಳ ಕಾಲ ಲಾಡ್ಜ್‌ನಲ್ಲಿ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿರುವ ಘಟನೆ ನಡೆದಿದೆ.
ವಿಶಾಖಪಟ್ಟಣಂನ ಆ ಯುವತಿ ಹೈದರಾಬಾದ್‌ನಲ್ಲಿ ಓದುತ್ತಿರುತ್ತಾಳೆ. ಸಿನಿಮಾದಲ್ಲಿ ನಟಿಸಬೇಕೆಂಬುದು ಆ ಯುವತಿಯ ಆಸೆ. ತಮಿಳು ನಟ ವಿಶಾಲ್ ಎದುರು ಹೀರೋಯಿನ್ ಚಾನ್ಸ್ ಎಂಬ ಆನ್‌ಲೈನ್ ಜಾಹೀರಾತನ್ನು ನೋಡಿದ ಆ ಯುವತಿ ಒಬ್ಬ ವ್ಯಕ್ತಿಯನ್ನು ಸಂಪರ್ಕಿಸಿದ್ದಾಳೆ. ಆ ವ್ಯಕ್ತಿ ಕೇಳಿದಂತೆಯೇ ಆ ಯುವತಿ ತನ್ನ ಪ್ರೊಫೈಲ್ ಮತ್ತು ಫೋಟೋಗಳನ್ನು ಕಳುಹಿಸಿದ್ದಾಳೆ.
ಆ ಫೋಟೋಗಳನ್ನು ನೋಡಿದ ಆ ವ್ಯಕ್ತಿ ನಿಮ್ಮನ್ನು ಸಿನಿಮಾದಲ್ಲಿ ಆಯ್ಕೆ ಮಾಡಲಾಗಿದೆ ಎಂದು ನಕಲಿ ಅಗ್ರಿಮೆಂಟ್ ಕಳುಹಿಸಿದ್ದಾನೆ. ಚೆನ್ನೈಗೆ ಬಂದು ವಿಶಾಲ್ ಅವರ ವ್ಯವಸ್ಥಾಪಕರನ್ನು ಹೋಟೆಲ್‌ನಲ್ಲಿ ಭೇಟಿಯಾಗಲು ಹೇಳಿದ್ದಾನೆ. ಆದರೆ ಚೆನ್ನೈ ಹೋಟೆಲ್‌ವೊಂದರಲ್ಲಿ ಅಪರಿಚಿತ ವ್ಯಕ್ತಿಯೊಬ್ಬ ಆಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ರಾತ್ರಿಯೆಲ್ಲಾ ಅವನೊಂದಿಗೆ ಕಳೆಯಬೇಕಾಯಿತು.
ಆಗ ಆ ವ್ಯಕ್ತಿ ವೈಜಾಗ್‌ಗೆ ಹೋಗಿ ಕಾಸ್ಟ್ಯೂಮ್ ಡಿಸೈನರ್‌ನನ್ನು ಭೇಟಿ ಮಾಡಲು ಹೇಳಿದ್ದಾನೆ. ಆ ವ್ಯಕ್ತಿಯ ಮಾತಿನ ಪ್ರಕಾರ, ವಿಶಾಖಪಟ್ಟಣಂಗೆ ಹೋದ ಆ ಯುವತಿ ‘ಕಾಸ್ಟ್ಯೂಮ್ ಡಿಸೈನರ್’ ಜೊತೆ ಆ ರಾತ್ರಿ ಕೂಡ ಕಳೆಯಬೇಕಾಯಿತು. ಉದ್ಯಮದಲ್ಲಿ ಇವೆಲ್ಲವೂ ಸಹಜ ಎಂದು ತಿಳಿದುಕೊಂಡ ಆ ಯುವತಿ, ವೈಜಾಗ್‌ನಲ್ಲಿ ಇರು ಬೇರೊಬ್ಬರು ಬರುತ್ತಾರೆ ಎಂದು ಆ ವ್ಯಕ್ತಿ ಹೇಳುವ ಮೂಲಕ, ಹಾಗೆಯೇ ಮತ್ತೊಬ್ಬರಿಂದ ಮೋಸ ಘಟನೆ ನಡೆದಿದೆ.
ಹೀಗೆ ತನ್ನನ್ನು ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದಾರೆ ಎಂದು ಆ ಯುವತಿ ಅನುಮಾನಗೊಂಡು ಹೈದರಾಬಾದ್ ಪೊಲೀಸರನ್ನು ಸಂಪರ್ಕಿಸಿದ್ದಾಳೆ. ಪೊಲೀಸರು ಆ ವ್ಯಕ್ತಿಯನ್ನು ಬಂದಿಸುತ್ತಿದಂತೆ ಆ ಯುವತಿ ನಿಟ್ಟುಸಿರು ಬಿಟ್ಟಿದ್ದಾಳೆ.
