ಇಸ್ಲಾಮಾಬಾದ್ : ಈಗಾಗಲೇ ಪಾಕಿಸ್ತಾನ ಸರ್ಕಾರ ಟಿಕ್ ಟಾಕ್ ಆ್ಯಪ್‌ ಅನ್ನು ಎರಡು ಬಾರಿ ನಿಷೇಧಿಸಿದೆ. ಆದ್ರೆ, ಈಗ ಪಾಕಿಸ್ತಾನ ದೂರಸಂಪರ್ಕ ಪ್ರಾಧಿಕಾರ (ಪಿಟಿಎ) ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್‌ ನಲ್ಲಿ ವಿಷಯವನ್ನು ಸೆನ್ಸಾರ್ ಮಾಡಲು ಹೊಸ ಮಾರ್ಗವನ್ನು ಕಂಡು ಕೊಂಡಿದ್ದು, ಪ್ರಾಧಿಕಾರ ಯಾರ ವೈಯಕ್ತಿಕ ಖಾತೆಯನ್ನು ಬ್ಯಾನ್ ಮಾಡಬಹುದಾಗಿದೆ. ಪಾಕಿಸ್ತಾನ ದೂರಸಂಪರ್ಕ ಪ್ರಾಧಿಕಾರ (ಪಿಟಿಎ) ಹೊಸ ರೀತಿಯಲ್ಲಿ ಟಿಕ್ ಟಾಕ್ ಮೇಲೆ ಕಣ್ಣಿಡಲು ಪ್ರಾರಂಭಿಸಿದೆ. ಆ್ಯಪ್‌ ನಲ್ಲಿರುವ ಕಂಟೆಂಟ್ ಅನ್ನೂ ಸೆನ್ಸಾರ್ ಮಾಡಿ, ವೈಯಕ್ತಿಕ ಖಾತೆಗಳಿಗೇ ಕತ್ತರಿ ಹಾಕಲಾಗುತ್ತಿದೆ.
ಇದೀಗ ಪಿಟಿಎ ಪೋರ್ನ್ ಸ್ಟಾರ್ ಮಿಯಾ ಖಲೀಫಾಳ ಟಿಕ್ ಟಾಕ್ ಖಾತೆಗೂ ಕತ್ತರಿ ಹಾಕಿದೆ. ಯಾವುದೇ ಅಧಿಕೃತ ಪ್ರಕಟಣೆ ನೀಡದೆಯೇ ಖಾತೆಯನ್ನು ಬ್ಯಾನ್ ಮಾಡಲಾಗಿದೆ. ಯಾವ ಕಾರಣಕ್ಕೆ ಬ್ಯಾನ್ ಮಾಡಿದ್ದೇವೆ ಎನ್ನುವ ವಿಚಾರವನ್ನೂ ಪಿಟಿಎ ತಿಳಿಸಿಲ್ಲ. ಈ ವಿಚಾರವಾಗಿ ಸ್ವತಃ ಮಿಯಾ ಅವರೇ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಆಕ್ರೋಶ ಹೊರಹಾಕಿದ್ದರು. ಮಿಯಾ ಅವರಿಗೆ ಪಾಕ್ನಲ್ಲಿ ಸಾಕಷ್ಟು ಅಭಿಮಾನಿಗಳಿದ್ದು, ಅವರು ಇದೀಗ ತಮ್ಮ ಸರ್ಕಾರದ ಮೇಲೆ ಆಕ್ರೋಶ ಹೊರಹಾಕಲಾರಂಭಿಸಿದ್ದಾರೆ.
ಟಿಕ್ ಟಾಕ್ ನಲ್ಲಿ ಮಿಯಾ ಖಲೀಫಾ ಸಾಕಷ್ಟು ಅಭಿಮಾನಿಗಳು ಹೊಂದಿದ್ದಾರೆ. ಆದ್ರೆ, ಪಾಕಿಸ್ತಾನ ಅಭಿಮಾನಿಗಳಿಗೆ ಬ್ಯಾನ್ ಆಗಿರುವ ವಿಷಯ ತಿಳಿದಿದ್ದು, ಟ್ವಿಟರ್ ಮುಖಾಂತರ ಈ ವಿಷಯವನ್ನು ತೀವ್ರವಾಗಿ ಪ್ರಸ್ತಾಪಿಸಿದ್ದಾರೆ.ಆಗ ಮಿಯಾ ಖಲೀಫಾಗೆ ತನ್ನ ಖಾತೆಯನ್ನು ನಿಷೇಧಿಸಲಾಗಿರುವ ಬಗ್ಗೆ ಮಾಹಿತಿ ತಿಳಿದಿದ್ದು, ಆಘಾತಕ್ಕೊಳಗಾಗಿದ್ದರು. ಬಳಿಕ ಟ್ವೀಟ್ ಮೂಲಕ ತಮ್ಮ ಪಾಕ್ ಅಭಿಮಾನಿಗಳನ್ನು ಸಮಾಧಾನ ಪಡಿಸಿದ್ದು, “ಟಿಕ್ ಟಾಕ್ ಇಲ್ಲಂದ್ರೆ ಏನಾಯ್ತು, ಇನ್ಮುಂದೆ ನನ್ನ ವಿಡಿಯೋಗಳನ್ನು ನೀವು ಟ್ವಿಟರ್ನಲ್ಲೇ ನೋಡಿ. ಟಿಕ್ ಟಾಕ್ ನಲ್ಲಿ ಹಾಕಿದ್ದ ವಿಡಿಯೋಗಳನ್ನು ಮತ್ತೊಮ್ಮೆ ನಾನು ಟ್ವಿಟ್ಟರ್ನಲ್ಲಿ ಶೇರ್ ಮಾಡುತ್ತೇನೆ” ಎಂದು ತಮ್ಮ ಪಾಕ್ ಅಭಿಮಾನಗಳನ್ನು ಸಮಾಧಾನಗೊಳಿಸಿದ್ದಾರೆ.
