ಭಾರತದಲ್ಲಿ ಜಾನುವಾರು ಸಾಕಾಣಿಕೆ:-
ನಮ್ಮ ದೇಶದ ಆರ್ಥಿಕತೆಯಲ್ಲಿ ಜಾನುವಾರು ಸಾಕಾಣಿಕೆ ಪ್ರಮುಖ ಪಾತ್ರ ವಹಿಸುತ್ತದೆ. ದೇಶಾದ್ಯಂತ ಸುಮಾರು 20.5 ಮಿಲಿಯನ್ ಜನರು ತಮ್ಮ ಜೀವನೋಪಾಯಕ್ಕಾಗಿ ಜಾನುವಾರುಗಳನ್ನು ಅವಲಂಬಿಸಿದ್ದಾರೆ.
ಈ ವಲಯವು ಜಿಡಿಪಿಗೆ ಶೇ.4.11ರಷ್ಟು ಮತ್ತು ಕೃಷಿಯ ಒಟ್ಟು ಜಿಡಿಪಿಗೆ ಶೇ.25.6ರಷ್ಟು ಕೊಡುಗೆ ನೀಡುತ್ತದೆ. ಜಾನುವಾರು ಸಾಕಾಣಿಕೆಯು ಗ್ರಾಮೀಣ ಭಾಗದ 2/3ರಷ್ಟು ಜನರಿಗೆ ಜೀವನೋಪಾಯವನ್ನು ಒದಗಿಸುತ್ತದೆ. ಅಲ್ಲದೆ, ದೇಶದ ಜನಸಂಖ್ಯೆಯ ಸುಮಾರು ಶೇ.8.8ರಷ್ಟು ಜನರಿಗೆ ಉದ್ಯೋಗವನ್ನು ನೀಡುತ್ತದೆ.
ಭಾರತದಲ್ಲಿನ ಜಾನುವಾರುಗಳ ಅಂಕಿಅಂಶ:-
ವಿಶ್ವದಲ್ಲೇ ಅತಿಹೆಚ್ಚು ಜಾನುವಾರುಗಳ ಸಂಖ್ಯೆ 535.78 ಮಿಲಿಯನ್
ಕುರಿಗಳ ಸಂಖ್ಯೆ – 148.88 ಮಿಲಿಯನ್
ಎಮ್ಮೆಗಳ ಸಂಖ್ಯೆ – 109.85 ಮಿಲಿಯನ್
ವಿಶ್ವದ ಎರಡನೇ ಅತಿದೊಡ್ಡ ಕೋಳಿ ಮಾರುಕಟ್ಟೆ
ಎರಡನೇ ಅತಿದೊಡ್ಡ ಜಲಚರ ಮತ್ತು ಮೀನು ಉತ್ಪಾದಕ
ಆಡು ಮೇಕೆಗಳ ಸಂಖ್ಯೆ 74.26 ಮಿಲಿಯನ್
ಬಾತುಕೋಳಿ ಮತ್ತು ಕೋಳಿಗಳ ಸಂಖ್ಯೆ – 851.81 ಮಿಲಿಯನ್
2.5 ಲಕ್ಷ ಒಂಟೆಗಳು
ಬಾತುಕೋಳಿ ಸಾಕಾಣಿಕೆ:- ಮಾಂಸ ಮತ್ತು ಮೊಟ್ಟೆ ಉತ್ಪಾದಕ ಬಾತುಕೋಳಿಗಳ ವಿವಿಧ ತಳಿಗಳು ಸೂಕ್ತ ಬೆಲೆಯಲ್ಲಿ ಸುಲಭವಾಗಿ ಲಭ್ಯವಿವೆ. ಬಾತುಕೋಳಿಗಳು ಗಟ್ಟಿಮುಟ್ಟಾದ ಪಕ್ಷಿಗಳಾಗಿದ್ದು, ಅವುಗಳನ್ನು ಹೆಚ್ಚಿನ ಆರೈಕೆ ಮತ್ತು ನಿರ್ವಹಣೆ ಅಗತ್ಯವಿಲ್ಲದ ಕಾರಣ ನೀರಿಲ್ಲದೆ ಸಾಕಬಹುದು.
ಮುತ್ತಿನ ಕೃಷಿ:-ಪ್ರಸ್ತುತ ಮುತ್ತಿನ ಉದ್ಯಮವು ಭಾರಿ ಪ್ರಾಮುಖ್ಯತೆಯನ್ನು ಪಡೆಯುತ್ತಿದೆ. ಈಗ ಮಾರಾಟವಾಗುತ್ತಿರುವ ಮುತ್ತುಗಳಲ್ಲಿ ಸುಮಾರು ಶೇ.99ರಷ್ಟು ಕಲ್ಬರ್ಡ್ ಮುತ್ತುಗಳಿರುತ್ತವೆ. ಇವುಗಳನ್ನು ಮುತ್ತಿನ ಫಾರ್ಮ್ನಲ್ಲಿ ಸುಲಭವಾಗಿ ಕೃತಕವಾಗಿ ಉತ್ಪಾದಿಸಲಾಗುತ್ತದೆ. ಇದಕ್ಕೆ ದೀರ್ಘಾವಧಿಯ ಯೋಜನೆಯ ಅಗತ್ಯವಿದ್ದರೂ, ಮುತ್ತಿನ ಕೃಷಿಯು ಹೆಚ್ಚು ಲಾಭದಾಯಕವಾಗಿದೆ.
ಕ್ವಿಲ್ ಸಾಕಣೆ:- ಗೌಜುಗ ಸಣ್ಣ ಪಕ್ಷಿಯಾಗಿದ್ದರೂ ಅದರ ಸಾಕಣೆ ರೈತರಿಗೆ ಲಾಭದಾಯಕವಾಗಿರುತ್ತದೆ. ಕ್ವಿಲ್ ಸಾಕಣೆಯ ಪ್ರಯೋಜನಗಳೆಂದರೆ ತ್ವರಿತ ಬೆಳವಣಿಗೆ, ಪ್ರಬುದ್ಧತೆ, ಕಡಿಮೆ ಪೀಳಿಗೆಯ ಮಧ್ಯಂತರ ಮತ್ತು ಹೆಚ್ಚು ಉತ್ಪಾದಕ ಮೊಟ್ಟೆಗಳು.
ಕ್ವಿಲ್ ಮಾಂಸವು ಕಡಿಮೆ ಕೊಬ್ಬನ್ನು ಮತ್ತು ಕಡಿಮೆ ಕ್ಯಾಲೋರಿಗಳನ್ನು ಹೊಂದಿರುತ್ತದೆ. ಇದು ಆರೋಗ್ಯದ ದೃಷ್ಟಿಯಿಂದ ಉತ್ತಮ ಆಹಾರವಾಗಿದೆ.
ಏಡಿ ಸಾಕಾಣಿಕೆ:- ಏಡಿಗಳಿಗೆ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹೆಚ್ಚು ಬೇಡಿಕೆಯಿದೆ. ಅತ್ಯಂತ ಕಡಿಮೆ ಬಂಡವಾಳ ಹೂಡಿಕೆಯೊಂದಿಗೆ ಸುಲಭವಾಗಿ ಏಡಿ ಸಾಕಾಣಿಕೆಯನ್ನು ಪ್ರಾರಂಭಿಸಬಹುದು.
ಏಡಿಗಳು ಹೆಚ್ಚು ಲವಣಾಂಶಗಳನ್ನು ಸಹಿಸಿಕೊಳ್ಳಬಲ್ಲವು. ಇವು ಸುಮಾರು 22 ರಿಂದ 24 ಸೆಂ.ಮೀ ಉದ್ದ ಬೆಳೆಯುತ್ತವೆ ಮತ್ತು ಸುಮಾರು 2 ರಿಂದ 2.5 ಕೆಜಿ ತೂಕವಿರುತ್ತವೆ.
ಕುರಿ ಸಾಕಾಣಿಕೆ:- ಕುರಿಗಳನ್ನು ಮಾಂಸ, ಉಣ್ಣೆ ಮತ್ತು ಹಾಲಿಗಾಗಿ ಸಾಕಲಾಗುತ್ತದೆ. ನಿಮ್ಮ ಪ್ರದೇಶದ ಹವಾಮಾನದ ಸ್ಥಿತಿಯನ್ನು ಅವಲಂಬಿಸಿ ನಿರ್ದಿಷ್ಟ ತಳಿಗಳನ್ನು ಆಯ್ಕೆಮಾಡಬೇಕು. ಕುರಿ ಚರ್ಮ ಮತ್ತು ಗೊಬ್ಬರವು ಆದಾಯದ ಪ್ರಮುಖ ಮೂಲಗಳಾಗಿವೆ.
ಒಂದು ವರ್ಷದೊಳಗಿನ ಕುರಿಮರಿ, ಎಳೆಯ ಕುರಿಗಳಿಂದ ಅತ್ಯುನ್ನತ ಗುಣಮಟ್ಟದ ಮಾಂಸವನ್ನು ಉತ್ಪಾದಿಸಲಾಗುತ್ತದೆ. ಕುರಿಗಳ ಜೀವಿತಾವಧಿ 10 ರಿಂದ 12 ವರ್ಷ. ಆದರೆ, ಕೆಲವು ಕುರಿಗಳು 20 ವರ್ಷಗಳವರೆಗೆ ಬದುಕಬಹುದು.
ಹಂದಿ ಸಾಕಣೆ:- ಹಂದಿ ಸಾಕಾಣಿಕೆ ಕ್ಷೇತ್ರವು ಭಾರತದ ಅತ್ಯಂತ ಸಮರ್ಥನೀಯ ಉದ್ಯಮಗಳಲ್ಲೊಂದಾಗಿದೆ. ಕಠಿಣ ಪರಿಸ್ಥಿತಿಗಳಲ್ಲಿಯೂ ಹಂದಿಗಳು ಚೇತರಿಸಿಕೊಳ್ಳುತ್ತವೆ ಮತ್ತು ಚೆನ್ನಾಗಿ ಬದುಕಬಲ್ಲವು. ಹಂದಿಗಳನ್ನು ಮಾಂಸ ಮತ್ತು ಚರ್ಮಕ್ಕಾಗಿ ಸಾಕಲಾಗುತ್ತದೆ.
ಭಾರತದಲ್ಲಿ ಅಂದಾಜು ಅರ್ಧ ಮಿಲಿಯನ್ ಜನರು ಹಂದಿ ಸಾಕಾಣಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಪಶ್ಚಿಮ ಬಂಗಾಳ, ಉತ್ತರ ಪ್ರದೇಶ ಮತ್ತು ರಾಜಸ್ಥಾನವು ಹಂದಿ ಸಾಕಣೆಯಲ್ಲಿ ಮುಂಚೂಣಿಯಲ್ಲಿರುವ ರಾಜ್ಯಗಳಾಗಿವೆ.
ಕೋಳಿ ಸಾಕಣೆ:- ಕನಿಷ್ಠ ಹೂಡಿಕೆಯೊಂದಿಗೆ ಮೊಟ್ಟೆ ಮತ್ತು ಮಾಂಸಕ್ಕಾಗಿ ಕೋಳಿ ಸಾಕಣೆಯನ್ನು ಪ್ರಾರಂಭಿಸಬಹುದು. ಕೋಳಿ ಮಾಂಸಕ್ಕೆ ದಿನದಿಂದ ದಿನಕ್ಕೆ ಬೇಡಿಕೆ ಹೆಚ್ಚಾಗುತ್ತಿರುವುದರಿಂದ ಇದು ನಿಜಕ್ಕೂ ಲಾಭದಾಯಕವಾಗಿದೆ. ಭಾರತದಲ್ಲಿ 3 ಮಿಲಿಯನ್ ರೈತರು ಕೋಳಿ ಸಾಕಾಣಿಕೆಯನ್ನು ಮಾಡುತ್ತಿದ್ದಾರೆ.
ಕರ್ನಾಟಕ, ಆಂಧ್ರಪ್ರದೇಶ, ತಮಿಳುನಾಡು, ಪಶ್ಚಿಮ ಬಂಗಾಳ, ಮಹಾರಾಷ್ಟ್ರ, ಒಡಿಶಾ, ಬಿಹಾರ, ಕೇರಳ ಸೇರಿದಂತೆ ಕೆಲವು ರಾಜ್ಯಗಳಲ್ಲಿ ಕೋಳಿ ಸಾಕಣೆ ಪ್ರಮುಖವಾಗಿದೆ.
