ನೀವು ಪ್ರತಿ ತಿಂಗಳು ಕೈಯಲ್ಲಿ ಹಣವನ್ನು ಪಡೆಯುವ ಬಗ್ಗೆ ಯೋಚಿಸುತ್ತಿದ್ದೀರಾ? ಅಗಾದರೆ, ಒಂದು ಯೋಜನೆ ನಿಮಗಾಗಿ ಲಭ್ಯವಿದೆ. ಮೋದಿ ಸರ್ಕಾರ ಈ ಯೋಜನೆಯನ್ನು ನೀಡುತ್ತಿದೆ. ನೀವು ಇದಕ್ಕೆ ಸೇರಿದರೆ, ನಿಮಗೆ ಪ್ರತಿ ತಿಂಗಳು 5 ಸಾವಿರ ರೂ. ಪಡೆಯಬಹುದು. ಆದರೆ, 60 ವರ್ಷ ವಯಸ್ಸು ದಾಟಿದ ನಂತರವೇ ಪ್ರತಿ ತಿಂಗಳು ಹಣ ಬರುತ್ತದೆ ಎಂದು ಗಮನಿಸಬೇಕು.
ಈ ಯೋಜನೆಯನ್ನು ಅಟಲ್ ಪಿಂಚಣಿ ಯೋಜನೆ ಎಂದು ಕರೆಯಲಾಗುತ್ತದೆ. ಈ ಯೋಜನೆಯನ್ನು ಕೇಂದ್ರ ಸರ್ಕಾರ ನೀಡುತ್ತಿದ್ದು, ಅಸಂಘಟಿತ ವಲಯದಲ್ಲಿ ಕೆಲಸ ಮಾಡುವವರನ್ನು ಗುರಿಯಾಗಿಸಿಕೊಂಡು ಈ ಯೋಜನೆಯನ್ನು ತರಲಾಯಿತು. ಅವರಿಗೆ ಆರ್ಥಿಕ ಭದ್ರತೆ ಒದಗಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಈ ಯೋಜನೆಯನ್ನು ಪ್ರಾರಂಭಿಸಿದ್ದು, 18 ರಿಂದ 40 ವರ್ಷ ವಯಸ್ಸಿನವರು ಈ ಯೋಜನೆಗೆ ಸೇರಬಹುದು.
ನೀವು ಬ್ಯಾಂಕುಗಳಿಗೆ ಹೋಗಿ ಈ ಯೋಜನೆಗೆ ಸೇರಬಹುದು. ದೇಶದ ಅತಿದೊಡ್ಡ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಸೇರಿದಂತೆ ಇತರ ಬ್ಯಾಂಕುಗಳು ಸಹ ಅಟಲ್ ಪಿಂಚಣಿ ಯೋಜನೆಯನ್ನು ನೀಡುತ್ತಿವೆ. ನೀವು ಪ್ರತಿ ತಿಂಗಳು 5 ಸಾವಿರ ರೂ ಪಡೆಯಲು ಬಯಸಿದರೆ, ನೀವು ಪ್ರತಿ ತಿಂಗಳು ಸ್ವಲ್ಪ ಮೊತ್ತವನ್ನು ಪಾವತಿಸಬೇಕಾಗುತ್ತದೆ.
ನೀವು ಅಟಲ್ ಪಿಂಚಣಿ ಯೋಜನೆಗೆ ಸೇರಿದರೆ, ನಿಮಗೆ ತಿಂಗಳಿಗೆ ಕನಿಷ್ಠ ರೂ.1000 ಪಿಂಚಣಿ ಸಿಗುತ್ತದೆ. 2,000 ರೂ, 3,000 ರೂ, 4,000 ಮತ್ತು 5,000 ರೂ ಪಿಂಚಣಿ ಸಹ ತೆಗೆದುಕೊಳ್ಳಬಹುದು. ಆದರೆ, ನೀವು ಪಾವತಿಸುವ ಮಾಸಿಕ ಕಾಂಟ್ರಿಬ್ಯುಶನ್ ಆಧರಿಸಿ ನಿಮ್ಮ ಪಿಂಚಣಿ ಸಹ ಬದಲಾಗುತ್ತದೆ ಎಂಬುದನ್ನು ಗಮನಿಸಬೇಕು.
18 ವರ್ಷ ವಯಸ್ಸಿನವರು 5,000 ರೂ.ಗಳ ಪಿಂಚಣಿ ಪಡೆಯಲು ಬಯಸಿದರೆ, ಅವರು ತಿಂಗಳಿಗೆ 210 ರೂ. ಕಟ್ಟಬೇಕು. ನೀವು ತಿಂಗಳಿಗೆ ರೂ .1000 ಪಡೆಯಲು ಬಯಸಿದರೆ, ತಿಂಗಳಿಗೆ ರೂ .42 ಕಟ್ಟಬೇಕು. ನೀವು ಒಂದು ತಿಂಗಳು, ಮೂರು ತಿಂಗಳು, ಆರು ತಿಂಗಳ ದರದಲ್ಲಿ ಪಿಂಚಣಿ ಹಣವನ್ನು ಪಡೆಯಬಹುದು.
