ಗ್ರಾಹಕರಿಗೆ ಗುಡ್ ನ್ಯೂಸ್: ಮುಂದಿನ ಇಡೀ ತಿಂಗಳು ಹೆಚ್ಚುವರಿ ಉಚಿತ ಹಾಲು

ಬೆಳಗಾವಿ: ವಿಶ್ವ ಹಾಲು ದಿನಾಚರಣೆ ಅಂಗವಾಗಿ ಶಿವಮೊಗ್ಗ ಸಹಕಾರಿ ಹಾಲು ಒಕ್ಕೂಟ, ದಕ್ಷಿಣ ಕನ್ನಡ ಜಿಲ್ಲಾ ಹಾಲು ಒಕ್ಕೂಟ ಹಾಗು ಬೆಳಗಾವಿ ಜಿಲ್ಲಾ ಸಹಕಾರಿ ಹಾಲು ಉತ್ಪಾದಕರ ಸಂಘಗಳ ಒಕ್ಕೂಟ ಮುಂದಿನ ತಿಂಗಳಿನಾದ್ಯಂತ ಪ್ಯಾಕೆಟ್ ಗಳಲ್ಲಿ ಹೆಚ್ಚುವರಿ ಹಾಲನ್ನು ನೀಡುವುದಾಗಿ ತಿಳಿಸಿದೆ.

ಜೂನ್ 1 ರಂದು ವಿಶ್ವದಾತ್ಯಂತ ವಿಶ್ವ ಹಾಲು ದಿನಾಚರಣೆಯನ್ನು ಆಚರಿಸಲಾಗುತ್ತಿದ್ದು, ಕರೋನ ಸಾಂಕ್ರಾಮಿಕ ರೋಗ ಹರಡುತ್ತಿರುವ ಹಿನ್ನಲೆ, ಗ್ರಾಹಕರ ಆರೋಗ್ಯದ ಹಿತದೃಷ್ಟಿಯಿಂದ ಜೂನ್ 1 ರಿಂದ 30 ರ ವರೆಗೆ ಗ್ರಾಹಕರಿಗೆ ಹೆಚ್ಚುವರಿ ಹಾಲು ಉಚಿತವಾಗಿ ನೀಡಲಾಗುತ್ತದೆ.

ಮುಂಬರುವ ಜೂ.1ರಿಂದ 30ರವರೆಗೆ ನಂದಿನಿ ಹಾಲಿನ 500 ಮಿ.ಲೀ. ಪ್ಯಾಕ್‌ಗಳಲ್ಲಿ 20 ಮಿ.ಲೀ. ಹಾಗೂ 1 ಲೀಟರ್‌ ಹಾಲಿನ ಪ್ಯಾಕ್‌ಗಳಲ್ಲಿ 40 ಮಿ.ಲೀ. ಹಾಲನ್ನು ಉಚಿತವಾಗಿ ನೀಡಲಾಗುತ್ತದೆ. ಇದು ಎಲ್ಲಾ ಮಾದರಿಗಳಿಗೆ ಅನ್ವಯವಾಗುತ್ತದೆ ಎಂದು ಒಕ್ಕೂಟ ಪ್ರಕಟಿಸಿದೆ.