ಅತಿಯಾದ ಮೀನುಗಾರಿಕೆ, ಸಮುದ್ರ ತಾಪಮಾನ ಹೆಚ್ಚಳದಿಂದ ಮೀನುಗಾರಿಕೆ ಮೇಲೆ ಹೊಡೆತ

ಮಂಗಳೂರು: ಆಳಸಮುದ್ರದಲ್ಲಿ ಮೀನು ಸಿಗುವ ಪ್ರಮಾಣ ಕಡಿಮೆಯಾಗುತ್ತಿರುವ ಹಿನ್ನಲೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಬಹುತೇಕ ಮೀನುಗಾರಿಕಾ ದೋಣಿಗಳು ಲಂಗರು ಹಾಕಿವೆ.

ಮೀನುಗಾರಿಕೆ ಇಲಾಖೆಯ ಅಂಕಿಅಂಶಗಳ ಪ್ರಕಾರ, 2023-24ಕ್ಕೆ ಹೋಲಿಸಿದರೆ ಡಿಸೆಂಬರ್ನಿಂದ ಮೀನು ಹಿಡಿಯುವಿಕೆಯು 16,255 ಟನ್ಗಳಷ್ಟು (ಫೆಬ್ರವರಿ ಅಂತ್ಯದವರೆಗೆ) ಕಡಿಮೆಯಾಗಿದೆ. ಡಿಸೆಂಬರ್ನಿಂದ ಒಟ್ಟು 20,389 ಟನ್ ಮೀನು ಹಿಡಿಯಲಾಗಿದ್ದು, ಕಳೆದ ವರ್ಷ 36,644 ಟನ್ ಮೀನು ಹಿಡಿಯಲಾಗಿತ್ತು.

ಏಪ್ರಿಲ್ 2024 ರಿಂದ ಫೆಬ್ರವರಿ 2025 ರವರೆಗೆ ಒಟ್ಟಾರೆ ಮೀನು ಹಿಡಿಯುವಿಕೆಯು 2,55,923 ಟನ್ ಆಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 2,32,966 ಟನ್ ಆಗಿತ್ತು. ಆದಾಗ್ಯೂ, ಒಟ್ಟಾರೆ ಮೀನು ಹಿಡಿಯುವಿಕೆಯು ಜಿಲ್ಲೆಯ ಎಲ್ಲಾ ಮೀನುಗಾರರಿಗೆ ಪ್ರಯೋಜನವಾಗಿಲ್ಲ ಎಂದು ಮೀನುಗಾರಿಕೆ ಇಲಾಖೆಯ ಜಂಟಿ ನಿರ್ದೇಶಕ ಸಿದ್ದಯ್ಯ ಅವರು ತಿಳಿಸಿದ್ದಾರೆ.

ಮೀನುಗಾರಿಕಾ ಅವಧಿಯು ಆಶಾದಾಯಕವಾಗಿ ಪ್ರಾರಂಭವಾದರೂ, ಮೀನುಗಾರಿಕೆಯಲ್ಲಿ ತೀವ್ರ ಕುಸಿತ ಕಂಡುಬಂದಿದೆ. ಸಮುದ್ರದ ಉಷ್ಣಾಂಶದಲ್ಲಿನ ಬದಲಾವಣೆಯು ಮೀನುಗಳ ವಲಸೆಗೆ ಕಾರಣವಾಗಿದೆ. ಅತಿಯಾದ ಮೀನುಗಾರಿಕೆಯು ಸಹ ಇದಕ್ಕೆ ಒಂದು ಕಾರಣವಾಗಿದೆ ಎಂದು ಅಧಿಕಾರಿಗಳು ಹೇಳುತ್ತಾರೆ.

ಮಂಗಳೂರು ಟ್ರಾಲ್ ಬೋಟ್ ಅಸೋಸಿಯೇಶನ್ನ ಅಧ್ಯಕ್ಷ ಚೇತನ್ ಬೆಂಗ್ರೆ, ತಾಪಮಾನದಲ್ಲಿನ ಹೆಚ್ಚಳದ ಜೊತೆಗೆ ಬೆಳಕು ಮೀನುಗಾರಿಕೆ, ಬುಲ್ ಟ್ರಾಲಿಂಗ್ ಮತ್ತು ಇತರ ಹಾನಿಕಾರಕ ವಿಧಾನಗಳು ಸೇರಿದಂತೆ ಅವೈಜ್ಞಾನಿಕ ಮೀನುಗಾರಿಕೆಯಿಂದಾಗಿ ಮತ್ಸ್ಯ ಕ್ಷಾಮಕ್ಕೆ ಕಾರಣವಾಗಿದೆ ಎಂದು ಹೇಳಿದ್ದಾರೆ.

“ಕಳೆದ ಕೆಲವು ವರ್ಷಗಳಿಂದ ಪರಿಸ್ಥಿತಿ ಹದಗೆಟ್ಟಿದೆ. ತೀವ್ರ ಪ್ರಮಾಣದ ಬೆಳಕು ಮೀನುಗಾರಿಕೆ ವಿವೇಚನಾರಹಿತ ಬಳಕೆಯು ದೊಡ್ಡ ಹಾನಿಯನ್ನು ಉಂಟುಮಾಡಿದೆ. ಮೀನುಗಳ ಸಂತಾನೋತ್ಪತ್ತಿಗೆ ಅನುಕೂಲವಾಗುವಂತೆ ಇಡೀ ಪಶ್ಚಿಮ ಕರಾವಳಿಯಲ್ಲಿ ಏಕರೂಪದ ಮೀನುಗಾರಿಕೆ ನಿಷೇಧದ ಅವಶ್ಯಕತೆಯಿದೆ” ಎಂದು ಅವರು ಹೇಳಿದರು.

“ಮೀನುಗಾರರು ಏಕರೂಪದ ಮೀನುಗಾರಿಕೆಯನ್ನು ನಿಷೇಧಿಸಬೇಕೆಂದು ಒತ್ತಾಯಿಸುತ್ತಿದ್ದರೂ, ಸರ್ಕಾರ ಅವರ ಮಾತನ್ನು ಕೇಳಲು ವಿಫಲವಾಗಿದೆ” ಎಂದು ಅವರು ಆರೋಪಿಸಿದ್ದಾರೆ.