ಮೈಸೂರು: ತಾಯಿಯಿಲ್ಲದ ಮೂರು ಹುಲಿ ಮರಿಗಳಲ್ಲಿ ಎರಡು ಹುಲಿ ಮರಿಗಳು ಮೈಸೂರು ಜಿಲ್ಲೆಯ ಬಂಡೀಪುರ ಅರಣ್ಯದಲ್ಲಿ ಮೃತಪಟ್ಟಿರುವ ಘಟನೆ ನಡೆದಿದೆ. ಸೋಮವಾರ ಬಂಡೀಪುರ ಅಭಯಾರಣ್ಯದಲ್ಲಿ ಗಸ್ತು ತಿರುಗುತ್ತಿದ್ದ ಅರಣ್ಯ ಕಾವಲುಗಾರರು ಸುಮಾರು ಒಂದೂವರೆ ತಿಂಗಳ ವಯಸ್ಸಿನ ಮೂರು ಹುಲಿ ಮರಿಗಳನ್ನು ಪೊದೆಗಳಲ್ಲಿ ಪತ್ತೆ ಮಾಡಿದ್ದಾರೆ. ಹತ್ತಿರ ಹೋದಾಗ, ಅದರಲ್ಲಿ ಒಂದು ಹುಲಿ ಮರಿ ಮೃತಪಟ್ಟಿರುವುದು ಕಂಡುಬಂದಿದೆ.
ಉಳಿದ ಎರಡು ಹುಲಿ ಮರಿಗಳು ತೀವ್ರ ಹಸಿವಿನಿಂದ ಸಾವಿನ ಅಂಚಿನಲ್ಲಿವೆ. ತಾಯಿ ಹುಲಿ ಅವುಗಳನ್ನು ಬಿಟ್ಟು ಹೋಗಿದ್ದರಿಂದ ಹಲವು ದಿನಗಳಿಂದ ಹಾಲು ಇಲ್ಲದೆ ಹಸಿವಿನಿಂದ ಬಳಲುತ್ತಿದ್ದವು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮೈಸೂರು ಮೃಗಾಲಯದಲ್ಲಿ ಜೀವಂತ ಹುಲಿ ಮರಿಗಳನ್ನು ತರುತ್ತಿದ್ದಾಗ ಇನ್ನೊಂದು ಹುಲಿಮರಿ ಸಾವನ್ನಪ್ಪಿದೆ. ಉಳಿದಿರುವ ಏಕೈಕ ಹುಲಿ ಮರಿಗೆ ಆಹಾರ ನೀಡಿ ಚಿಕಿತ್ಸೆ ನೀಡಲಾಗಿದೆ. ಸತ್ತಿರುವ ಹುಲಿಮರಿಗಳ ಮರಣೋತ್ತರ ಪರೀಕ್ಷೆಯಲ್ಲಿ ಆಹಾರದ ಕೊರತೆಯೇ ಸಾವಿಗೆ ಕಾರಣ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇನ್ನು ತಾಯಿ ಹುಲಿಗಾಗಿ ಹುಡುಕಾಟ ನಡೆಸುತ್ತಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
ಬಾವಿಗೆ ಬಿದ್ದ ಪ್ಯಾಂಗೊಲಿನ್:
ಮತ್ತೊಂದು ಘಟನೆಯಲ್ಲಿ, ಮೈಸೂರು ಜಿಲ್ಲೆಯ ಹುನ್ಸೂರ್ ತಾಲ್ಲೂಕಿನ ಚಿಕ್ಕದನಹಳ್ಳಿ ಗ್ರಾಮದ ಬಾವಿಯಲ್ಲಿ ಅಪರೂಪದ ಪ್ಯಾಂಗೊಲಿನ್ ಕಂಡುಬಂದಿದೆ. ಬಾವಿಗೆ ಬಿದ್ದ ಪ್ಯಾಂಗೊಲಿನ್ ಹೊರಗೆ ಬರಲು ಸಾಧ್ಯವಾಗಲಿಲ್ಲ. ಗ್ರಾಮಸ್ಥರು ಗಮನಿಸಿ ಅದನ್ನು ಹೊರಗೆಳೆದು ಅರಣ್ಯ ಸಿಬ್ಬಂದಿಗೆ ಒಪ್ಪಿಸಿದರು. ಸಾಮಾನ್ಯವಾಗಿ ಪ್ಯಾಂಗೊಲಿನ್ಗಳು ಬೂದು, ನಾಲ್ಕು ಬಣ್ಣಗಳಿಂದ ಕೂಡಿರುತ್ತದೆ. ಈ ಪ್ಯಾಂಗೊಲಿನ್ ಕಿತ್ತಳೆ ಬಣ್ಣದಲ್ಲಿರುವುದು ವಿಶೇಷವಾಗಿದೆ ಎಂದು ಹೇಳಿದ್ದಾರೆ.
