ಮ್ಯೂಚುಯಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವ ಜನರ ಸಂಖ್ಯೆ ಸ್ಥಿರವಾಗಿ ಹೆಚ್ಚುತ್ತಿದೆ. ಕೈಯಲ್ಲಿ ಹಣ ಹೊಂದಿರುವವರು ಮತ್ತು ಕೆಲಸ ಮಾಡುವವರು ಎಂಎಫ್‌ಗಳಲ್ಲಿ ಹಣವನ್ನು ಹೂಡಿಕೆ ಮಾಡುತ್ತಿರಬಹುದು. ದೀರ್ಘಾವಧಿಯಲ್ಲಿ ಮ್ಯೂಚುವಲ್ ಫಂಡ್‌ಗಳಲ್ಲಿ ಹಣವನ್ನು ಹೂಡಿಕೆ ಮಾಡುವುದರಿಂದ ಉತ್ತಮ ಲಾಭ ಪಡೆಯಬಹುದು ಎಂದು ಹೂಡಿಕೆ ತಜ್ಞರು ಹೇಳುತ್ತಾರೆ.
ಆದರೆ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವವರು ಕೆಲವು ವಿಷಯಗಳನ್ನು ತಿಳಿದುಕೊಳ್ಳಬೇಕು. ಬಹು ಮುಖ್ಯವಾಗಿ ಈ 5 ತಪ್ಪುಗಳನ್ನು ಮಾಡಬಾರದು.
1. ಗುರಿ ತಿಳಿಯದೆ ಹೂಡಿಕೆ ಮಾಡಬೇಡಿ. ಭಾರತದಲ್ಲಿ ಅನೇಕ ಜನರು ಸ್ನೇಹಿತರು ಮತ್ತು ಸಂಬಂಧಿಕರ ಸಲಹೆಯ ಮೂಲಕ ಹೂಡಿಕೆ ಮಾಡುತ್ತಾರೆ. ವಿಶ್ಲೇಷಣೆ ಮಾಡುವುದಿಲ್ಲ. ಈಗೆ ಯಾರಾದರೂ ಹೇಳುವುದನ್ನು ಮಾಡಬಾರದು.
2. ಉತ್ತಮ ಹಣಕಾಸು ಸಲಹೆಗಾರರನ್ನು ಆಯ್ಕೆ ಮಾಡಿಕೊಳ್ಳಬೇಕು. ಹಣಕಾಸು ಸಲಹೆಗಾರ ನಿಮ್ಮ ಹಣಕಾಸಿನ ಗುರಿಗಳನ್ನು ಅರ್ಥಮಾಡಿಕೊಳ್ಳುತ್ತಾನೆ. ಉದಾಹರಣೆಗೆ ನಿಮ್ಮ ಮಗುವಿನ ಶಿಕ್ಷಣಕ್ಕಾಗಿ ನೀವು ಹಣವನ್ನು ಹೂಡಿಕೆ ಮಾಡಲು ಬಯಸುತ್ತೀರಿ ಎಂದು ಭಾವಿಸೋಣ. ನಿಮಗೆ ಕೇವಲ 7 ರಿಂದ 8 ವರ್ಷಗಳು ಮಾತ್ರ ಅವಕಾಶ ಇದೆ. ಈ ಸಂದರ್ಭದಲ್ಲಿ ನೀವು ಸಾಲ ನಿಧಿಗಳ ಬದಲು ಹಣವನ್ನು ವೈವಿಧ್ಯಮಯ ಇಕ್ವಿಟಿ ಫಂಡ್‌ಗಳಲ್ಲಿ ಹಾಕಬೇಕು.
3. ಎಲ್ಲೋ ಹೂಡಿಕೆ ಮಾಡುವುದಕ್ಕಿಂತ ತೆರಿಗೆ ಉಳಿತಾಯ ಹೂಡಿಕೆ ಸಾಧನಗಳಲ್ಲಿ ಹಣವನ್ನು ಇಡಬೇಕು. ಇಂತವರಿಗೆ ಇಕ್ವಿಟಿ ಲಿಂಕ್ಡ್ ಸೇವಿಂಗ್ ಸ್ಕೀಮ್ಸ್ ಇಎಲ್ಎಸ್ಎಸ್ ಸೂಕ್ತವಾಗಿದೆ. ಇವುಗಳಿಗೆ ಕೇವಲ 3 ವರ್ಷಗಳ ಲಾಕಿನ್ ಅವಧಿ ಇರುತ್ತದೆ. ಆದ್ದರಿಂದ ಅಲ್ಪಾವಧಿಯ ಆರ್ಥಿಕ ಗುರಿ ಹೊಂದಿರುವವರಿಗೆ ELSS ಸೂಕ್ತವಾಗಿದೆ.
4. ಹೂಡಿಕೆ ಮಾಡುವಾಗ ವೈವಿಧ್ಯತೆಯನ್ನು ಹೊಂದಿರಬೇಕು. ಇದರರ್ಥ ಒಂದೇ ರೀತಿಯ ಫಂಡ್ಸ್ ಗೆ ಹಣವನ್ನು ಹಾಕಬಾರದು. ಹೀಗೆ ಮಾಡುವುದರಿಂದ ನಿಮಗೆ ಅದೇ ರೀತಿಯ ಲಾಭ ಸಿಗುತ್ತದೆ. ಇದು ನಷ್ಟಕ್ಕೆ ಕಾರಣವಾಗಬಹುದು.
5. ಹೂಡಿಕೆ ಮಾಡುವುದು ಜೂಜಾಟವಲ್ಲ ಎಂಬುದನ್ನು ನೆನಪಿಡಿ. ಅಲ್ಪಾವಧಿಯಲ್ಲಿಯೇ ನೀವು ಯೋಗ್ಯವಾದ ಲಾಭವನ್ನು ಪಡೆಯಲು ಬಯಸಿದರೆ ನಿಮಗೆ ಸಾಧ್ಯವಾಗದಿರಬಹುದು. ಆದ್ದರಿಂದ ಹೂಡಿಕೆ ಮಾಡುವವರಿಗೂ ತಾಳ್ಮೆ ಕೂಡ ಇರಬೇಕು.
