ಮೈಸೂರು: ಹಣ ನೀಡುವ ನೆಪದಲ್ಲಿ ಯುವತಿಯರ ಅಶ್ಲೀಲ ಫೋಟೋ ಮತ್ತು ವೀಡಿಯೊಗಳನ್ನು ಪಡೆದು ದುರುಪಯೋಗ ಮಾಡಿಕೊಳ್ಳುತ್ತಿದ್ದ ಜಾಲ ಬಯಲಿಗೆ ಬಂದಿದೆ. ಈ ಸಂಬಂಧದಲ್ಲಿ ಓರ್ವ ಮಹಿಳೆಯನ್ನು ಪೊಲೀಸರು ಬಂಧಿಸಿದ್ದಾರೆ.
ನರಸಿಂಹರಾಜ ಪೊಲೀಸ್ ಠಾಣೆಗೆ ದೂರು ನೀಡಿರುವವರ ಪುತ್ರಿ(19) ಮೈಸೂರಿನ ಒಂದು ಖಾಸಗಿ ಕಾಲೇಜಿನ ವಿದ್ಯಾರ್ಥಿನಿ. ಇತ್ತೀಚೆಗೆ ಅವಳು ಖಿನ್ನತೆಗೊಳಗಾಗಿದ್ದುದರಿಂದ ಸಂಶಯಗೊಂಡ ಪೋಷಕರು ಅವಳ ಮೊಬೈಲ್ ಪರಿಶೀಲಿಸಿದಾಗ, ಅದರಲ್ಲಿ ಅಶ್ಲೀಲ ವೀಡಿಯೋ ಮತ್ತು ಫೋಟೋಗಳು ಸಿಗಲಿವೆ.
ವಿಚಾರಣೆಯಲ್ಲಿ ಆಕೆ, “ಮೂರು ತಿಂಗಳ ಹಿಂದೆ ಪರಿಚಯವಾದ ಒಬ್ಬ ಮಹಿಳೆ ನನ್ನನ್ನು ಹಣದ ಆಮಿಷವೊಡ್ಡಿ ಕಾಳಿದಾಸ ರಸ್ತೆಯ ಕೆಫೆಗೆ ಕರೆದುಕೊಂಡು ಹೋಗುತ್ತಿದ್ದಳು. ‘ಶ್ರೀಮಂತರ ಪರಿಚಯ ನನಗಿದೆ, ಅವರು ನಿನಗೆ ಬಹಳ ಹಣ ನೀಡುತ್ತಾರೆ. ನಾನು ಇದೇ ರೀತಿ ಹಲವಾರು ವಿದ್ಯಾರ್ಥಿಗಳಿಗೆ ಸಹಾಯ ಮಾಡಿದ್ದೇನೆ’ ಎಂದು ಹೇಳಿ ನನ್ನನ್ನು ವಂಚಿಸಿದಳು. ನಂತರ 15 ಸಾವಿರ ರೂಪಾಯಿ ನೀಡಿ, ‘ಈ ಫೋಟೋ ಮತ್ತು ವೀಡಿಯೋಗಳನ್ನು ಯಾರಿಗೂ ಕಳುಹಿಸುವುದಿಲ್ಲ’ ಎಂದು ಭರವಸೆ ನೀಡಿದ್ದರಿಂದ, ನಾನು ಒಬ್ಬರ ಸ್ನ್ಯಾಪ್ಚ್ಯಾಟ್ ಖಾತೆಗೆ ಅಶ್ಲೀಲ ಫೋಟೋಗಳನ್ನು ಕಳುಹಿಸಿದ್ದೆ” ಎಂದು ತಿಳಿಸಿದಳು.
ಈ ಕುರಿತು ದೂರು ದಾಖಲಿಸಿದ ಪೊಲೀಸರು ತನಿಖೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಮುಂದಿನ ಕ್ರಮಕ್ಕಾಗಿ ತನಿಖೆ ನಡೆಯುತ್ತಿದೆ.
