ಉತ್ತಮವಾದ ಲಾಭವನ್ನು ಪಡೆಯಲು ಬಯಸುತ್ತಿದ್ದೀರಾ? ಅದಕ್ಕೆ ನಿಮಗೆ ಸಾಕಷ್ಟು ಆಯ್ಕೆಗಳಿದ್ದು, ಅಂಚೆ ಕಚೇರಿ ಕೂಡ ಇವುಗಳಲ್ಲಿ ಒಂದು ಎಂಬುದನ್ನು ನೆನಪಿನಲ್ಲಿಡಬೇಕು. ಅಂಚೆ ಕಚೇರಿಯಲ್ಲಿ ಹಲವು ರೀತಿಯ ಯೋಜನೆಗಳಿವೆ. ಇವುಗಳಲ್ಲಿ ನೀವು ಹಣವನ್ನು ಹಾಕಿದರೆ, ನೀವು ಯಾವುದೇ ರಿಸ್ಕ್ ಇಲ್ಲದೆ ಲಾಭವನ್ನು ಪಡೆಯಬಹುದು.
ಪಬ್ಲಿಕ್ ಪ್ರಾವಿಡೆಂಡ್ ಫಂಡ್ (ಪಿಪಿಎಫ್) ಯೋಜನೆ ಅಂಚೆ ಕಚೇರಿ ನೀಡುವ ಯೋಜನೆಗಳಲ್ಲಿ ಒಂದಾಗಿದೆ. ನೀವು ಈ ಯೋಜನೆಯಡಿ ಹಣವನ್ನು ಹಾಕಿದರೆ, ನಿಖರವಾದ ಲಾಭ ಬರುತ್ತದೆ. ಯಾವುದೇ ರಿಸ್ಕ್ ಇರುವುದಿಲ್ಲ. ನೀವು ತೆರಿಗೆ ವಿನಾಯಿತಿ ಪ್ರಯೋಜನಗಳನ್ನು ಸಹ ಪಡೆಯಬಹುದು. ಅದಕ್ಕೆ, ಕೇಂದ್ರ ಸರ್ಕಾರ ಪ್ರತಿ ಮೂರು ತಿಂಗಳಿಗೊಮ್ಮೆ ಬಡ್ಡಿದರಗಳನ್ನು ಪರಿಶೀಲಿಸುತ್ತದೆ.
ನೀವು ಪಿಪಿಎಫ್ ಯೋಜನೆಗೆ ಸೇರಿದರೆ, ನಿಮಗೆ ದಿನಕ್ಕೆ 100 ರೂ ಉಳಿತಾಯದೊಂದಿಗೆ ಒಟ್ಟು 10 ಲಕ್ಷ ರೂ. ಪಡೆಯಬಹುದು. ಸಾರ್ವಜನಿಕ ಭವಿಷ್ಯ ನಿಧಿ ಯೋಜನೆಯಲ್ಲಿ ನೀವು ಒಂದು ಆರ್ಥಿಕ ವರ್ಷದಲ್ಲಿ ರೂ .500 ರಿಂದ ರೂ .1.5 ಲಕ್ಷದವರೆಗೆ ಹೂಡಿಕೆ ಮಾಡಬಹುದು. ಪಿಪಿಎಫ್‌ನಲ್ಲಿ ಸಾಲ ಸೌಲಭ್ಯವೂ ಕೂಡ ಇದೆ.
ಪಿಪಿಎಫ್ ಮೇಲಿನ ಬಡ್ಡಿದರ ಪ್ರಸ್ತುತ ಶೇಕಡಾ 7.1 ಇದೆ. ಮುಕ್ತಾಯ ಅವಧಿ 15 ವರ್ಷಗಳು. ನೀವು ದಿನಕ್ಕೆ 100 ರೂಗಳನ್ನು ಉಳಿಸಿದರೆ ಮತ್ತು ತಿಂಗಳ ಕೊನೆಯಲ್ಲಿ ಪಿಪಿಎಫ್‌ನಲ್ಲಿ 3,000 ರೂಗಳನ್ನು ಹೂಡಿಕೆ ಮಾಡಿದರೆ, ಯೋಜನೆಯ ಮುಕ್ತಾಯದ ಸಮಯದಲ್ಲಿ ನಿಮಗೆ ಸುಮಾರು 10 ಲಕ್ಷ ರೂ. ಸಿಗುತ್ತದೆ. ಯಾವುದೇ ರಿಸ್ಕ್ ಇಲ್ಲದೆ ಆದಾಯವನ್ನು ಗಳಿಸಬಹುದು.
