ದೈನಂದಿನ ಕೆಲಸದಲ್ಲಿ ದೇಹಕ್ಕೆ ಬೇಕಾಗುವಷ್ಟು ನೀರು ಕುಡಿಯುವುದು ಅವಶ್ಯಕವಾಗಿದ್ದು, ದಿನದಲ್ಲಿ ಎಂಟು ಲೋಟ ನೀರು ಕುಡಿಯುವ ಮೂಲಕ ಆರೋಗ್ಯ ಕಾಪಾಡಿಕೊಳ್ಳಬಹುದು.
ಅಲ್ಲದೆ ಐಸ್‌ನಂತಹ ತಣ್ಣಗಿನ ನೀರಿಗಿಂತ ಸಾಧಾರಣ ಅಥವಾ ಉಗುರು ಬೆಚ್ಚನೆಯ ನೀರಿನ ಸೇವನೆ ಒಳ್ಳೆಯದು.
ಇನ್ನು, ಎಳನೀರು, ಹಣ್ಣಿನ ರಸಗಳು, ಹಾಲು, ಚಹಾ, ತಂಪು ಪಾನೀಯಗಳ ಮೂಲಕವೂ ನೀರು ದೇಹವನ್ನು ಸೇರುವುದಲ್ಲದೆ, ಕೋಲಾ ಮೊದಲಾದ ಪೇಯಗಳಲ್ಲಿ ಹೆಚ್ಚು ಸಕ್ಕರೆ ಪ್ರಮಾಣ ಇರುವುದರಿಂದಾಗಿ ನೀರಿನ ದಾಹ ಕಡಿಮೆ ಆಗುವಂತೆ ಮಾಡುತ್ತದೆ.
ಬಿಸಿ ನೀರಿಗೆ ಬೆಲ್ಲ ಸೇರಿಸಿ ಸೇವಿಸಿದ್ರೆ:
ಆಯುರ್ವೇದದ ಪ್ರಕಾರ ಬಿಸಿ ನೀರಿನೊಂದಿಗೆ ಬೆಲ್ಲವನ್ನು ಸೇರಿಸಿ ಸೇವಿಸಿದಾಗ ವಿವಿಧ ರೀತಿಯ ಆರೋಗ್ಯ ಸಮಸ್ಯೆಗಳು ದೂರವಾಗುವುದಲ್ಲದೆ, ಇದರ ಸೇವನೆಯಿಂದ ಹೃದಯದ ಆರೋಗ್ಯ ಉತ್ತಮವಾಗುವುದಲ್ಲದೆ, ತೂಕ ಇಳಿಸಲು ಸಹಕಾರಿಯಾಗಿದೆ.
ಇನ್ನು ಬಿಸಿ ನೀರಿನೊಂದಿಗೆ ಬೆಲ್ಲವನ್ನು ಸೇರಿಸಿ ಸೇವಿಸಿದರೆ ಹೊಟ್ಟೆ ಸಂಬಂಧಿತ ಸಮಸ್ಯೆಗಳು, ನಿದ್ರಾಹೀನತೆ ನಿವಾರಣೆ, ಬಾಯಿಯ ಕಾಯಿಲೆ ದೂರವಾಗುವುದಲ್ಲದೆ, ಕಿಡ್ನಿಯಲ್ಲಿನ ಕಲ್ಲಿನ ಸಮಸ್ಯೆಗೆ ಪರಿಹಾರವಾಗಿದೆ.
