Tongue : ನೀವು ಯಾವುದಾದರೂ ಆರೋಗ್ಯ ಸಮಸ್ಯೆ ಉಂಟಾದಾಗ ಆಸ್ಪತ್ರೆಗೆ ಹೋದರೆ, ವೈದ್ಯರು ಮೊದಲು ನಿಮ್ಮ ನಾಲಿಗೆಯನ್ನು ತೋರಿಸಲು ಹೇಳುತ್ತಾರೆ. ಏಕೆಂದರೆ ನಾಲಿಗೆ (Tongue) ನಮ್ಮ ಆರೋಗ್ಯಕ್ಕೆ ಕನ್ನಡಿಯಂತಿದೆ. ನಾಲಿಗೆಯ ಮೇಲಿನ ಲಕ್ಷಣಗಳನ್ನು ನೋಡುವ ಮೂಲಕ ಸಮಸ್ಯೆ ಏನೆಂದು ನಾವು ಕ೦ಡುಹಿಡಿಯಬಹುದು. ಆ ಲಕ್ಷಣಗಳ ಬಗ್ಗೆ ತಿಳಿದುಕೊಳ್ಳೋಣ.
ಕೆಂಪು ಬಣ್ಣ
ಸಾಮಾನ್ಯವಾಗಿ, ಎಲ್ಲರ ನಾಲಿಗೆ ಕೆಂಪು ಅಥವಾ ಸ್ವಲ್ಪ ಕೆಂಪು ಬಣ್ಣದ್ದಾಗಿರುತ್ತದೆ. ಇದು ಸಹಜ. ಅದರ ಬಣ್ಣ ಬದಲಾದರೆ ನಿಮ್ಮ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಂಕೇತವಾಗಿದೆ.
ಬಿಳಿ ಬಣ್ಣ
ನಾಲಿಗೆ ಬಿಳಿ ಬಣ್ಣಕ್ಕೆ ತಿರುಗಿದ್ದರೆ ಇದು ಮಧುಮೇಹ, ಶಿಲೀಂಧ್ರ ಸೋಂಕು, ಲ್ಯುಕೋಪ್ಲಾಕಿಯಾ ಇತ್ಯಾದಿಗಳ ಸಂಕೇತವಾಗಿದೆ. ಸಾಕಷ್ಟು ನೀರು ಕುಡಿಯದಿದ್ದರೆ(ನಿರ್ಜಲೀಕರಣ) ದುರ್ಬಲ ರೋಗನಿರೋಧಕ ವ್ಯವಸ್ಥೆಯಿಂದ ನಾಲಿಗೆಯ ಮೇಲೆ ಬಿಳಿ ಲೇಪನ ಉಂಟಾಗಬಹುದು.
ಹಳದಿ ಬಣ್ಣ
ನಾಲಿಗೆ ಹಳದಿ ಬಣ್ಣಕ್ಕೆ ತಿರುಗಿದರೆ, ಅದು ಯಕೃತ್ತು ಮತ್ತು ಹೊಟ್ಟೆಯ ಸಮಸ್ಯೆಗಳನ್ನು ಸೂಚಿಸುತ್ತದೆ. ಅದೇ ರೀತಿ, ಅತಿಯಾದ ಧೂಮಪಾನ ಮತ್ತು ಬ್ಯಾಕ್ಟಿರಿಯಾದ ಸೋಂಕುಗಳು ನಾಲಿಗೆ ಹಳದಿ ಬಣ್ಣಕ್ಕೆ ತಿರುಗಲು ಕಾರಣವಾಗಬಹುದು. ಕಣ್ಣುಗಳು & ಚರ್ಮದೊಂದಿಗೆ, ನಾಲಿಗೆ ಹಳದಿ ಬಣ್ಣಕ್ಕೆ ತಿರುಗಿದರೆ ಕಾಮಾಲೆ ಸಮಸ್ಯೆಯ ಸಂಕೇತವಾಗಿರಬಹುದು.
ಕಪ್ಪುಬಣ್ಣ
ಬ್ಯಾಕ್ಟಿರಿಯಾ ಮತ್ತು ಶಿಲೀಂಧ್ರಗಳ ಬೆಳವಣಿಗೆಯಿಂದಾಗಿ ನಾಲಿಗೆ ಕಪ್ಪಾಗುತ್ತದೆ. ಇದು ಹೆಚ್ಚಾಗಿ ನೀವು ಹಲ್ಲುಜ್ಜುವುದು ಮತ್ತು ನಾಲಿಗೆಯನ್ನು ಸ್ವಚ್ಛಗೊಳಿಸುವುದನ್ನು ನಿರ್ಲಕ್ಷಿಸಿದರೆ ಅಥವಾ ಪ್ರತಿಜೀವಕಗಳ ಅಡ್ಡಪರಿಣಾಮಗಳಿಂದ ಉಂಟಾಗುತ್ತದೆ.
ನೀಲಿ ಬಣ್ಣ
ದೇಹದಲ್ಲಿ ಸಾಕಷ್ಟು ಆಮ್ಲಜನಕ ಇಲ್ಲದಿದ್ದಾಗ, ಹೃದಯ ಕಾಯಿಲೆ ಅಥವಾ ರಕ್ತ ಪರಿಚಲನೆ ಸಮಸ್ಯೆಗಳಿದ್ದಾಗ ನಾಲಿಗೆ ನೀಲಿ ಬಣ್ಣಕ್ಕೆ ತಿರುಗುತ್ತದೆ. ಈ ರೋಗಲಕ್ಷಣವನ್ನು ನೀವು ಗಮನಿಸಿದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು
ಹಸಿರು ಲೇಪನ
ನಾಲಿಗೆಯ ಮೇಲೆ ಹಸಿರು ಲೇಪನ ಕಾಣಿಸಿಕೊಳ್ಳುವುದು ಅಪರೂಪ. ಇದು ಶಿಲೀಂಧ್ರ ಸೋಂಕು ಅಥವಾ ಯಕೃತ್ತಿನ ಸಮಸ್ಯೆಯ ಸಂಕೇತವಾಗಿರಬಹುದು. ಕೆಲವೊಮ್ಮೆ, ರೋಗನಿರೋಧಕ ಶಕ್ತಿ ತೀವ್ರವಾಗಿ ದುರ್ಬಲಗೊಂಡಾಗ ನಾಲಿಗೆಯ ಮೇಲೆ ಹಸಿರು ಲೇಪನವೂ ರೂಪುಗೊಳ್ಳಬಹುದು.
ಊತ
ನಾಲಿಗೆ ಅಸಹಜವಾಗಿ ಊದಿಕೊಂಡಂತೆ ಕ೦ಡುಬ೦ದರೆ, ಅದು ಅಲರ್ಜಿಗಳು, ಹೈಪೋಥೈರಾಯ್ತಿಸಮ್ ಅಥವಾ ವಿಟಮಿನ್ ಬಿ 12 ಕೊರತೆಯಂತಹ ಪರಿಸ್ಥಿತಿಗಳಿಂದಾಗಿರಬಹುದು.
ಕಿರಿಕಿರಿ
ನಿಮ್ಮ ನಾಲಿಗೆ ಕಿರಿಕಿರಿಯನ್ನು ಅನುಭವಿಸುತ್ತಿದ್ದರೆ, ಅದನ್ನು ನಿರ್ಲಕ್ಷಿಸಬೇಡಿ. ಇದು ನರ ಹಾನಿ, ವಿಟಮಿನ್ ಬಿ 12 ಕೊರತೆ ಅಥವಾ ಮಧುಮೇಹದ ಸಂಕೇತವಾಗಿರಬಹುದು. ಈ ರೋಗಲಕ್ಷಣ ಪದೇ ಪದೇ ಕಾಣಿಸಿಕೊಂಡರೆ, ತಕ್ಷಣ ವೈದ್ಯರನ್ನು ಭೇಟಿ ಮಾಡಿ ಅಗತ್ಯ ಪರೀಕ್ಷೆಗಳನ್ನು ಮಾಡಿಕೊಳ್ಳುವುದು ಉತ್ತಮ.
