ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಕಿಚ್ಚ ಸುದೀಪ್ ನಟನೆಯ ಪ್ಯಾನ್ ಇಂಡಿಯಾ ಚಿತ್ರ ‘ಕಬ್ಜ’ ಸಿನಿಮಾ ರಿಲೀಸ್ಗೆ 4 ದಿನ ಬಾಕಿಯಿದೆ. ಈ ಹಿನ್ನೆಲೆ ಚಿತ್ರದ ಮುಂಗಡ ಟಿಕೆಟ್ ಬುಕ್ಕಿಂಗ್ಗೆ ಮುಹೂರ್ತ ಫಿಕ್ಸ್ ಆಗಿದ್ದು ನಿನ್ನೆ ಸಂಜೆ 6 ಗಂಟೆ 1 ನಿಮಿಷದಿಂದ ಆನ್ಲೈನ್ನಲ್ಲಿ ಕರ್ನಾಟಕದ ಥಿಯೇಟರ್ಗೆ ಬುಕ್ಕಿಂಗ್ ಓಪನ್ ಆಗಿದೆ.
ಕನ್ನಡದಲ್ಲಿ ‘ಕಬ್ಜ’ ಬರೋಬ್ಬರಿ 405 ಸ್ಕ್ರೀನ್ನಲ್ಲಿ ತೆರೆಕಾಣಲಿದ್ದು, ಕನ್ನಡದ ಇತಿಹಾಸದಲ್ಲೇ ಏಕಕಾಲಕ್ಕೆ ಅತಿಹೆಚ್ಚು ಸ್ಕ್ರೀನ್ನಲ್ಲಿ ಬಿಡುಗಡೆಗೊಳ್ಳುತ್ತಿರುವ ಚಿತ್ರವಿದು.
ಕ್ಷಣಮಾತ್ರದಲ್ಲಿ ‘ಕಬ್ಜ’ ಟಿಕೆಟ್ಸ್ ಸೋಲ್ಡ್ ಔಟ್!
ಉಪೇಂದ್ರ ನಟನೆಯ ‘ಕಬ್ಜ’ ಸಿನಿಮಾದ ಆನ್ ಲೈನ್ ಬುಕಿಂಗ್ ನಿನ್ನೆ ಸಂಜೆ 6.01ಕ್ಕೆ ಆರಂಭವಾಗಿದ್ದು, ಎಲ್ಲಾ ಟಿಕೆಟ್ ಸೋಲ್ಡ್ ಔಟ್ ಆಗಿವೆ.
ಹೌದು, ಬೆಂಗಳೂರಿನ ಒರಾಯಿನ್ ಮಾಲ್ನ PVR ಸ್ಕ್ರೀನ್-2ರಲ್ಲಿ 10 ಶೋಗಳಿಗೆ ಟಿಕೆಟ್ ಬಿಕರಿಯಾಗಿದ್ದು, ಮಾರ್ಚ್ 17ರ 10 ಶೋಗಳ ಟಿಕೆಟ್ ಸೇಲ್ ಆಗಿವೆ.
ಮೈಸೂರಿನ ಹಬಿಟಾಟ್ ಮಾಲ್ನ ಡಿಸಿಆರ್ ಮಲ್ಟಿಪ್ಲೆಕ್ಸ್ನಲ್ಲಿ ಸಹ ಟಿಕೆಟ್ ಬುಕಿಂಗ್ ಓಪನ್ ಆಗಿದ್ದು, ಮೊದಲ ದಿನವೇ 14 ಶೋ ನೀಡಲಾಗಿದ್ದು 2 ಶೋಗಳಿಗೆ ಟಿಕೆಟ್ ಬಹುತೇಕ ಮಾರಾಟವಾಗಿವೆ.