ಮುಂಬೈ: ಪ್ರಮುಖ ಟೆನಿಸ್ ತಾರೆ, ಮೂಗುತಿ ಸುಂದರಿ ಸಾನಿಯಾ ಮಿರ್ಜಾ ಮೊದಲ ಬಾರಿಗೆ ಟಿವಿ ಸರಣಿಯಲ್ಲಿ ನಟಿಸಲು ಸಜ್ಜಾಗಿದ್ದಾರೆ. ಕ್ಷಯರೋಗ (ಟಿಬಿ) ಬಗ್ಗೆ ಜಾಗೃತಿ ಮೂಡಿಸಲು ವಿನ್ಯಾಸಗೊಳಿಸಲಾದ ನಿಶ್ಡ್ ಅಲೋನ್ ಸರಣಿಯ ಎಂಟಿವಿ ಮೂಲಕ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ. ಈ ಸರಣಿಯಲ್ಲಿ ಅವರು ಸಾನಿಯಾ ಮಿರ್ಜಾ ಆಗಿಯೇ ಕಾಣಿಸಿಕೊಳ್ಳಲಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿದ ಸಾನಿಯಾ ಮಿರ್ಜಾ, ‘ಟಿಬಿ ನಮ್ಮ ದೇಶದ ಅತ್ಯಂತ ದೀರ್ಘಕಾಲದ ಆರೋಗ್ಯ ಸಮಸ್ಯೆಗಳಲ್ಲಿ ಒಂದಾಗಿದೆ. ಪೀಡಿತರಲ್ಲಿ ಅರ್ಧಕ್ಕಿಂತ ಹೆಚ್ಚು 30 ವರ್ಷದೊಳಗಿನವರು. ಆದ್ದರಿಂದ ಇಂತಹ ಸಂದರ್ಭದಲ್ಲಿ ಅದರ ಸುತ್ತ ಇರುವ ಅಸತ್ಯಗಳನ್ನು ಪರಿಹರಿಸುವ, ಜಾಗೃತಿ ಮೂಡಿಸಲು, ಜನರಲ್ಲಿ ಬದಲಾವಣೆಯನ್ನು ತರಲು, ಜಾಗೃತಿ ಮೂಡಿಸುವ ಅವಶ್ಯಕತೆಯಿದೆ ಎಂದು ಹೇಳಿದ್ದಾರೆ.
ಐದು ಎಪಿಸೋಡ್ ಗಳ ಈ ಸಿರೀಸ್ ಅನ್ನು ಎಂಟಿವಿ ಇಂಡಿಯಾ ಮತ್ತು ಎಂಟಿವಿ ನಿಶೇದ್ ಅವರ ಆಶ್ರಯದಲ್ಲಿ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಬಿಡುಗಡೆ ಮಾಡಲಾಗುವುದು. ಈ ಸರಣಿಯು ನವೆಂಬರ್ ಕೊನೆಯ ವಾರದಲ್ಲಿ ಪ್ರೇಕ್ಷಕರ ಮುಂದೆ ಬರಲಿದೆ.
