ಗೋವಾದಲ್ಲಿ ಬಿಜೆಪಿ ನಾಯಕಿ ಸೋನಾಲಿ ಫೋಗಟ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈವರೆಗೆ 5 ಮಂದಿಯನ್ನು ಬಂಧಿಸಲಾಗಿದ್ದು, ಫೋಗಟ್ ಸಹಚರರಿಗೆ ಡ್ರಗ್ಸ್ ಡೀಲ್ ಮಾಡಿದ್ದ ಡೀಲರ್ನನ್ನು ಪೊಲೀಸರು ಬಂಧಿಸಿದ್ದಾರೆ.
ಸೋನಾಲಿ ಫೋಗಟ್ ಅವರ ಸಾವನ್ನು ಹೃದಯಾಘಾತ ಎಂದು ಹೇಳಲಾಗಿತ್ತು. ಆದರೆ ತನಿಖೆಯು ತೀವ್ರಗತಿಯಲ್ಲಿ ಸಾಗುತ್ತಲೇ ಹಲವಾರು ನಿಗೂಢ ಸಂಗತಿಗಳು ತೆರೆಯತೊಡಗಿವೆ. ಪೊಈಸರು ಬೇರೆ ಬೇರೆ ಆಯಾಮಗಳಲ್ಲಿ ತನಿಖೆ ಮುಂದುವರೆಸಿದ್ದಾರೆ.
ವಿಷ ಕುಡಿಸಿ ನಟಿಯ ಕೊಲೆ:
ಇನ್ನು,ನಟಿ, ಬಿಜೆಪಿ ನಾಯಕಿ ಸೋನಾಲಿ ಫೋಗಟ್ ಕೊಲೆ ಪ್ರಕರಣ ಸಂಬಂಧ ಗೋವಾ ಪೊಲೀಸರು ಹೆಚ್ಚಿನ ಸಾಕ್ಷ್ಯಗಳನ್ನು ಸಂಗ್ರಹಿಸುತ್ತಿದ್ದು, ಅವರ ಸಹಾಯಕರು ಸಿಂಥೆಟಿಕ್ ಕೆಮಿಕಲ್ ಮಿಶ್ರಿತ ಪಾನೀಯವನ್ನು ಬಲವಂತವಾಗಿ ಕುಡಿಸಿರುವುದು ಸಿಸಿಟಿವಿ ದೃಶ್ಯಾವಳಿಯಲ್ಲಿ ದಾಖಲಾಗಿದ್ದು, ವಿಡಿಯೋ ವೈರಲ್ ಆಗಿದೆ.
ಪೊಲೀಸರು ಶನಿವಾರ ಇಬ್ಬರನ್ನು ಬಂಧಿಸಿದ್ದರು. ಸೋನಾಲಿ ಪುತ್ರಿ ಕೂಡ ಹರಿಯಾಣ ಸಿಎಂ ಖಟ್ಟರ್ ಅವರನ್ನು ತನ್ನ ತಾಯಿಯ ಹತ್ಯೆ ಮಾಡಿದ ದುಷ್ಕರ್ಮಿಗಳನ್ನು ಶಿಕ್ಷಿಸುವಂತೆ ಕೇಳಿಕೊಂಡಿದ್ದರು.
