ಈ ನಾಯಕಿ ಒಂದೇ ಕುಟುಂಬದ ಎಲ್ಲಾ ನಟರೊಂದಿಗೆ ನಟಿಸಿ ಬ್ಲಾಕ್ಬಸ್ಟರ್ ಸಿನಿಮಾಗಳನ್ನು ನೀಡಿದ್ದು, ಈಗಲೂ ಸಹ, ಅವರ ಚಿತ್ರಗಳ ಮೇಲಿನ ಕ್ರೇಜ್ ಕಡಿಮೆಯಾಗಿಲ್ಲ.. ಹಾಗಾದರೆ ಈ ಗ್ಲಾಮರಸ್ ಬ್ಯೂಟಿ ಯಾರು? ಇಲ್ಲಿದೆ ನೋಡಿ ಮಾಹಿತಿ
Actress Ramya Krishna | ನಟಿಯರು ಎಷ್ಟೇ ತಮ್ಮ ಸೌಂದರ್ಯವನ್ನು ಉಳಿಸಿಕೊಂಡರೂ, ಅವರು ಪರದೆಯ ಮೇಲೆ ಹೆಚ್ಚು ಕಾಲ ಕಾಣಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಚಿತ್ರರಂಗದಲ್ಲಿ ಒಂದು ಮಾತಿದೆ. ಆದರೆ ಇಲ್ಲೊಬ್ಬ ಪ್ರಸಿದ್ಧ ನಟಿ ಸತತ ಮೂರು ತಲೆಮಾರುಗಳ ನಟರೊಂದಿಗೆ ತಮ್ಮ ಅಭಿನಯ ಮತ್ತು ಸೌಂದರ್ಯ ಮೂಲಕ ನಟಿಸಿ ಸೈ ಎನಿಸಿಕೊಂಡಿದ್ದಾಳೆ. ಅಷ್ಟೇ ಅಲ್ಲ, ಇವರು ಅನೇಕ ಭಾಷೆಗಳಲ್ಲಿ ನಟಿಸುವ ಮೂಲಕ ಚಿತ್ರರಂಗದಲ್ಲಿ ಈಗಲೂ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡಿದ್ದಾರೆ.
ಹೌದು, ಇತ್ತೀಚಿನ ದಿನಗಳಲ್ಲಿ ಅನೇಕ ನಟಿಯರು ಕೇವಲ ಒಂದು ಅಥವಾ ಎರಡು ಚಿತ್ರಗಳಲ್ಲಿ ಕಾಣಿಸಿಕಂಡು ಬೇಗನೆ ಕಣ್ಮರೆಯಾಗುತ್ತಾರೆ. ಆದರೆ ಕೆಲವು ಹಳೆಯ ನಾಯಕಿಯರು ವರ್ಷಗಳ ಕಾಲ ಚಿತ್ರರಂಗವನ್ನು ಆಳಿ ಅಭಿಮಾನಿಗಳ ಹೃದಯದಲ್ಲಿ ಶಾಶ್ವತ ಸ್ಥಾನವನ್ನು ಗಳಿಸಿದರು. ಆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಪಡ್ಡೆ ಹುಡುಗರ ಕನಸಿನ ರಾಣಿ ರಮ್ಯಾ ಕೃಷ್ಣ (Ramya Krishna) ಕೂಡ ಇದ್ದಾರೆ. ಅವರು ತಮ್ಮ ಅದ್ಭುತ ನಟನೆಯಿಂದ ತಮ್ಮ ಸೌಂದರ್ಯಕ್ಕಿಂತ ಹೆಚ್ಚಿನ ಕ್ರೇಜ್ ಗಳಿಸಿದ್ದು, ಆ ಕಾಲದ ಟಾಪ್ ನಟರೊಂದಿಗೆ ತೆರೆಮೇಲೆ ಬಂದು ಪ್ರೇಕ್ಷಕರ ಹೃದಯ ಗೆದ್ದರು. ಸೂಪರ್ ಸ್ಟಾರ್ ರಜನೀಕಾಂತ್, ಚಿರಂಜೀವಿ, ನಾಗಾರ್ಜುನ, ವೆಂಕಟೇಶ್, ಬಾಲಕೃಷ್ಣ, ಮೋಹನ್ ಬಾಬು ಸೇರಿದಂತೆ ಕನ್ನಡದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್, ವಿಷ್ಣುವರ್ಧನ್, ಉಪೇಂದ್ರ ಸೇರಿದಂತೆ ಕನ್ನಡ ನಟರೊಂದಿಗೆ ಪರದೆಯನ್ನು ಹಂಚಿಕೊಂಡಿದ್ದಾರೆ.
ಇಂತಹ ರಮ್ಯಾ ಕೃಷ್ಣ ಅವರ ಹೆಸರಲ್ಲಿ ಟಾಲಿವುಡ್ನ ದೈತ್ಯ ಅಕ್ಕಿನೇನಿ ಕುಟುಂಬದ ಅಜ್ಜ, ಮಗ ಮತ್ತು ಮೊಮ್ಮಗ – ಮೂರು ತಲೆಮಾರುಗಳ ನಟರೊಂದಿಗೆ ಪರದೆಯನ್ನು ಹಂಚಿಕೊಂಡ ಏಕೈಕ ನಾಯಕಿ ಎಂದು ಅಪರೂಪವಾದ ಒಂದು ದಾಖಲೆ ಕೂಡ ಇದೆ. ಅಕ್ಕಿನೇನಿ ಹಿರಿಯ ನಟ ನಾಗೇಶ್ವರ ರಾವ್ (Nageshwara Rao) ಅವರೊಂದಿಗೆ ಸೂತ್ರಧಾರು, ದಾಗುಡು ಮೂತ ದಂಪತಿಯಂ, ಇದ್ದೆರೆ ದಿವಾನ್ ಚಿತ್ರಗಳಲ್ಲಿ ನಟಿಸಿದ್ದರು. ಎರಡನೇ ತಲೆಮಾರಿನ ನಟ ಕಿಂಗ್ ನಾಗಾರ್ಜುನ (Nagarjuna) ಜತೆ ಹಲೋ ಬ್ರದರ್, ಚಂದ್ರಲೇಖ, ಅನ್ನಮಯ್ಯ, ಅಲ್ಲಾರಿ ಅಲ್ಲುಡು ಸೇರಿದಂತೆ ಹತ್ತಕ್ಕೂ ಹೆಚ್ಚು ಬ್ಲಾಕ್ಬಸ್ಟರ್ ಚಿತ್ರಗಳಲ್ಲಿನಟಿಸಿದ್ದಾರೆ.
ನಂತರ, ಮೂರನೇ ತಲೆಮಾರಿನ ನಟ ಕಿಂಗ್ ನಾಗಾರ್ಜುನ ಅವರ ಮಗ ನಾಗ ಚೈತನ್ಯ (Naga Chaitanya) ಅವರ ಜತೆ ಶೈಲಜಾ ರೆಡ್ಡಿ ಅಲ್ಲುಡು, ಬಂಗಾರರಾಜು ಚಿತ್ರಗಳಲ್ಲಿ ನಟಿಸಿ ಪ್ರೇಕ್ಷಕರ ಹೃದಯವನ್ನು ಗೆದ್ದಿದ್ದಾರೆ. ಅಷ್ಟೇ ಅಲ್ಲ, ಇನ್ನೊಬ್ಬ ನಟ ಅಖಿಲ್ ಅವರೊಂದಿಗೆ ಹಲೋ ಚಿತ್ರದಲ್ಲಿ ಪರದೆಯನ್ನು ಹಂಚಿಕೊಂಡರು. ಇದರೊಂದಿಗೆ, ಅಕ್ಕಿನೇನಿ ಕುಟುಂಬದ ಮೂರು ತಲೆಮಾರುಗಳ ನಾಲ್ಕು ನಾಯಕರೊಂದಿಗೆ ಪರದೆಯನ್ನು ಹಂಚಿಕೊಂಡ ಏಕೈಕ ನಟಿ ಎಂಬ ಅಪರೂಪದ ದಾಖಲೆಯನ್ನು ರಮ್ಯಾ ಕೃಷ್ಣ ತಮ್ಮ ಖಾತೆಗೆ ಸೇರಿಸಿಕೊಂಡಿದ್ದಾರೆ.
ರಮ್ಯಾ ಕೃಷ್ಣ ಅವರು ತೆಲುಗು ಮಾತ್ರವಲ್ಲದೆ, ಕನ್ನಡ, ತಮಿಳು ಮತ್ತು ಹಿಂದಿ ಚಿತ್ರರಂಗದಲ್ಲೂ ತಮ್ಮದೇ ಆದ ಛಾಪು ಮೂಡಿಸಿದ್ದು, ತಮ್ಮ ಎರಡನೇ ಇನ್ನಿಂಗ್ಸ್ ಅನ್ನು ತಮ್ಮ ನಟನಾ ಶಕ್ತಿ ಮತ್ತು ಅಪ್ರತಿಮ ಸೌಂದರ್ಯದಿಂದ ವಿಭಿನ್ನ ಪಾತ್ರಗಳ ಮೂಲಕ ಯಶಸ್ವಿಯಾಗಿ ಮುಂದುವರಿಯುತ್ತಿದ್ದು ಇಂದಿಗೂ ದಕ್ಷಿಣ ಭಾರತದ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ.
