ಕನ್ನಡದ “ಕಿರಿಕ್ ಪಾರ್ಟಿ” ಸಿನಿಮಾದ ಮೂಲಕ ಖ್ಯಾತಗಳಿಸಿದ್ದ ನಟಿ ಸಂಯುಕ್ತಾ ಹೆಗ್ಡೆ ಇದೀಗ ಸದ್ದಿಲ್ಲದೇ ಬಾಲಿವುಡ್ ನತ್ತ ಹಾರಿದ್ದು ಹಿಂದಿಯಲ್ಲಿ ತಯಾರಾಗಿರುವ ‘ಪಂಚ್ ಬೀಟ್’ ವೆಬ್ ಸಿರೀಸ್ ನ ಸೀಸನ್ 2ರಲ್ಲಿ ವಿಶೇಷ ಪಾತ್ರವೊಂದನ್ನು ಸಂಯುಕ್ತಾ ಮಾಡಿದ್ದು, ಈ ಚಿತ್ರದ ಟ್ರೇಲರ್ ಕೂಡ ಬಿಡುಗಡೆ ಆಗಿದೆ.
‘ಪಂಚ್ ಬೀಟ್’ ಇದೊಂದು ವೆಬ್ ಸಿರೀಸ್ ಆಗಿದ್ದು, ಬಾಲಿವುಡ್ ನ ಖ್ಯಾತ ನಿರ್ಮಾಪಕಿ ಏಕ್ತಾ ಕಪೂರ್ ತಮ್ಮದೇ ಆಲ್ಟ್ ಬಾಲಾಜಿ ಒಟಿಟಿಗಾಗಿ ಈ ಸರಣಿಯನ್ನು ನಿರ್ಮಾಣ ಮಾಡಿದ್ದು, ಹದಿಹರೆಯದವರನ್ನೇ ಗಮನದಲ್ಲಿಟ್ಟುಕೊಂಡು, ಅವರ ಆಸೆ, ಆಕಾಂಶೆ, ತುಡಿತ ಹೀಗೆ ಹಲವು ಅಂಶಗಳನ್ನು ಆಧರಿಸಿ ಆಕಾಶ್ ಚೌಬೇ ಈ ಸರಣಿಯನ್ನು ನಿರ್ದೇಶನ ಮಾಡಿದ್ದಾರೆ.
ಅಂದಹಾಗೆ, ಈ ವೆಬ್ ಸಿರೀಸ್ ನಲ್ಲಿ ನಟಿ ಸಂಯುಕ್ತಾ ಹೆಗ್ಡೆ ವಿಶೇಷ ಪಾತ್ರವೊಂದನ್ನು ನಿಭಾಯಿಸಿದ್ದು, ಜೀವ ರಕ್ಷಕ ಕಲೆಗಳನ್ನು ಕಲಿತು, ಅಪ್ಪನ ಜಿಮ್ ನಡೆಸುವ ಮಿಶಾ ಹೆಸರಿನ ಯುವತಿಯ ಪಾತ್ರ ಮಾಡಿದ್ದಾರೆ. ಅಷ್ಟೇ ಅಲ್ಲ “ನಿಜ ಜೀವನದಲ್ಲಿ ನಟಿ ಸಂಯುಕ್ತಾ ಏನೆಲ್ಲ ಕಲಿತಿದ್ದಾರೋ ಆ ಎಲ್ಲವೂ ಅಂಶಗಳು ಈ ಸಿನಿಮಾದಲ್ಲಿ ಕಾಣಬಹುದಂತೆ, ಒಂದರ್ಥದಲ್ಲಿ ಈ ಪಾತ್ರ ತನ್ನನ್ನೇ ಹೋಲುತ್ತದೆಯೆಂದು” ಎಂದು ನಟಿ ಸಂಯುಕ್ತಾ ಹೇಳಿಕೊಂಡಿದ್ದಾರೆ. ಇನ್ನು, ಈ ವೆಬ್ ಸಿರೀಸ್ ಇದೆ ಜೂನ್ 27 ರಿಂದ ಪ್ರಸಾರವಾಗಲಿದೆ.
