ದುಬೈನಲ್ಲಿ ಅದ್ಧೂರಿಯಾಗಿ ಖ್ಯಾತ ನಟಿ ಮದುವೆ; ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಂಚಿಕೊಂಡ ಪೂರ್ಣಾ

ಕನ್ನಡದ ‘ಜೋಶ್’, ‘ರಾಧನ ಗಂಡ’ ಹಾಗೂ ‘100’ ಚಿತ್ರದಲ್ಲಿ ಅಭಿನಯಿಸಿರುವ ದಕ್ಷಿಣ ಭಾರತದ ಖ್ಯಾತ ನಟಿ ಪೂರ್ಣಾ ಅಲಿಯಾಸ್​ ಶಮ್ನಾ ಕಾಸೀಮ್ ಅವರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಹೌದು, ಚಿತ್ರರಂಗದಲ್ಲಿ ‘ಪೂರ್ಣಾ’ ಎಂದೇ ಚಿರಪರಿಚಿತರಾಗಿರುವ ಬಹುಭಾಷಾ ನಟಿ ಶಮ್ನಾ ಕಾಸಿಂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ದುಬೈನಲ್ಲಿ ಕಂಪನಿಯೊಂದರ ಮುಖ್ಯಸ್ಥರಾಗಿರುವ ಕೇರಳ ಮೂಲದ ಉದ್ಯಮಿ ಡಾ.ಶಾನಿದ್​ ಆಸಿಫ್​ ಅಲಿ ಅವರ ಜೊತೆ ಶಮ್ನಾ ಅವರ ವಿವಾಹ ನೆರವೇರಿದೆ.

ದುಬೈನಲ್ಲಿ ನಡೆದ ಮದುವೆ ಕಾರ್ಯಕ್ರಮದಲ್ಲಿ ಶಮ್ನಾ ಮತ್ತು ಶಾನಿದ್ ಅವರ ಕುಟುಂಬಸ್ಥರು ಮತ್ತು ಸಂಬಂಧಿಕರ ಸಮ್ಮುಖದಲ್ಲಿ ದಂಪತಿಗಳು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ವಿವಾಹ ಸಮಾರಂಭದ ಫೋಟೋಗಳನ್ನು ನಟಿ ಪೂರ್ಣಾ ಅಲಿಯಾಸ್​ ಶಮ್ನಾ ಕಾಸೀಮ್ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

❤️🧿 pic.twitter.com/uFOZLOTEbt

— Purnaa (@shamna_kkasim) October 24, 2022