Aishwarya Lakshmi: ಇಂದಿನ ಚಿತ್ರರಂಗದಲ್ಲಿ ಬದುಕುವುದು ಸುಲಭವಲ್ಲ. ಅದರಲ್ಲೂ ಈಗಿನ ಚಿತ್ರರಂಗದಲ್ಲಿ ನಾಯಕಿಯರ ಗ್ಲಾಮರ್ ಟ್ರೆಂಡ್ ಓಡುತ್ತಿದೆ. ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುವ ನಾಯಕಿಯರಿಗೆ ಟ್ಯಾಲೆಂಟ್ ಮತ್ತು ಗ್ಲಾಮರ್ ಮೊದಲ ಆದ್ಯತೆಯಾಗಿದೆ. ಅನೇಕ ನಾಯಕಿಯರು ಇದನ್ನು ಸಾರ್ವಜನಿಕವಾಗಿ ಒಪ್ಪಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ನಟಿ ಐಶ್ವರ್ಯ ಲಕ್ಷ್ಮಿ ಕೂಡ ಹೌದು ಎನ್ನುತ್ತಿದ್ದಾರೆ.
ಇದನ್ನೂ ಓದಿ: ಮಹಿಳಾ ಮೀಸಲಾತಿ ಮಸೂದೆಗೆ ನಾಂದಿ ಹಾಡಿದ್ದು ದೇವೇಗೌಡರು!; ಮತ್ತೆ ಚಾಲನೆ ಸಿಕ್ಕಿದ್ದು ಹೇಗೆ?
ಆದರೆ ಈ ಕೇರಳದ ಬೆಡಗಿಗೆ ಆರಂಭದಲ್ಲಿ ನಟನೆಯಲ್ಲಿ ಆಸಕ್ತಿ ಇರಲಿಲ್ಲವಂತೆ. ಡಾಕ್ಟರ್ ಆಗಬೇಕೆಂದು ಓದಿದ ಐಶ್ವರ್ಯ ಲಕ್ಷ್ಮಿ ನಂತರ ಮಾಡೆಲಿಂಗ್‌ನಲ್ಲಿ ಆಸಕ್ತಿ ಹೊಂದಿ ಆ ಕ್ಷೇತ್ರದತ್ತ ಗಮನ ಹರಿಸಿದರು. ಹಲವು ವಾಣಿಜ್ಯ ಸಂಸ್ಥೆಗಳಿಗೆ ಮಾಡೆಲ್ ಆಗಿ ಕೆಲಸ ಮಾಡಿದ ಆಕೆ ಫೋಟೋಗಳನ್ನು ನಿಯತಕಾಲಿಕೆಗಳಲ್ಲಿ ಮುಖಪುಟವಾಗಿ ಪ್ರಕಟಿಸಿದ್ದರಿಂದ ಸಿನಿಮಾ ಅವಕಾಶಗಳು ಸಿಕ್ಕವು.
ಮಲಯಾಳಂನಲ್ಲಿ ನಾಯಕಿಯಾಗಿ ಪಾದಾರ್ಪಣೆ ಮಾಡಿದ ಐಶ್ವರ್ಯ ಲಕ್ಷ್ಮಿ 2019 ರಲ್ಲಿ ತಮಿಳು ನಟ ವಿಶಾಲ್ ಅಭಿನಯದ ಆಕ್ಷನ್ ಚಿತ್ರದ ಮೂಲಕ ಕಾಲಿವುಡ್‌ಗೆ ಎಂಟ್ರಿ ಕೊಟ್ಟರು. ಚಿತ್ರ ನಿರೀಕ್ಷಿತ ಯಶಸ್ಸು ಗಳಿಸದ ಕಾರಣ ಆಕೆಗೆ ಹೆಚ್ಚಿನ ಮನ್ನಣೆ ಸಿಗಲಿಲ್ಲ. ಅದೇ ರೀತಿ ಇನ್ನೊಬ್ಬ ತಮಿಳು ಖ್ಯಾತ ನಟ ಧನುಷ್ ಜೋಡಿಯಾಗಿ ನಟಿಸಿದ್ದ ಜಗಮೆ ತಂದಿರಂ ಕೂಡ ನೇರವಾಗಿ ಒಟಿಪಿಯಲ್ಲಿ ಹರಿದಾಡಿದ್ದರಿಂದ ಆ ಚಿತ್ರವೂ ಆಕೆಗೆ ಹೆಚ್ಚು ಮನ್ನಣೆ ತಂದುಕೊಡಲಿಲ್ಲ. ಆ ನಂತರ ವಿಷ್ಣು ವಿಶಾಲ್ ಜೊತೆಗಿನ ಕಟ್ಟಾ ಕುಸ್ತಿ ಚಿತ್ರ ಒಳ್ಳೆ ಹೆಸರು ತಂದುಕೊಟ್ಟಿತ್ತು. ಆ ನಂತರ ಮಣಿರತ್ನಂ ನಿರ್ದೇಶನದ ಪೊನ್ನಿನ್ಸೆಲ್ವನ್ ಚಿತ್ರದಲ್ಲಿ ಪೂಂಗುಲಿ ಪಾತ್ರದಲ್ಲಿ ನಟಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು. ಅದೇ ರೀತಿ ಗಾರ್ಗಿ ಚಿತ್ರದ ಮೂಲಕ ನಿರ್ಮಾಪಕಿಯಾಗಿ ಕೆಲಸ ಮಾಡಿದರು.
ಇದನ್ನೂ ಓದಿ: ಕಣ್ಣಿನ ಆರೈಕೆ ಏಕೆ ಮುಖ್ಯ; ನೈಸರ್ಗಿಕವಾಗಿ ಕಣ್ಣಿನ ದೃಷ್ಟಿ ಸುಧಾರಿಸುವುದು ಹೇಗೆ?
ಇತ್ತೀಚೆಗೆ, ಐಶ್ವರ್ಯ ಲಕ್ಷ್ಮಿ ಮಲಯಾಳಂ ಸ್ಟಾರ್ ನಟ ದುಲ್ಕರ್ ಸಲ್ಮಾನ್ ಜೊತೆ ಕಿಂಗ್ ಆಫ್ ಕೋಥಾ ಚಿತ್ರದಲ್ಲಿ ನಟಿಸಿದ್ದು, ಭಾರೀ ನಿರೀಕ್ಷೆಗಳ ನಡುವೆ ಪ್ಯಾನ್-ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾದ ಈ ಚಿತ್ರವು ಬಾಕ್ಸ್ ಆಫೀಸ್ ಮಕಾಡೆ ಮಲಗಿತ್ತು. ಆದ್ದರಿಂದ ಐಶ್ವರ್ಯ ಲಕ್ಷ್ಮಿ ಈಗ ಅವಕಾಶಗಳಿಗಾಗಿ ಕಾಯುತ್ತಿದ್ದಾರೆ. ಅದಕ್ಕಾಗಿ ಗ್ಲಾಮರ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾಳೆ. ತನ್ನ ಸೌಂದರ್ಯವನ್ನು ತೋರಿಸುತ್ತಾ ತೆಗೆಸಿಕೊಂಡ ಸುಂದರವಾದ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇಂತಹ ಫೋಟೋಗಳ ಬಗ್ಗೆ ನೆಟಿಜನ್‌ಗಳು ಕೂಡ ಹುಚ್ಚು ಕಾಮೆಂಟ್‌ಗಳನ್ನು (Crazy comments) ಮಾಡುತ್ತಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಐಶ್ವರ್ಯ ಲಕ್ಷ್ಮಿ ಗ್ಲಾಮರ್ ಗೆ ಬದಲಾಗುವುದು ಅಗತ್ಯವೆಂದು, ಇಲ್ಲದಿದ್ದರೆ ಈ ಕ್ಷೇತ್ರದಲ್ಲಿ ಮುಂದುವರಿಯಲು ಸಾಧ್ಯವಿಲ್ಲ ಎಂದು ತಿಳಿಸಿದ್ದಾರೆ.
View this post on Instagram
