ಕೂದಲಿನ ಆರೈಕೆಗೆ ಆಯುರ್ವೇದ ಸಲಹೆಗಳು:
ಚಳಿಗಾಲದಲ್ಲಿ ಕೂದಲಿನ ಆರೈಕೆ ಏಕೆ ಮುಖ್ಯ?
ವಾತಾವರಣದಲ್ಲಿನ ಶುಷ್ಕ ಗಾಳಿಯು ನೆತ್ತಿಯಿಂದ ಎಲ್ಲಾ ತೇವಾಂಶವನ್ನು ಹೀರಿಕೊಂಡು ಒಣಗುವಂತೆ ಮಾಡುವ ಕಾರಣದಿಂದ ಚಳಿಗಾಲದಲ್ಲಿ ಅತಿಯಾದ ಕೂದಲು ಉದುರುವಿಕೆ ಸಮಸ್ಯೆ ಎದುರಾಗುತ್ತದೆ. ಒಣ ನೆತ್ತಿಯಿಂದಾಗಿ ಕೂದಲು ಕೂಡ ಒಣಗುತ್ತವೆ. ಇದು ಕೂದಲುಗಳಿಗೆ ಹಾನಿ, ಕೂದಲು ಒಡೆಯುವಿಕೆ ಮತ್ತು ಉದುರುವಿಕೆಗೆ ಕಾರಣವಾಗುತ್ತದೆ.
ಅಲ್ಲದೆ, ಒಣ ನೆತ್ತಿಯು ತಲೆಹೊಟ್ಟು ಸಮಸ್ಯೆಗೆ ಕಾರಣವಾಗುತ್ತದೆ. ಇದರಿಂದ ತುರಿಕೆ ಕೂಡ ಉಂಟಾಗುತ್ತದೆ.
ಆಯುರ್ವೇದ ಕೂದಲಿನ ಆರೈಕೆಯಲ್ಲಿ ಹೇಗೆ ಸಹಾಯ ಮಾಡುತ್ತದೆ?
ಕೂದಲು ಉದುರುವುದು, ತಲೆಹೊಟ್ಟು, ಒಡೆದ ಮತ್ತು ಸುಕ್ಕುಗಟ್ಟಿದ ಕೂದಲು ಮತ್ತು ಬೋಳು ಜನರು ಪ್ರತಿದಿನ ಎದುರಿಸುತ್ತಿರುವ ಕೆಲವು ಸಾಮಾನ್ಯ ಸಮಸ್ಯೆಗಳಾಗಿವೆ. ಆದರೆ, ಆಯುರ್ವೇದದಲ್ಲಿ ಈ ಎಲ್ಲಾ ಸಮಸ್ಯೆಗಳಿಗೆ ಪರಿಹಾರಗಳಿವೆ.
ಆಯುರ್ವೇದವು ಚಿಕಿತ್ಸೆಯನ್ನು ಸಾಮಾನ್ಯಕರಿಸುವುದಿಲ್ಲ ಮತ್ತು ಆಯುರ್ವೇದದಿಂದ ಯಾವುದೇ ಅಡ್ಡ ಪರಿಣಾಮಗಳಾಗುವುದಿಲ್ಲ. ಈ ಚಿಕಿತ್ಸೆಯು ಕೂದಲುಗಳಿಗೆ ಆಗುವ ಹಾನಿಯನ್ನು ತಡೆಯುತ್ತದೆ.
ಮನಸ್ಸನ್ನು ಆರೋಗ್ಯವಾಗಿಟ್ಟುಕೊಳ್ಳುವುದು:-
ಆಯುರ್ವೇದದ ಪ್ರಕಾರ, ಎಲ್ಲಾ ರೋಗಗಳು ನಮ್ಮ ಮನಸ್ಸಿನಲ್ಲಿ ಹುಟ್ಟಿಕೊಳ್ಳುತ್ತವೆ. ನಮ್ಮ ಮಾನಸಿಕ ಸ್ಥಿತಿ ಮತ್ತು ಭಾವನೆಗಳ ಕಾರಣದಿಂದಾಗಿ ಉಂಟಾಗುವ ರಾಸಾಯನಿಕ ಅಸಮತೋಲನವು ಕೂದಲು ಬೆಳವಣಿಗೆ ಸೇರಿದಂತೆ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಪ್ರಮುಖ ಕಾರಣವಾಗಿದೆ.
ಪ್ರಮುಖ ಕೂದಲು ಸಮಸ್ಯೆಗಳು ಮನೋವೈದ್ಯಕೀಯ ಮತ್ತು ಮಾನಸಿಕ ಸಾಮಾಜಿಕ ಅಂಶಗಳನ್ನು ಹೊಂದಿರಬಹುದು. ಹಾಗಾಗಿ, ಯಾವಾಗಲೂ ಸಕಾರಾತ್ಮಕವಾಗಿರಲು ಪ್ರಯತ್ನಿಸಿ. ಋಣಾತ್ಮಕತೆಯಿಂದ ದೂರವಿರಿ.
ಆರೋಗ್ಯಕರ ಆಹಾರ ಸೇವನೆ:-
ಆಯುರ್ವೇದದ ಪ್ರಕಾರ, ವಿಭಿನ್ನ ಜನರು ವಿಭಿನ್ನ ದೋಷಗಳನ್ನು ಹೊಂದಿರುತ್ತಾರೆ. ಇದರ ಪರಿಣಾಮ, ದೋಷ-ನಿರ್ದಿಷ್ಟ ಋತುವಿನ ಹಣ್ಣುಗಳು ಮತ್ತು ತರಕಾರಿಗಳ ಸೇವನೆ ಮಾಡುವುದರಿಂದ ಕೂದಲನ್ನು ಆರೋಗ್ಯಕರವಾಗಿ, ಬಲವಾಗಿ ಮತ್ತು ದೀರ್ಘಕಾಲ ಉಳಿಯುವಂತೆ ಮಾಡುತ್ತದೆ. ಆರೋಗ್ಯಕರ ಆಹಾರಗಳು ಕೂದಲಿನ ಕಿರುಚೀಲಗಳನ್ನು ಒಳಗಿನಿಂದ ಪೋಷಿಸುತ್ತವೆ ಮತ್ತು ಅವುಗಳನ್ನು ಹೆಚ್ಚು ಸ್ಥಿತಿಸ್ಥಾಪಕವಾಗಿಸುತ್ತವೆ.
ಕೂದಲಿನ ಆರೈಕೆಗೆ ಆರೋಗ್ಯಕರ ಆಹಾರಗಳು ಆರೋಗ್ಯಕರ ಕೊಬ್ಬು:-
ತುಪ್ಪ
ಡ್ರೈ ಫ್ರುಟ್ಸ್
ಜೀರ್ಣಕ್ರಿಯೆ ಸುಧಾರಿಸುವ ಆಹಾರಗಳು
ಜೀರಿಗೆ
ಅರಿಶಿನ
ಶುಂಠಿ
ಜೇನುತುಪ್ಪ
ಹರ್ಬಲ್ ಸಪ್ಲಿಮೆಂಟ್ಸ್
ತ್ರಿಫಲ ದೋಷಗಳನ್ನು ಸಮತೋಲನಗೊ ಳಿಸುತ್ತದೆ
ಕೂದಲನ್ನು ತೊಳೆಯುವುದು ಮತ್ತು ಎಣ್ಣೆ ಹಚ್ಚುವುದು:-
ಚಳಿಗಾಲದಲ್ಲಿ ಕೂದಲು ಉದುರುವುದನ್ನು ತಡೆಯಲು ಎಣ್ಣೆ ಹಚ್ಚಬೇಕು. ಎಣ್ಣೆಯು ಕೂದಲಿನ ಕಿರುಚೀಲಗಳು ಮತ್ತು ನೆತ್ತಿಯನ್ನು ಪೋಷಿಸುತ್ತದೆ. ಇದು ತೇವಾಂಶವನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ನೀವು ತೆಂಗಿನ ಎಣ್ಣೆ ಅಥವಾ ಎಳ್ಳೆಣ್ಣೆಯನ್ನು ಬಳಸಬಹುದು. ಆಮ್ಲಾ, ಗುಲಾಬಿ ದಳಗಳು, ರೀಟ, ಇತ್ಯಾದಿ ಸೇರಿದಂತೆ ಆಯುರ್ವೇದ ಗಿಡಮೂಲಿಕೆಗಳೊಂದಿಗೆ ಎಣ್ಣೆಯನ್ನು ಬಳಸಬಹುದು.
ವಾರಕ್ಕೆ ವಾರಕ್ಕೆ ಎರಡು ಬಾರಿ ಕೂದಲುಗಳನ್ನು ತೊಳೆಯಿರಿ ಮತ್ತು ಚೆನ್ನಾಗಿ ಎಣ್ಣೆ ಹಚ್ಚಿ. ಅದಕ್ಕಿಂತ ಹೆಚ್ಚಾಗಿ ಕೂದಲನ್ನು ತೊಳೆಯುವುದರಿಂದ ನೆತ್ತಿಯ ನೈಸರ್ಗಿಕ ತೈಲಗಳನ್ನು ತೆಗೆದುಹಾಕಬಹುದು ಮತ್ತು ಸರಿಯಾದ ಕೂದಲಿನ ಬೆಳವಣಿಗೆಯನ್ನು ನಿರುತ್ಸಾಹಗೊಳಿಸಬಹುದು.
ನೆತ್ತಿಯ ಮಸಾಜ್:-
ಆಯುರ್ವೇದಡಾ ಪ್ರಕಾರ, ನೆತ್ತಿಯನ್ನು ತೊಳೆಯುವ ಮೊದಲು ಬೆಚ್ಚಗಿನ ಎಣ್ಣೆಯಿಂದ ಮಸಾಜ್ ಮಾಡಬೇಕು.
ಗಿಡಮೂಲಿಕೆಗಳ ಎಣ್ಣೆಯಿಂದ ನೆತ್ತಿಯನ್ನು ದಲಿನ ಮೃದುವಾಗಿ ಮಸಾಜ್ ಮಾಡುವುದರಿಂದ ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಮತ್ತು ಬೇರುಗಳಿಂದ ತುದಿಯವರೆಗೆ ಕೂದಲನ್ನು ಬಲಪಡಿಸುತ್ತದೆ.
ಕೂದಲು ಆರೈಕೆಗೆ ಗಿಡಮೂಲಿಕೆಗಳು:-
ಸೀಗೆ ಕಾಯಿ (ಸೆನೆಗಾಲಿಯಾ ರುಗಾಟಾ)
(ಸಪಿಂಡಸ್ ಮುಕೊರೊಸ್ಸಿ)
ರೀಟಾ (ಸಪಿಂಡನ್ ಮುಕೊರೊಸ್ಸಿ) ಮತ್ತು ಸೀಗೆ ಕಾಯಿ (ನನಗಾಲಿಯಾ ರುಗಾಟಾ) ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸಲು ಮತ್ತು ಕೂದಲು ಉದುರುವಿಕೆಯನ್ನು ತಡೆಯಲು ಆಯುರ್ವೇದದಲ್ಲಿ ಬಳಸಲಾಗುವ ಎರಡು ಜನಪ್ರಿಯ ಗಿಡಮೂಲಿಕೆಗಳಾಗಿವೆ.
ಈ ಸಸ್ಯಗಳ ಹಣ್ಣುಗಳನ್ನು ಬೆಚ್ಚಗಿನ ನೀರಿಗೆ ಸೇರಿಸಿದಾಗ, ಅವು ನೊರೆ, ಸಾಬೂನು, ಶಾಂಪೂ ತರಹದ ಉತ್ಪನ್ನವಾಗಿ ಬದಲಾಗುತ್ತವೆ. ಈ ಪದಾರ್ಥಗಳನ್ನು ಒಳಗೊಂಡಿರುವ ಶಾಂಪೂವನ್ನು ಸಹ ನೀವು ಬಳಸಬಹುದು.
