ಸೆವಿಲ್ಲೆ (ಸ್ಪೇನ್): christopher columbus: ಇತಿಹಾಸಕಾರರು ಸ್ಪೇನ್ ದೇಶದ ಸೆವಿಲ್ಲೆ ಎಂಬ ನಗರದ ಚರ್ಚ್‌ನಲ್ಲಿ ಪತ್ತೆಯಾಗಿದ್ದ ಮಾನವನ ಅವಶೇಷಗಳು ಹೆಸರಾಂತ ನಾವಿಕ ಹಾಗೂ ಅನ್ವೇಷಕ ಕ್ರಿಸ್ಟೋಫರ್‌ ಕೊಲಂಬಸ್‌ ಅವರದ್ದೆ ಎಂದು ಡಿಎನ್‌ಎ ಪರೀಕ್ಷೆ ಮೂಲಕ ದೃಢ ಪಟ್ಟಿದೆ. ಇದರಿಂದಾಗಿ 1560ರಲ್ಲಿ ಮರಣ ಹೊಂದಿದ್ದ ಕೊಲಂಬಸ್‌ ಅವರ ಕುರಿತು 500 ವರ್ಷಗಳಿಂದ ಇದ್ದ ಪ್ರಶ್ನೆಗಳಿಗೆ ತೆರೆ ಬಿದ್ದಂತಾಗಿದೆ.
2003ರಲ್ಲಿ ಲೊರೆಂಟ್‌ ಹಾಗೂ ಇತಿಹಾಸಕಾರ ಮಾರ್ಷಿಯಲ್‌ ಸೇರಿಕೊಂಡು ಸೆವಿಲ್ಲೆಯಲ್ಲಿರುವ ಸಮಾಧಿಯನ್ನು ತೆರೆದು ಸಂಶೋಧನೆಯಲ್ಲಿ ತೊಡಗಿದ್ದರು. ಇದರ ಭಾಗವಾಗಿ ಅಲ್ಲೇ ಹೂಳಲಾಗಿದ್ದ ಕೊಲಂಬಸ್‌ರ ಸಹೋದರ ಡಿಯಾಗೋ ಹಾಗೂ ಪುತ್ರ ಹೆರ್ನಂಡೋ ಅವರ ಡಿಎನ್‌ಎಗಳನ್ನು ಹೊಂದಿಸುವ ಮೂಲಕ ಈ ಸಾಧನೆ ಮಾಡಿದ್ದಾರೆ.
Read Also: ಬಳ್ಳಾರಿ ಜೈಲಲ್ಲಿ ನಟ ದರ್ಶನ್‌ ಬೆನ್ನುನೋವು ಪರೀಕ್ಷೆ: ಎಂಆರ್‌ಐ ಸ್ಕ್ಯಾನ್‌ ಅಗತ್ಯವೆಂದು ವೈದ್ಯರ ಸಲಹೆ
ಸಬಂಧಿಕರ ಜೊತೆ ಹೋಲಿಕೆ (christopher columbus)
20 ವರ್ಷಗಳ ಸಂಶೋಧನೆಯ ಬಳಿಕ ಆಧುನಿಕ ತಂತ್ರಜ್ಞಾನ ಬಳಸಿ ಕೊಲಂಬಸ್‌ ವಂಶಸ್ಥರು ಹಾಗೂ ಸಂಬಂಧಿಕರ ಡಿಎನ್‌ಎ ಜೊತೆ ಅವರ ಡಿಎನ್‌ಎ ಹೊಂದಿಸುವಲ್ಲಿ ಸಂಶೋಧಕರು ಯಶಸ್ವಿಯಾಗಿದ್ದಾರೆ.
‘ಸೆವಿಲ್ಲೆಯಲ್ಲಿರುವ ಅವಶೇಷಗಳು ಕೊಲಂಬಸ್‌ (christopher columbus) ಅವರದ್ದು ಎಂಬ ಸಿದ್ಧಾಂತ ಈಗ ಸಂಪೂರ್ಣವಾಗಿ ಧೃಡಪಟ್ಟಿದೆ. ಇದು ಹೊಸ ತಂತ್ರಜ್ಞಾನದಿಂದ ಸಾಧ್ಯವಾಗಿದೆ’ ಎಂದು ತನಿಖೆಯ ನೇತೃತ್ವ ವಹಿಸಿದ್ದ ವಿಧಿವಿಜ್ಞಾನ ವಿಜ್ಞಾನಿ ಮಿಗುಯೆಲ್ ಲೊರೆಂಟ್‌ ಸಂತಸ ವ್ಯಕ್ತಪಡಿಸಿದ್ದಾರೆ.
