ಖ್ಯಾತ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರು 2 ವರ್ಷಗಳ ಹಿಂದೆ ತನಗೆ ಕಾಡಿದ ಆ್ಯಂಟಿ ಫಾಸ್ಫೋಲಿಪಿಡ್ ಸಿಂಡ್ರೋಮ್ ಬಗ್ಗೆ ಹೇಳಿಕೊಂಡಿದ್ದರು. ಆ್ಯಂಟಿ ಫಾಸ್ಫೋಲಿಪಿಡ್ ಸಿಂಡ್ರೋಮ್ ಕಾಯಿಲೆ ಬಾಡಿಗೆ ತಾಯ್ತನದ ಮೂಲಕ ಮಗುವನ್ನು ಪಡೆದಿದ್ದರು.
ಏನಿದು ಆ್ಯಂಟಿ ಫಾಸ್ಫೋಲಿಪಿಡ್ ಸಿಂಡ್ರೋಮ್?:
ಹೌದು, ದೇಹದ ರೋಗ ನಿರೋಧಕ ಶಕ್ತಿಯು ತನ್ನದೇ ಅಂಗಾಂಶಗಳ ವಿರುದ್ಧ ಆ್ಯಂಟಿಬಾಡಿಸ್ ಬೆಳೆಯುವಂತೆ ಮಾಡುವ ಸ್ಥಿತಿಯೇ ಆ್ಯಂಟಿ ಫಾಸ್ಫೋಲಿಪಿಡ್ ಸಿಂಡ್ರೋಮ್. ಇದರಿಂದ ಅನೇಕ ಸಮಸ್ಯೆಗಳು ಉಂಟಾಗುತ್ತವೆ. ದೇಹವು ತನ್ನದೇ ಜೀವಕೋಶಗಳ ವಿರುದ್ಧ ಸಮರ ಸಾರುತ್ತದೆ. ನರಗಳಲ್ಲಿ ರಕ್ತ ಹೆಪ್ಪುಗಟ್ಟುವುದು ಸೇರಿದಂತೆ ಅನೇಕ ತೊಂದರೆಗಳು ಎದುರಾಗಬಹುದಾಗಿದ್ದು, ಹೃದಯಾಘಾತಕ್ಕೂ ಕಾರಣ ಆಗಬಹುದು.
ಆರೋಗ್ಯ ಸಮಸ್ಯೆಯಿಂದ ಬಾಡಿಗೆ ತಾಯ್ತನದ ನಿರ್ಧಾರ:
ಇನ್ನು, ಆರೋಗ್ಯ ಸಮಸ್ಯೆ ಪರಿಣಾಮ ಶಿಲ್ಪಾ ಶೆಟ್ಟಿ ಅವರು 2020ರಲ್ಲಿ ಬಾಡಿಗೆ ತಾಯಿ ಮೂಲ ಹೆಣ್ಣು ಮಗು ಪಡೆದ ಬಗ್ಗೆ ಅವರು ಸೋಶಿಯಲ್ ಮೀಡಿಯಾ ಮೂಲಕ ಸುದ್ದಿ ಹಂಚಿಕೊಂಡರು. ತಾವೇ ಗರ್ಭ ಧರಿಸಬೇಕು ಎಂಬುದು ಶಿಲ್ಪಾ ಶೆಟ್ಟಿ ಬಯಕೆ ಆಗಿತ್ತು. ಆದರೆ ಆ್ಯಂಟಿ ಫಾಸ್ಫೋಲಿಪಿಡ್ ಸಿಂಡ್ರೋಮ್ ಕಾಯಿಲೆ ಕಾರಣದಿಂದ ಅದು ಸಾಧ್ಯವಾಗಲಿಲ್ಲ. ಅಷ್ಟೇ ಅಲ್ಲ, ಗರ್ಭ ಧರಿಸುವಲ್ಲಿ ಒಂದೆರಡು ಬಾರಿ ವಿಫಲವಾದ ನಂತರ ಶಿಲ್ಪಾ ಶೆಟ್ಟಿ ಅವರು ಬಾಡಿಗೆ ತಾಯ್ತನದ ಮೂಲಕ ಮಗು ಪಡೆದುಕೊಂಡರು.
