October New Rules: ಅಕ್ಟೋಬರ್ ಬರುತ್ತಿದೆ. ಇನ್ನು ಒಂದು ದಿನ ಮಾತ್ರ ಬಾಕಿ ಇದೆ. ಆದರೆ ಸೆಪ್ಟೆಂಬರ್ 30 ಕ್ಕೆ ಕೊನೆಗೊಳ್ಳುವ ಗಡುವು ಸೇರಿದಂತೆ ಅಕ್ಟೋಬರ್ ತಿಂಗಳಲ್ಲಿ ಹಲವು ಬದಲಾವಣೆಗಳು ಆಗಲಿವೆ. ಬ್ಯಾಂಕ್‌ಗಳು ನೀಡುವ ಈ ಕೆಲವು ವಿಶೇಷ ನಿಶ್ಚಿತ ಠೇವಣಿ ಯೋಜನೆಗಳು ಮುಕ್ತಾಯಗೊಳ್ಳಲಿವೆ. ಅಂತರಾಷ್ಟ್ರೀಯ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸಿಕೊಂಡು ವಿದೇಶದಲ್ಲಿ ಮಾಡುವ ಪಾವತಿಗಳಲ್ಲಿಯೂ ಬದಲಾವಣೆಗಳಿರುತ್ತವೆ. ಇದಲ್ಲದೆ, ಎಲ್ಐಸಿ ಪಾಲಿಸಿ ನವೀಕರಣದ ಗಡುವು ಅಕ್ಟೋಬರ್ ತಿಂಗಳಿನಲ್ಲಿಯೇ ಮುಕ್ತಾಯಗೊಳ್ಳಲಿದೆ. ರೂ. 2000 ನೋಟುಗಳನ್ನು ಹಿಂಪಡೆಯಲು ಸೆಪ್ಟೆಂಬರ್ 30ಕ್ಕೆ ರಿಸರ್ವ್ ಬ್ಯಾಂಕ್ ಗಡುವು ನಿಗದಿಪಡಿಸಿರುವುದು ಗೊತ್ತೇ ಇದೆ. ಆ ನಂತರ ಏನಾಗಲಿದೆ ಎಂಬುದು ಕೆಲವೇ ದಿನಗಳಲ್ಲಿ ತಿಳಿಯಲಿದೆ.
ಇದನ್ನೂ ಓದಿ: ಇಂದು ಈ ರಾಶಿಯವರಿಗೆ ಸಮಸ್ಯೆಗಳಿಂದ ಮುಕ್ತಿ..!
ಆದರೆ ತಿಂಗಳು ಬದಲಾದರೆ.. ನಮ್ಮ ಜೇಬಿಗೆ ಕತ್ತರಿ ಬೀಳುವಂತಹ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಧ್ಯತೆಗಳಿವೆ. ಮುಖ್ಯವಾಗಿ, ಅನಿಲ ದರಗಳು ಹೆಚ್ಚಾಗಬಹುದು ಅಥವಾ ಕಡಿಮೆಯಾಗಬಹುದು. ಹಾಲಿನ ದರವನ್ನೂ ನಿರ್ಧರಿಸಬಹುದು. ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ ನಿರ್ಧಾರ ಆಗಬಹುದು. ಆದರೆ ಆರ್ಥಿಕ ವಿಷಯಗಳಲ್ಲಿ ಅಕ್ಟೋಬರ್‌ನಲ್ಲಿ ಬರುವ ಪ್ರಮುಖ ಬದಲಾವಣೆಗಳನ್ನು ತಿಳಿದುಕೊಳ್ಳೋಣ.
ನಾಳೆಯಿಂದ ಠೇವಣಿ ಬಡ್ಡಿದರ ಏರಿಕೆ (Increase in deposit interest rate)
ನಾಳೆಯಿಂದ 5 ವರ್ಷದ ಠೇವಣಿ (RD) ಬಡ್ಡಿದರ ಏರಿಕೆಯಾಗಲಿದೆ. ಸಣ್ಣ ಉಳಿತಾಯ ಯೋಜನೆಗಳ ಪೈಕಿ ಬ್ಯಾಂಕ್ ಮತ್ತು ಅಂಚೆ ಕಚೇರಿಯ 5 ವರ್ಷದ ಅವಧಿಯ ಮರುಕಳಿಸುವ ಠೇವಣಿಗೆ ಬಡ್ಡಿದರವನ್ನು ಕೇಂದ್ರ ಸರ್ಕಾರ ಶೇ. 6.5 ರಿಂದ ಶೇ. 6.7ಕ್ಕೆ ಏರಿಸಿದೆ. ಇದು ಅಕ್ಟೋಬರ್ 1ರಿಂದ ಡಿಸೆಂಬರ್ ವರೆಗಿನ ತ್ರೈಮಾಸಿಕ ಅವಧಿಯ ಪರಿಷ್ಕೃತ ಬಡ್ಡಿದರವಾಗಿದೆ. ಇನ್ನು, ಹಿರಿಯ ನಾಗರಿಕರ ಖಾತೆಗೆ ಶೇ. 8.2, ಮಾಸಿಕ ಆದಾಯ ಖಾತೆಗೆ ಶೇ 7.4, NSC ಶೇ. 73.7 ಹಾಗೂ ಪಿಪಿಎಫ್ ಮೇಲೆ 7.1 ಬಡ್ಡಿದರ ಇರಲಿದೆ.
ಇದನ್ನೂ ಓದಿ:ಯಾವುದೇ ಗ್ಯಾರಂಟಿ ಇಲ್ಲದೇ 10 ಲಕ್ಷ ಸಾಲ; ಕೇಂದ್ರದ ಈ ಯೋಜನೆಗೆ ಹೀಗೆ ಅರ್ಜಿ ಸಲ್ಲಿಸಿ!
ಶೇ. 28ರಷ್ಟು GST.. ನಾಳೆಯಿಂದಲೇ ಜಾರಿ (percent 28% GST)
ಆನ್ಲೈನ್ ಗೇಮಿಂಗ್ ಗೆ ಶೇ. 28ರಷ್ಟು GST ವಿಧಿಸಿ ಕರ್ನಾಟಕ ಸರಕು ಮತ್ತು ಸೇವೆಗಳ ಕಾಯಿದೆಗೆ ತಿದ್ದುಪಡಿ ತರಲು ರಾಜ್ಯ ಸರ್ಕಾರ ಸುಗ್ರೀವಾಜ್ಞೆ ಹೊರಡಿಸಿದೆ. ಇದು ನಾಳೆಯಿಂದಲೇ ಜಾರಿಯಾಗಲಿದೆ. ಇದರನ್ವಯ ಆನ್ಲೈನ್ ಗೇಮ್, ಜೂಜು, ಲಾಟರಿ, ಆನ್ಲೈನ್ ಮನಿ ಗೇಮ್, ಬೆಟ್ಟಿಂಗ್, ಕ್ಯಾಸಿನೊ ಹಾಗೂ ಕುದುರೆ ರೇಸಿಂಗ್ ಸೇರಿದಂತೆ ಎಲ್ಲ ರೀತಿಯ ಆನ್ಲೈನ್ ಗೇಮ್ ಗಳ ಆದಾಯದ ಮೇಲೆ ಶೇ. 28ರಷ್ಟು GST ವಿಧಿಸಲಾಗುತ್ತದೆ.
ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್ ಹೊಸ ನಿಯಮ (Debit card, credit card rule)
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಡೆಬಿಟ್ ಕಾರ್ಡ್ ಮತ್ತು ಕ್ರೆಡಿಟ್ ಕಾರ್ಡ್‌ಗಳಿಗೆ ಸಂಬಂಧಿಸಿದಂತೆ ಹೊಸ ನಿಯಮವನ್ನು ತಂದಿದೆ. ಈಗ ನೀವು ನಿಮ್ಮ ಆಯ್ಕೆಯ ಕಾರ್ಡ್ ಅನ್ನು ಆಯ್ಕೆ ಮಾಡಬಹುದು. ಅಂದರೆ ರುಪೇ, ವೀಸಾ, ಮಾಸ್ಟರ್ ನಂತಹ ನಿಮ್ಮ ಆಯ್ಕೆಯ ಪಾವತಿ ನೆಟ್ವರ್ಕ್ ಅನ್ನು ನೀವು ಆಯ್ಕೆ ಮಾಡಬಹುದು. ಅಕ್ಟೋಬರ್ 1 ರಿಂದ ಯಾವ ಕಾರ್ಡ್ ಬೇಕು ಎಂಬುದನ್ನು ಬ್ಯಾಂಕ್‌ಗಳು ನಿರ್ಧರಿಸುವುದಿಲ್ಲ. ಬಳಕೆದಾರರು ತಮ್ಮ ಆಯ್ಕೆಯ ಕಾರ್ಡ್ ಅನ್ನು ಆಯ್ಕೆ ಮಾಡುವ ಸ್ವಾತಂತ್ರ್ಯವನ್ನು ಹೊಂದಿರುತ್ತಾರೆ.
ಇದನ್ನೂ ಓದಿ:ರೈತರಿಗೆ ಗುಡ್ ನ್ಯೂಸ್, ಪಿಎಂ ಕಿಸಾನ್ 15 ಕಂತಿಗೆ ಎಲ್ಲವೂ ಸಿದ್ಧ; ಇದನ್ನು ಮಾಡಿಸದಿದ್ದರೆ ಖಾತೆಗೆ 6000 ರೂ ಬರಲ್ಲ!
ಇಂಡಿಯನ್ ಬ್ಯಾಂಕ್ ವಿಶೇಷ FD ಗಡುವು (Indian Bank special FD deadline)
ಇತರ ಬ್ಯಾಂಕುಗಳಂತೆ, ಇಂಡಿಯನ್ ಬ್ಯಾಂಕ್ ಕೂಡ ಅನೇಕ ವಿಶೇಷ ನಿಶ್ಚಿತ ಠೇವಣಿ ಯೋಜನೆಗಳನ್ನು ಪರಿಚಯಿಸಿದೆ. ಇದರಲ್ಲಿ ಇಂಡ್ ಸೂಪರ್ 400 ಮತ್ತು ಇಂಡ್ ಸುಪ್ರೀಂ 300 ದಿನಗಳು ಅಕ್ಟೋಬರ್ 31 ರಂದು ಕೊನೆಗೊಳ್ಳಲಿವೆ. ಇತರ ಸಾಮಾನ್ಯ ಎಫ್‌ಡಿಗಳಿಗಿಂತ ಲಾಭ ಹೆಚ್ಚು ಎಂದು ಹೇಳಬಹುದು. ಮೂಲತಃ ಇದು ಸೆಪ್ಟೆಂಬರ್ 30 ರಂದು ಕೊನೆಗೊಳ್ಳಲಿದ್ದು, ಬ್ಯಾಂಕ್ ಗಡುವನ್ನು ವಿಸ್ತರಿಸಿದೆ.
ಇದನ್ನೂ ಓದಿ:93,362 ರೇಷನ್‌ ಕಾರ್ಡ್ ಅರ್ಜಿಗಳು ತಿರಸ್ಕೃತ; ಅರ್ಜಿಗಳ ತಿರಸ್ಕಾರಕ್ಕೆ ಕಾರಣವೇನು?
IDBI ಅಮೃತ್ ಮಹೋತ್ಸವ FD ಗಡುವು (IDBI Amrit Mahotsav FD deadline)
IDBI ಬ್ಯಾಂಕ್ ಕೂಡ ಎರಡು ವಿಶೇಷ FD ಯೋಜನೆಗಳನ್ನು ಪ್ರಾರಂಭಿಸಿದೆ. ಅದೇ IDBI ಅಮೃತ್ ಮಹೋತ್ಸವ FD. ಇದು 375 ದಿನಗಳು ಮತ್ತು 444 ದಿನಗಳ ಸಮಯದ ಮಿತಿಯೊಂದಿಗೆ ಬರುತ್ತದೆ. ಇವುಗಳಿಗೆ ಸೇರುವ ಗಡುವು ಅಕ್ಟೋಬರ್ 31, 2023 ರಂದು ಕೊನೆಗೊಳ್ಳುತ್ತದೆ. ಬ್ಯಾಂಕ್ ಈಗಾಗಲೇ ಹಲವು ಬಾರಿ ಈ ಗಡುವನ್ನು ವಿಸ್ತರಿಸಿದೆ. ಈ ಯೋಜನೆಯಿಂದ ಠೇವಣಿಗಳ ಮೇಲೆ ಹೆಚ್ಚಿನ ಬಡ್ಡಿ ದೊರೆಯುತ್ತದೆ.
LIC ಪಾಲಿಸಿ (LIC revival campaign)
ಭಾರತೀಯ ಜೀವ ವಿಮಾ ನಿಗಮ (LIC) ಲ್ಯಾಪ್ಸ್ ಆದ ಪಾಲಿಸಿಗಳ ನವೀಕರಣಕ್ಕಾಗಿ ವಿಶೇಷ ಕಾರ್ಯಕ್ರಮವನ್ನು ತಂದಿದೆ. ಸೆಪ್ಟೆಂಬರ್ 1 ರಂದು ಪ್ರಾರಂಭವಾದ ಕಾರ್ಯಕ್ರಮವನ್ನು ಎಲ್ಐಸಿ ಪುನರುಜ್ಜೀವನ ಅಭಿಯಾನ ಎಂದು ಕರೆಯಲಾಗುತ್ತದೆ. ಇದೀಗ ಅಕ್ಟೋಬರ್ 31 ರಂದು ಮುಕ್ತಾಯಗೊಳ್ಳಲಿದೆ. ಪಾಲಿಸಿಗಳ ನವೀಕರಣಕ್ಕಾಗಿ LIC ವಿಳಂಬ ಶುಲ್ಕದ ಮೇಲೆ ರಿಯಾಯಿತಿಯನ್ನು ಸಹ ನೀಡುತ್ತದೆ.
ಇದನ್ನೂ ಓದಿ:ಈ ತಪ್ಪುಗಳನ್ನು ಎಂದಿಗೂ ಮಾಡಬೇಡಿ; ಹೀಗೆ ಮಾಡುವುದು ಒಳ್ಳೆಯದು, ಒಮ್ಮೆ ಚೆಕ್ ಮಾಡಿ
TCS ಹೊಸ ನಿಯಮಗಳು (TCS rule from October 1, 2023)
ಅಂತರರಾಷ್ಟ್ರೀಯ ಕ್ರೆಡಿಟ್ ಕಾರ್ಡ್‌ಗಳು ಮತ್ತು ಡೆಬಿಟ್ ಕಾರ್ಡ್‌ಗಳನ್ನು ಬಳಸಿಕೊಂಡು ವಿದೇಶದಲ್ಲಿ ಮಾಡಿದ ಪಾವತಿಗಳ ಮೇಲೆ ಮೂಲದಲ್ಲಿ ತೆರಿಗೆ ಸಂಗ್ರಹ (TCS) ಕುರಿತ ಹೊಸ ನಿಯಮಗಳು ಅಕ್ಟೋಬರ್ 1 ರಿಂದ ಜಾರಿಗೆ ಬರಲಿವೆ. ವಾರ್ಷಿಕ ರೂ. 7 ಲಕ್ಷಕ್ಕಿಂತ ಹೆಚ್ಚಿನ ವಿದೇಶಗಳಲ್ಲಿ ಮಾಡುವ ವೆಚ್ಚಗಳಿಗೆ 20 ಪ್ರತಿಶತ ತೆರಿಗೆ ಅನ್ವಯಿಸುತ್ತದೆ. ಇದರಲ್ಲಿ ವೈದ್ಯಕೀಯ ಮತ್ತು ಶಿಕ್ಷಣದ ವೆಚ್ಚದಲ್ಲಿ ವಿನಾಯಿತಿ ಇದೆ
ಎಲ್ಲಾ ದಾಖಲೆಗೂ ಜನನ ಪ್ರಮಾಣಪತ್ರ ಕಡ್ಡಾಯ (Birth certificate)
ಕೇಂದ್ರ ಸರ್ಕಾರವು ಜನನ ಮತ್ತು ನೊಂದಣಿ ತಿದ್ದುಪಡಿ ಕಾಯದೆಯನ್ನು ಜಾರಿಗೆ ತಂದಿದೆ. ಈ ಮೂಲಕ ಇನ್ನು ಪ್ರಮುಖ ದಾಖಲೆಗಳಿಗೆ ಇನ್ನು ಮುಂದೆ “ಜನನ ಪ್ರಮಾಣ ಪತ್ರ”ವೇ ಆಧಾರವಾಗಿದೆ. ಅಕ್ಟೋಬರ್ 1 ರಿಂದ ಕಡ್ಡಾಯ ನಿಯಮ ಜಾರಿಗೆ ಬರಲಿದ್ದು, ಇನ್ಮುಂದೆ ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರವೇಶ, ಚಾಲನಾ ಪರವಾನಗಿ, ಮತದಾರರ ಪಟ್ಟಿ ತಯಾರಿ, ಆಧಾರ್ ಸಂಖ್ಯೆ, ವಿವಾಹ ನೋಂದಣಿಗೆ ಜನನ ಪ್ರಮಾಣ ಪತ್ರ ಒಂದೇ ದಾಖಲೆಯಾಗಲಿದೆ.
ಎಸ್‌ಬಿಐ ವಿ ಕೇರ್ (SBI We Care)
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಅನೇಕ ವಿಶೇಷ FD ಯೋಜನೆಗಳನ್ನು ಪರಿಚಯಿಸಿದೆ ಎಂದು ತಿಳಿದಿದೆ. ಇವುಗಳಲ್ಲಿ, SBI VCare FD ಹಿರಿಯ ನಾಗರಿಕರಿಗೆ ಹೆಚ್ಚಿನ ಬಡ್ಡಿದರಗಳನ್ನು ನೀಡುವ ಯೋಜನೆಯಾಗಿದೆ. ಸೇರಲು ಕೊನೆಯ ದಿನಾಂಕ ಸೆಪ್ಟೆಂಬರ್ 30. ನೀವು ಅಕ್ಟೋಬರ್ 1 ರಿಂದ ಸೇರಲು ಸಾಧ್ಯವಿಲ್ಲ. ಈ ಹಿಂದೆ ಹಲವು ಬಾರಿ ಬ್ಯಾಂಕ್ ಈ ಗಡುವನ್ನು ವಿಸ್ತರಿಸಿದ್ದರೂ ಈ ಬಾರಿ ಏನು ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ.
ರೂ 2000 ನೋಟುಗಳ ಹಿಂಪಡೆಯುವಿಕೆ (Rs 2000 Notes)
ಇನ್ನು ಕೆಲವೇ ಗಂಟೆಗಳಲ್ಲಿ ₹2000 ನೋಟುಗಳ ಬದಲಾವಣೆಗೆ ಗಡುವು ಮುಕ್ತಾಯವಾಗಲಿದೆ. ಈ ದೊಡ್ಡ ಮುಖಬೆಲೆಯ ನೋಟುಗಳ ಬದಲಾವಣೆಗೆ ಸೆಪ್ಟೆಂಬರ್ 30ರ ಗಡುವನ್ನು ಆರ್‌ಬಿಐ ನೀಡಿತ್ತು . ಹಾಗಾಗಿ ಈ ನೋಟು ಬದಲಾವಣೆಗೆ ಇಂದು ಮಾತ್ರ ಸಮಯವಿದೆ. ಅದರ ನಂತರ ಯಾವ ನಿರ್ಧಾರ ತೆಗೆದುಕೊಳ್ಳುತ್ತದೆ ಎಂಬುದನ್ನು ಆರ್‌ಬಿಐ ಇಲ್ಲಿಯವರೆಗೆ ಬಹಿರಂಗಪಡಿಸಿಲ್ಲ. ₹2000 ನೋಟುಗಳನ್ನು ಸಂಪೂರ್ಣವಾಗಿ ಹಿಂಪಡೆಯುತ್ತಿರುವುದಾಗಿ ಆರ್ ಬಿಐ ಈ ವರ್ಷದ ಮೇ ತಿಂಗಳಲ್ಲಿ ಘೋಷಿಸಿದ್ದು ಗೊತ್ತೇ ಇದೆ.
ಪ್ರಮುಖ ಲಿಂಕುಗಳು/ Important links
| ವಾಟ್ಸಾಪ್ ಗ್ರೂಪ್ | ಇಲ್ಲಿ ಕ್ಲಿಕ್ ಮಾಡಿ |
| ಫೇಸ್ ಬುಕ್ ಪೇಜ್ | ಇಲ್ಲಿ ಕ್ಲಿಕ್ ಮಾಡಿ |
| ಟೆಲಿಗ್ರಾಮ್ ಗ್ರೂಪ್ | ಇಲ್ಲಿ ಕ್ಲಿಕ್ ಮಾಡಿ |
| ಟ್ವಿಟ್ಟರ್ | ಇಲ್ಲಿ ಕ್ಲಿಕ್ಮಾಡಿ |
| ಶೇರ್ ಚಾಟ್ | ಇಲ್ಲಿಕ್ಲಿಕ್ಮಾಡಿ |
