ಅರಣ್ಯ, ಆಹಾರ ಮತ್ತು ನಾಗರಿಕ ಇಲಾಖೆ ಸಚಿವ ಉಮೇಶ್ ಕತ್ತಿ ಅವರ ಆರೋಗ್ಯಕ್ಕೆ ಗುಟ್ಕಾ ಕೂಡ ಕಾರಣ ಆಗಿರಬಹುದೆಂದು ಹೇಳಲಾಗುತ್ತಿದೆ. ಗುಟ್ಕಾಗೆ ದಾಸರಾಗಿದ್ದ ಸಚಿವ ಉಮೇಶ್ ಕತ್ತಿ, ಅದನ್ನು ಸದಾ ಜಗಿಯುತ್ತಿದ್ದರು. ಇದಕ್ಕೆ ಪುಷ್ಠಿ ನೀಡುವಂಥ ಪ್ರಕರಣ 2012ರಲ್ಲೇ ಮಾಧ್ಯಮಗಳ ಕಣ್ಣಿಗೆ ಬಿದ್ದಿತ್ತು.
ಹೌದು, ಶಿಕ್ಷಕರ ದಿನಾಚರಣೆ ಹಿನ್ನೆಲೆ ಬೆಳಗಾವಿಯಲ್ಲಿ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಅಂದಿನ ಸಿಎಂ ಜಗದೀಶ್ ಶೆಟ್ಟರ್ ಭಾಷಣ ಮಾಡುತ್ತಿರುವಾಗಲೇ ವೇದಿಕೆ ಮೇಲಿದ್ದ ಸಚಿವ ಉಮೇಶ್ ಕತ್ತಿ , ಪಕ್ಕಾ ಹಳ್ಳಿ ಹೈದನಂತೆ ಗುಟ್ಕಾ ಅರೆದು ಬಾಯಿಗೆ ಹಾಕಿಕೊಂಡಿದ್ದರು.