ಬೆಂಗಳೂರು: ರಾಜ್ಯದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಇಂದು (ಫೆಬ್ರವರಿ 7) ಮತ್ತೆ ಏರಿಳಿತ ಉಂಟಾಗಿದ್ದು, ನಿನ್ನೆ ಇಳಿಕೆ ಕಂಡು ನಿಟ್ಟುಸಿರು ಬಿಟ್ಟಿದ್ದ ಗ್ರಾಹಕರಿಗೆ ಇಂದು ಬೆಲೆ ಏರಿಕೆಯ ಬಿಸಿ ತಟ್ಟಿದೆ. ಹೌದು, 24 ಕ್ಯಾರೆಟ್ ಮತ್ತು 22 ಕ್ಯಾರೆಟ್ ಚಿನ್ನದ ದರದಲ್ಲಿ ಸಾವಿರಾರು ರೂಪಾಯಿ ಏರಿಕೆಯಾಗಿದ್ದು, ಬೆಳ್ಳಿ ಬೆಲೆಯೂ ಗಗನಕ್ಕೇರಿದೆ.
ಬೆಂಗಳೂರು ಚಿನಿವಾರ ಪೇಟೆಯಲ್ಲಿ ಇಂದಿನ ಮಾರುಕಟ್ಟೆ ದರಗಳ ಸಂಪೂರ್ಣ ವಿವರ ಇಲ್ಲಿದೆ:
📈 1. ಚಿನ್ನದ ದರದಲ್ಲಿ ದಿಢೀರ್ ಏರಿಕೆ (Gold Price Hike)
ಇಂದು ಎಲ್ಲಾ ಮಾದರಿಯ ಚಿನ್ನದ ದರಗಳಲ್ಲೂ ಹೆಚ್ಚಳವಾಗಿದ್ದು, 24 ಕ್ಯಾರೆಟ್ (ಅಪರಂಜಿ ಚಿನ್ನ): ಹೂಡಿಕೆಗೆ ಬಳಸುವ ಶುದ್ಧ ಚಿನ್ನದ ಬೆಲೆಯಲ್ಲಿ 10 ಗ್ರಾಂಗೆ ಬರೋಬ್ಬರಿ ₹2,890 ಏರಿಕೆಯಾಗಿದ್ದು, ಇದರೊಂದಿಗೆ ಇಂದಿನ ದರ ₹1,56,600 ಕ್ಕೆ ತಲುಪಿದೆ.
ಇನ್ನು, ಆಭರಣಗಳಿಗೆ ಬಳಸುವ 22 ಕ್ಯಾರೆಟ್ ಚಿನ್ನದ ದರದಲ್ಲಿ ₹2,650 ಹೆಚ್ಚಳವಾಗಿದ್ದು, ಪ್ರತಿ 10 ಗ್ರಾಂ ಬೆಲೆ ₹1,43,550 ಕ್ಕೆ ಬಂದು ನಿಂತಿದ್ದು,18 ಕ್ಯಾರೆಟ್ ಕನಿಷ್ಠ ಮಾದರಿಯ ಚಿನ್ನದ ದರದಲ್ಲೂ ₹2,170 ಏರಿಕೆಯಾಗಿದ್ದು, ₹1,17,450 ರಂತೆ ಮಾರಾಟವಾಗುತ್ತಿದೆ.
🥈 2. ಬೆಳ್ಳಿ ಬೆಲೆಯಲ್ಲಿಯೂ ಭಾರೀ ಹೆಚ್ಚಳ (Silver Price Jump)
ಅಷ್ಟೇ ಅಲ್ಲ, ಚಿನ್ನದ ಜೊತೆಗೆ ಬೆಳ್ಳಿಯ ಹೊಳಪು ಕೂಡ ಹೆಚ್ಚಾಗಿದೆ. ಪ್ರತಿ ಕೆ.ಜಿ ಬೆಳ್ಳಿ ದರದಲ್ಲಿ ಇಂದು ಬರೋಬ್ಬರಿ ₹10,000 ಏರಿಕೆಯಾಗಿದ್ದು,ಈ ಮೂಲಕ ಇಂದಿನ ಬೆಳ್ಳಿ ದರ ₹2,85,000 (ಎರಡು ಲಕ್ಷದ ಎಂಭತ್ತೈದು ಸಾವಿರ) ರೂಪಾಯಿಗಳಾಗಿದೆ.
