ಬೆಳಗಾವಿ: ಸೋಮವಾರ ಬೆಳಗಿನ ಜಾವ ಚಿಕ್ಕೋಡಿ-ಕಾಗವಾಡ ರಸ್ತೆಯಲ್ಲಿರುವ ಸಿದ್ದಾಪುರವಾಡಿ ಕ್ರಾಸ್ ಬಳಿ ಕಾರು ಮತ್ತು ಟ್ರಕ್ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದ ಪರಿಣಾಮ ಮೂರು ಜನರು ಸ್ಥಳದಲ್ಲೇ ಮೃತರಾಗಿದ್ದಾರೆ. ಇನ್ನೂ ಮೂರು ಜನರು ಗಂಭೀರವಾಗಿ ಗಾಯಗೊಂಡಿದ್ದು ಇದರಲ್ಲಿ ಇಬ್ಬರು ಮಹಿಳೆಯರು ಸೇರಿದ್ದಾರೆ.
ಮೃತರಾದವರು ಮತ್ತು ಗಾಯಗೊಂಡವರು ಮಹಾರಾಷ್ಟ್ರದ ಸಾಂಗ್ಲಿಯವರು. ಮೃತರಾದವರ ಹೆಸರು ಕಲ್ಪನಾ ಅಜಿತ್ ಕುಮಾರ್ ಕೋಳಿ(37), ಮಹಾದೇವ್ ಕಣಪ್ಪ ಕೋಳಿ (76), ಮತ್ತು ರುಕ್ಮಿಣಿ ಮಹಾದೇವ್ ಕೋಳಿ (60) ಎಂದು ಗುರುತಿಸಲಾಗಿದೆ.
ಗಾಯಗೊಂಡವರೆಂದರೆ ಅಜಿತ್ ಕುಮಾರ್ ಮಹಾದೇವ್ ಕೋಳಿ (45), ಆದಿತ್ಯ ಅಜಿತ್ ಕುಮಾರ್ ಕೋಳಿ (17), ಮತ್ತು ಅನುಜಾ ಅಜಿತ್ ಕುಮಾರ್ ಕೋಳಿ (13) ಆಗಿದ್ದು, ಇವರೆಲ್ಲರೂ ಕಾರಿನಲ್ಲಿದ್ದವರಾಗಿದ್ದಾರೆ.
ಪೊಲೀಸರು ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಂಕಲಿ ಪೊಲೀಸರು ಈ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.
ವಿಶೇಷ ಸೂಚನೆ: ಪ್ರಿಯ ಓದುಗರೆ ವಸ್ತುನಿಷ್ಠ ವರದಿ ಹಾಗೂ ಮಾಹಿತಿ ನೀಡಲು ವಿಜಯಪ್ರಭಾ.ಕಾಂ ಸಂಪಾದಕೀಯ ತಂಡ ಬದ್ಧವಾಗಿದೆ. ಒಂದು ವೇಳೆ ನಾವು ನೀಡುವ ಮಾಹಿತಿ ಬಗ್ಗೆ ತಕರಾರಿದ್ದರೆ ನಮ್ಮvijayaprabhanews@gmail.com ಈಮೇಲ್ ಮಾಡಿ ತಕ್ಷಣ ಪರಿಶೀಲಿಸಿ ತಿದ್ದಿಕೊಳ್ಳುತ್ತೇವೆ.
