ನ್ಯೂಯಾರ್ಕ್: ಎಲ್ಲಾ ಕಡೆ ಪ್ರತಿದಿನ ಉದಯಿಸುವ ಸೂರ್ಯ, ಆ ಊರಿನಲ್ಲಿ ಮಾತ್ರ ಇನ್ನು ಎರಡು ತಿಂಗಳು ಕಾಣಿಸುವುದಿಲ್ಲ. ಅಲಾಸ್ಕಾದ ಉಟ್ಕಿಯಾಗ್ವಿಕ್ ಪಟ್ಟಣದ ನಿವಾಸಿಗಳು ಈ ವರ್ಷ ಕೊನೆಯ ಸೂರ್ಯೋದಯವನ್ನು ಕಂಡಿದ್ದಾರೆ.
4300 ಜನರಿರುವ ಈ ಅಮೆರಿಕದ ಪಟ್ಟಣದಲ್ಲಿ ಬುಧವಾರ ಕೊನೆಯದಾಗಿ ಮಧ್ಯಾಹ್ನ 1.30 ರ ಸುಮಾರಿಗೆ ಸೂರ್ಯನನ್ನು ನೋಡಿದೆ.ನೋಡಿದ್ದಾರೆ. ಮತ್ತೆ ಆ ಪಟ್ಟಣದಲ್ಲಿ ಮುಂದಿನ ವರ್ಷ ಜನವರಿ 23 ರಂದು ಸೂರ್ಯ ಉದಯಿಸುತ್ತಾನೆ. ಅಂದರೆ ಇದರರ್ಥ ಪಟ್ಟಣದ ಜನರು 66 ದಿನಗಳವರೆಗೆ ಕತ್ತಲೆಯಲ್ಲಿ ಉಳಿಯಬೇಕು. ಇದನ್ನು ಪೋಲಾರ್ ನೈಟ್ ಎಂದು ಕರೆಯಲಾಗುತ್ತದೆ.
ಪೋಲಾರ್ ನೈಟ್ ಪ್ರತಿ ವರ್ಷ ಒಂದೇ ಸಮಯದಲ್ಲಿ ಬರುತ್ತದೆ. ಉಟ್ಕಿಯಾಗ್ವಿಕ್ ಉತ್ತರ ಅಕ್ಷಾಂಶದಲ್ಲಿ 71.29 ಡಿಗ್ರಿ ಇದೆ. ಅದರ ವಿಶಿಷ್ಟ ಜಿಯೋಲೋಕಲೈಸೇಶನ್ ಕಾರಣ, ದೀರ್ಘ ಧ್ರುವ ರಾತ್ರಿಯನ್ನು ನೋಡಲು ಸಾಧ್ಯವಿದೆ. ಈ ಧ್ರುವ ರಾತ್ರಿಗಳು ಧ್ರುವ ವಲಯಗಳಲ್ಲಿ ಮಾತ್ರ ಕಂಡುಬರುತ್ತವೆ ಏಕೆಂದರೆ ಚಳಿಗಾಲದಲ್ಲಿ ಭೂಮಿಯು ಸೂರ್ಯನಿಂದ ಓರೆಯಾಗುತ್ತದೆ.
ಎರಡು ತಿಂಗಳವರೆಗೆ ಸೂರ್ಯನ ದರ್ಶನ ಸಿಗದ ಕಾರಣ, ಇಲ್ಲಿನ ಜನರು ಪ್ರತಿವರ್ಷ ವಿಟಮಿನ್ ಡಿ ಪೂರಕಗಳನ್ನು ಮುಂಚಿತವಾಗಿ ತಯಾರಿಸಿಲಿಕೊಳ್ಳುತ್ತಾರೆ. ಈ ಎರಡು ತಿಂಗಳುಗಳಲ್ಲಿ,ಅಲ್ಲಿನ ಜನರು ತಮ್ಮ ಮನೆಗಳಲ್ಲಿ ಹಗಲಿನ ಬೆಳಕನ್ನು ಪಡೆಯಲು ಹ್ಯಾಪಿ ಲೈಟ್ಸ್ ಅನ್ನು ಬಳಸುತ್ತಾರೆ.
