ಬೆಂಗಳೂರು : ಇನ್ಫೋಸಿಸ್ ಎಲ್ಲಾ ಭಾರತೀಯರಿಗೆ ಚಿರಪರಿಚಿತವಾದ ಕಂಪನಿ. ಇನ್ಫೋಸಿಸ್ ಭಾರತದ ಪ್ರಮುಖ ಐಟಿ ಕಂಪನಿಗಳಲ್ಲಿ ಒಂದಾಗಿದೆ. ಕೇವಲ $ 350 ಹೂಡಿಕೆಯೊಂದಿಗೆ ಪ್ರಾರಂಭವಾದ ಕಂಪನಿಯು ಬಹು-ಶತಕೋಟಿ ಡಾಲರ್ ಕಂಪನಿಯಾಗಿ ಬೆಳೆದಿದೆ. ಇನ್ಫೊಸಿಸ್ ಬೆಳವಣಿಗೆಯಲ್ಲಿ ನಾರಾಯಣ ಮೂರ್ತಿ ಅವರದು ಪ್ರಮುಖ ಪಾತ್ರ ವಹಿಸಿದ್ದಾರೆ.
ಐಐಟಿ ಕಾನ್ಪುರದಲ್ಲಿ ಸ್ನಾತಕೋತ್ತರ ಪದವಿ ಪಡೆದ ನಾರಾಯಣಮೂರ್ತಿ ಅವರು ನಂತರ ಐಐಎಂ ಅಹಮದಾಬಾದ್‌ನಲ್ಲಿ ಕೆಲಸ ಮಾಡಿದರು. ಕೆಲವು ವರ್ಷಗಳ ಕಾಲ ಕೆಲಸವನ್ನು ಮಾಡಿದ ನಾರಾಯಣಮೂರ್ತಿ ಅವರು ನಂತರ ಆ ಕೆಲಸವನ್ನು ಬಿಟ್ಟು ಐಟಿ ಕ್ಷೇತ್ರಕ್ಕೆ ಪ್ರವೇಶ ಮಾಡಿದರು.
ದೇಶದ ಮೊದಲ ಕಂಪ್ಯೂಟರ್ ಹಂಚಿಕೆ ವ್ಯವಸ್ಥೆಯಲ್ಲಿ ಕೆಲಸ ಮಾಡಿದ ನಾರಾಯಣ ಮೂರ್ತಿ .ಇಸಿಐಎಲ್ಗಾಗಿ ಮೂಲ ಇಂಟರ್ಪ್ರಿಟರ್ ಅನ್ನು ರಚಿಸಿದ್ದಾರೆ. ಸಾಫ್ಟ್‌ರೊನಿಕ್ಸ್ ಎಂಬ ಮೊದಲ ಕಂಪನಿಯನ್ನು ಪ್ರಾರಂಭಿಸಿದ ನಾರಾಯಣ ಮೂರ್ತಿ, ಆ ಸಮಯದಲ್ಲಿ ಸುಧಾ ಮೂರ್ತಿಯನ್ನು ಪ್ರೀತಿಯ ಭಲೆಯಲ್ಲಿ ಬಿದ್ದರು. ಒಂದೂವರೆ ವರ್ಷದ ನಂತರ ಮೂರ್ತಿ ಕಂಪನಿಯನ್ನು ಮುಚ್ಚಬೇಕಾಯಿತು.
ಕೆಲಸ ಸಿಕ್ಕರೆ ಮಾತ್ರ ತನ್ನ ಮಗಳನ್ನು ಮದುವೆ ಮಾಡಿಕೊಡುವುದಾಗಿ ಸುಧಮೂರ್ತಿಯ ತಂದೆ ಹೇಳಿದ್ದರು. ಇದರಿಂದ ನಾರಾಯಣ ಮೂರ್ತಿ ಅವರು ಅನಿವಾರ್ಯವಾಗಿ ಪುಣೆಯ ಪಾಟ್ನಿ ಕಂಪ್ಯೂಟರ್ ಸಿಸ್ಟಂಗೆ ಜನರಲ್ ಮ್ಯಾನೇಜರ್ ಆಗಿ ಸೇರಿಕೊಂಡರು. 1981 ರಲ್ಲಿ ತನ್ನ ಉದ್ಯೋಗವನ್ನು ತ್ಯಜಿಸಿದ ನಾರಾಯಣ ಮೂರ್ತಿ ಅವರು ತನ್ನ ಹೆಂಡತಿಯ ಹತ್ತಿರ 10 ಸಾವಿರ ರೂಪಾಯಿಗಳನ್ನು ತೆಗೆದುಕೊಂಡು ಇನ್ಫೋಸಿಸ್ ಪ್ರಾರಂಭಿಸಿದರು.
ನಾಲ್ಕು ವರ್ಷಗಳು ಕಳೆಯುವ ಹೊತ್ತಿಗೆ ಇನ್ಫೋಸಿಸ್ ಒಂದು ದೊಡ್ಡ ಕಂಪನಿಯಾಗಿ ಮಾರ್ಪಟ್ಟಿತು. ಇಂದು ಈ ಕಂಪನಿ 2 ಲಕ್ಷ ಜನರಿಗೆ ಉದ್ಯೋಗ ನೀಡುವ ಮಟ್ಟಕ್ಕೆ ಬೆಳೆದಿದೆ. ಆದರೂ ಕೂಡ ಇಂದು ನಿರೀಕ್ಷೆಯಂತೆ ದೇಶದ ಎರಡನೇ ಅತಿದೊಡ್ಡ ಐಟಿ ಕಂಪನಿಯಾಗಿ ಇನ್ಫೋಸಿಸ್ ಹೊರಹೊಮ್ಮಿದೆ.
10,000 ರೂಗಳಿಂದ ಪ್ರಾರಂಭವಾದ ಇನ್ಫೋಸಿಸ್ ಸಂಸ್ಥೆ 2019 ರ ವೇಳೆಗೆ ಇದರ ವಾರ್ಷಿಕ 21,000 ಕೋಟಿ ರೂ ಎಂದು ಹೇಳಲಾಗಿದೆ. ನಾರಾಯಣಮೂರ್ತಿ ಐಟಿ ಪ್ರಪಂಚದ ಪಿತಾಮಹನಾಗಿ ಹೊರಹೊಮ್ಮಿದ್ದಾರೆ. 30 ವರ್ಷಗಳಿಂದ ಇನ್ಫೋಸಿಸ್ ಜೊತೆಗಿದ್ದ ಮೂರ್ತಿ 2011 ರಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. ವಿಶಾಲ್ ಸಿಕ್ಕಾ ಅವರಿಗೆ ನಿರ್ವಹಣಾ ಜವಾಬ್ದಾರಿಗಳನ್ನು ಹಸ್ತಾಂತರಿಸಲಾಯಿತು.
ಆದರೆ ಎರಡು ವರ್ಷಗಳ ನಂತರ ಅವರು ಕಾರ್ಯನಿರ್ವಾಹಕ ಅಧ್ಯಕ್ಷರಾಗಿ ತಮ್ಮ ಕರ್ತವ್ಯವನ್ನು ಪುನರಾರಂಭಿಸಿದರು. ನಾರಾಯಣ ಮೂರ್ತಿ ಅವರು 2014 ರಲ್ಲಿ ಕಾರ್ಯನಿರ್ವಾಹಕ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ, ನಂತರ ಅವರು ಗೌರವ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡರು. ಅವರಿಗೆ 2000 ರಲ್ಲಿ ಪದ್ಮಶ್ರೀ, 2008 ರಲ್ಲಿ ಪದ್ಮವಿಭೂಷಣ ಪ್ರಶಸ್ತಿ ನೀಡಲಾಯಿತು.
