Atal Pension Yojana | ವಯೋವೃದ್ಧರ ಆರ್ಥಿಕ ಸ್ಥಿರತೆಯನ್ನು ಖಚಿತಪಡಿಸಲು ಕೇಂದ್ರ ಸರ್ಕಾರವು ಹಲವು ಸಾಮಾಜಿಕ ಭದ್ರತಾ ಯೋಜನೆಗಳನ್ನು ಜಾರಿಗೊಳಿಸಿದೆ. ಅವುಗಳಲ್ಲಿ ಪ್ರಮುಖವಾದುದು ಅಟಲ್ ಪಿಂಚಣಿ ಯೋಜನೆ (Atal Pension Yojana – APY).
ಈ ಯೋಜನೆಯು ಅಸಂಘಟಿತ ವಲಯದ ಕಾರ್ಮಿಕರು, ಪುಟ್ಟ ವ್ಯಾಪಾರಿಗಳು, ಕೃಷಿಕರು ಹಾಗೂ ಕಡಿಮೆ ಆದಾಯದವರು ತಮ್ಮ ವೃದ್ಧಾಪ್ಯದಲ್ಲಿ ಆರ್ಥಿಕವಾಗಿ ಭದ್ರರಾಗಲು ಸಹಾಯಮಾಡುತ್ತದೆ.ಈ ಯೋಜನೆಯಡಿ 60 ವರ್ಷಗಳ ಬಳಿಕ ತಿಂಗಳಿಗೆ ₹1,000 ರಿಂದ ₹5,000 ವರೆಗೆ ಪಿಂಚಣಿ ಪಡೆಯುವ ಅವಕಾಶವಿದೆ.
ಯೋಜನೆಯ ಪ್ರಮುಖ ವೈಶಿಷ್ಟ್ಯಗಳು ಸ್ಥಿರ ಪಿಂಚಣಿ:
60 ವರ್ಷಗಳ ಬಳಿಕ ಪ್ರತಿ ತಿಂಗಳು ₹1,000, ₹2,000, ₹3,000, ₹4,000 ಅಥವಾ ₹5,000 ಪಿಂಚಣಿ. ನಿಮ್ಮ ಕೊಡುಗೆಯ ಮೇಲೆ ಅವಲಂಬನೆ: ಪಿಂಚಣಿ ಮೊತ್ತವು ನಿಮ್ಮ ಮಾಸಿಕ ಕೊಡುಗೆಯ (ಪ್ರೀಮಿಯಂ) ಆಧಾರದ ಮೇಲೆ ನಿಗದಿಯಾಗುತ್ತದೆ. ಈ ಯೋಜನೆ ಕೇಂದ್ರ ಸರ್ಕಾರದ ಭರವಸೆಯಡಿ ಕಾರ್ಯನಿರ್ವಹಿಸುತ್ತದೆ.
ಆಟೋ ಡೆಬಿಟ್ ವ್ಯವಸ್ಥೆ:
ಬ್ಯಾಂಕ್ ಖಾತೆಯಿಂದ ನೇರವಾಗಿ ಪ್ರೀಮಿಯಂ ಕಡಿತಗೊಳ್ಳುತ್ತದೆ.
ನಾಮಿನಿ ವ್ಯವಸ್ಥೆ:
ಫಲಾನುಭವಿಯ ನಿಧನದ ಬಳಿಕ ಪಿಂಚಣಿ ಕುಟುಂಬ ಸದಸ್ಯರಿಗೆ ದೊರೆಯುತ್ತದೆ.ಯಾರು ಅರ್ಹರು? ವಯಸ್ಸು 18 ರಿಂದ 40 ವರ್ಷಗಳ ನಡುವೆ ಇರಬೇಕು. ಅಸಂಘಟಿತ ವಲಯದ ಕಾರ್ಮಿಕರು, ಪುಟ್ಟ ವ್ಯಾಪಾರಿಗಳು, ಕೃಷಿಕರು ಹಾಗೂ ತೆರಿಗೆ ವ್ಯಾಪ್ತಿಗೆ ಬರದವರು ಯೋಜನೆಗೆ ಸೇರಬಹುದು. ಸೇವಿಂಗ್ ಬ್ಯಾಂಕ್ ಖಾತೆ (Savings Account) ಅಗತ್ಯ.
