Gold Import Rules 2026 : ವಿದೇಶದಲ್ಲಿ ದುಡಿದು ತಾಯ್ನಾಡಿಗೆ ಮರಳುವ ಪ್ರತಿಯೊಬ್ಬರಿಗೂ ಏರ್ಪೋರ್ಟ್ನಲ್ಲಿರುವ ‘ಕಸ್ಟಮ್ಸ್’ (Customs) ಕಂಡರೆ ಎಲ್ಲಿಲ್ಲದ ಭಯವಿರುತ್ತಿತ್ತು. ಆದರೆ, ಇನ್ಮುಂದೆ ಆ ಭಯ ಬೇಕಿಲ್ಲ. ಕೇಂದ್ರ ಸರ್ಕಾರ ಫೆಬ್ರವರಿ 2, 2026 ರಿಂದ ಜಾರಿಗೆ ಬರುವಂತೆ ಹೊಸ ‘ಬ್ಯಾಗೇಜ್ ನೀತಿ’ (Baggage Rules-2026) ಜಾರಿಗೊಳಿಸಿದ್ದು, ಚಿನ್ನದ ಮೇಲಿದ್ದ ‘ಮೌಲ್ಯದ ಮಿತಿ’ಯನ್ನು (Value Limit) ರದ್ದು ಮಾಡಿದೆ.
ಹಾಗಾದರೆ ಏನಿದು ಹೊಸ ರೂಲ್ಸ್? ಇದರಿಂದ ಪ್ರಯಾಣಿಕರಿಗೆ ಆಗುವ ಲಾಭವೇನು? ಇಲ್ಲಿದೆ ಮಾಹಿತಿ.
ಏನಿದು ‘ಮೌಲ್ಯ ಮಿತಿ’ ರದ್ದು? (No Value Limit)
ಹಿಂದಿನ ನಿಯಮದ ಪ್ರಕಾರ, ಮಹಿಳೆಯರು 40 ಗ್ರಾಂ ಚಿನ್ನ ತರಲು ಅವಕಾಶವಿದ್ದರೂ, ಅದರ ಬೆಲೆ 1 ಲಕ್ಷ ರೂಪಾಯಿ ಮೀರಬಾರದಿತ್ತು. ಆದರೆ ಈಗಿನ ಮಾರುಕಟ್ಟೆಯಲ್ಲಿ 40 ಗ್ರಾಂ ಚಿನ್ನದ ಬೆಲೆ 3 ಲಕ್ಷ ದಾಟಿದೆ. ಹೀಗಾಗಿ ತೂಕ ಕಮ್ಮಿ ಇದ್ದರೂ, ಬೆಲೆ ಜಾಸ್ತಿ ಎಂದು ಕಸ್ಟಮ್ಸ್ ಅಧಿಕಾರಿಗಳು ದಂಡ ಹಾಕುತ್ತಿದ್ದರು.
ಆದರೆ ಹೊಸ ನಿಯಮದ ಪ್ರಕಾರ, ಚಿನ್ನದ ಬೆಲೆ ಎಷ್ಟೇ ಆಗಿರಲಿ (3 ಲಕ್ಷ ಅಥವಾ 5 ಲಕ್ಷ), ತೂಕದ ಮಿತಿಯೊಳಗಿದ್ದರೆ ಯಾವುದೇ ಟ್ಯಾಕ್ಸ್ ಕಟ್ಟುವಂತಿಲ್ಲ. ಇದು ಪ್ರಯಾಣಿಕರಿಗೆ ಸಿಕ್ಕಿರುವ ಅತಿದೊಡ್ಡ ರಿಲೀಫ್!
ಯಾರು ಎಷ್ಟು ಚಿನ್ನ ತರಬಹುದು?
ತೆರಿಗೆ ಇಲ್ಲದೆ (Tax Free) ಚಿನ್ನ ತರಲು ಈ ಕೆಳಗಿನ ಮಿತಿಗಳನ್ನು ನಿಗದಿಪಡಿಸಲಾಗಿದೆ:
ಪುರುಷರು: 20 ಗ್ರಾಂ ವರೆಗೆ ಚಿನ್ನದ ಆಭರಣ ತರಬಹುದು.
ಮಹಿಳೆಯರು: 40 ಗ್ರಾಂ ವರೆಗೆ ಚಿನ್ನದ ಆಭರಣ ತರಬಹುದು.
ದಂಪತಿಗಳು (Couple): ಗಂಡ ಮತ್ತು ಹೆಂಡತಿ ಒಟ್ಟಿಗೆ ಬರುತ್ತಿದ್ದರೆ ಒಟ್ಟು 60 ಗ್ರಾಂ ಚಿನ್ನವನ್ನು ಬ್ಯಾಗ್ನಲ್ಲಿ ತರಬಹುದು.
ಷರತ್ತುಗಳು ಅನ್ವಯ (Conditions)
ಈ ವಿನಾಯಿತಿ ಸಿಗುವುದು ಕೇವಲ ಚಿನ್ನದ ಆಭರಣಗಳಿಗೆ (Jewelry) ಮಾತ್ರ. ಅಂದರೆ ನೀವು ಕೊರ ಸರ, ಬಳೆ ಅಥವಾ ಉಂಗುರದ ರೂಪದಲ್ಲಿ ತರಬೇಕು. ಒಂದು ವೇಳೆ ನೀವು ಚಿನ್ನದ ಬಿಸ್ಕತ್ (Gold Biscuit), ಗಟ್ಟಿ ಅಥವಾ ನಾಣ್ಯಗಳನ್ನು ತಂದರೆ, ಅದಕ್ಕೆ ವಿನಾಯಿತಿ ಇಲ್ಲ. ಅದಕ್ಕೆ ಕಡ್ಡಾಯವಾಗಿ ಕಸ್ಟಮ್ಸ್ ಸುಂಕ ಕಟ್ಟಲೇಬೇಕು.
ಲ್ಯಾಪ್ಟಾಪ್ ತರುವವರಿಗೂ ಗುಡ್ ನ್ಯೂಸ್
ಚಿನ್ನದ ಜೊತೆಗೆ ಎಲೆಕ್ಟ್ರಾನಿಕ್ಸ್ ನಿಯಮವನ್ನೂ ಸಡಿಲಿಸಲಾಗಿದೆ. ವಿದೇಶದಿಂದ ಬರುವ 18 ವರ್ಷ ಮೇಲ್ಪಟ್ಟ ಪ್ರಯಾಣಿಕರು, ತಮ್ಮ ವೈಯಕ್ತಿಕ ಬಳಕೆಗಾಗಿ ಒಂದು ಹೊಸ ಲ್ಯಾಪ್ಟಾಪ್ (Laptop) ಅನ್ನು ಯಾವುದೇ ತೆರಿಗೆ ಇಲ್ಲದೆ ತರಬಹುದು.
