LPG cylinder price । ಗೃಹಬಳಕೆಯ ಎಲ್ಪಿಜಿ ಸಿಲಿಂಡರ್ ಬಳಸುವ ಕೋಟ್ಯಂತರ ಗ್ರಾಹಕರಿಗೆ ನವೆಂಬರ್ 1ರಿಂದ ಸಿಹಿಸುದ್ದಿ ಸಿಗುವ ನಿರೀಕ್ಷೆ ಇದೆ. ಪ್ರತಿ ತಿಂಗಳ ಮೊದಲ ದಿನದಂದು ಎಲ್ ಪಿಜಿ ದರಗಳಲ್ಲಿ ಬದಲಾವಣೆ ಮಾಡುವ ಸ೦ಪ್ರದಾಯದಂತೆ, ಈ ಬಾರಿ ದರ ಇಳಿಕೆ ಸಾಧ್ಯತೆಗಳು ಹೆಚ್ಚಿವೆ ಎ೦ಬ ಸುದ್ದಿ ಮನೆಮಾತಾಗಿದೆ.
ಹಣದುಬ್ಬರದ ಹೊತ್ತಿನಲ್ಲಿ ನೆಮ್ಮದಿ ಸುದ್ದಿ
ಹಣದುಬ್ಬರ ಮತ್ತು ಜೀವನಾವಶ್ಯಕ ವಸ್ತುಗಳ ಬೆಲೆ ಏರಿಕೆಯಿಂದ ಬಳಲುತ್ತಿರುವ ಗ್ರಾಹಕರಿಗೆ ಈ ಇಳಿಕೆ ಖಂಡಿತವಾಗಿಯೂ ಹಿತಕರ. ಮೂಲಗಳ ಪ್ರಕಾರ, ಭಾರತೀಯ ತೈಲ ಕಂಪನಿಗಳು ಎಲ್ಪಿಜಿ ದರವನ್ನು *20ರವರೆಗೆ ಕಡಿಮೆ ಮಾಡಲು ಸಿದ್ಧತೆ ನಡೆಸುತ್ತಿವೆ. ಈ ಬಗ್ಗೆ ಇನ್ನೂ ಯಾವುದೇ ಅಧಿಕೃತ ಪ್ರಕಟಣೆ ಹೊರಬಂದಿಲ್ಲ. ತೈಲ ಕಂಪನಿಗಳಿಂದ ಘೋಷಣೆ ಹೊರಬ೦ದರೆ, ನವೆಂಬರ್ 1ರಿಂದಲೇ ಹೊಸ ದರಗಳು ಜಾರಿಗೆ ಬರಲಿವೆ.
ಪ್ರಸ್ತುತ ಪ್ರಮುಖ ನಗರಗಳ ಎಲ್ಪಿಜಿ ದರಗಳು
ದೆಹಲಿ: ₹853, ಕೋಲ್ಕತ್ತಾ: ₹879, ಮುಂಬೈ: ₹852, ಚೆನ್ನೈ : ₹868, ಬೆಂಗಳೂರು : ₹855 ಒಂದು ವೇಳೆ ₹20 ಇಳಿಕೆ ಜಾರಿಯಾದರೆ-ದೆಹಲಿಯಲ್ಲಿ ₹833, ಕೋಲ್ಕತ್ತಾದಲ್ಲಿ ₹859, ಮು೦ಬೈನಲ್ಲಿ ₹832 ಚೆನ್ನೈನಲ್ಲಿ ₹848, ಬೆಂಗಳೂರಿನಲ್ಲಿ ₹835 ಎ೦ದು ಹೊಸ ದರ ನಿಗದಿಯಾಗುವ ಸಾಧ್ಯತೆ ಇದೆ.
ಗ್ರಾಹಕರಿಗೆ ನಿರೀಕ್ಷೆಯ ಬೆಳಕು
ಹಿಂದಿನ ಕೆಲವು ತಿಂಗಳುಗಳಲ್ಲಿ ಎಲ್ಪಿಜಿ ದರಗಳು ಸ್ಥಿರವಾಗಿದ್ದರೂ, ಅಂತರರಾಷ್ಟ್ರೀಯ ಕ್ರೂಡ್ ತೈಲದ ಬೆಲೆ ಮತ್ತು ವಿನಿಮಯ ದರ ಬದಲಾವಣೆಗಳಿಂದಾಗಿ ಕಂಪನಿಗಳು ದರ ಪರಿಷ್ಕರಣೆ ಮಾಡುವ ಸಾಧ್ಯತೆ ಇದೆ. ಈ ಬಾರಿ ಇಳಿಕೆ ಜಾರಿಯಾದರೆ, ಗೃಹಿಣಿಯರ ಅಡುಗೆ ಮನೆಗೂ ಆರ್ಥಿಕ ನೆಮ್ಮದಿ ಬರಲಿದೆ.
ಮುಂದಿನ ವಾರದಲ್ಲೇ ಸ್ಪಷ್ಟತೆ
ನವೆಂಬರ್ ಮೊದಲ ವಾರದಲ್ಲೇ ಕಂಪನಿಗಳಿಂದ ಅಧಿಕೃತ ಪ್ರಕಟಣೆ ಹೊರಬರುವ ನಿರೀಕ್ಷೆಯಿದ್ದು, ಗ್ರಾಹಕರು ಹೊಸ ದರದ ಬಗ್ಗೆ ಕಾತರದಿಂದ ಕಾಯುತ್ತಿದ್ದಾರೆ. ಪ್ರಸ್ತುತ ದೇಶದಾದ್ಯಂತ 14.2 ಕೆಜಿ ಸಿಲಿಂಡರ್ಗಳ ಬೆಲೆ ₹852ರಿಂದ ₹905ರ ನಡುವೆ ಇದೆ.
