Bank Recruitment :ಬ್ಯಾಂಕ್ನಲ್ಲಿ ಉದ್ಯೋಗ ಮಾಡಲು ಬಯಸುವ ಅಭ್ಯರ್ಥಿಗಳಿಗೆ ಐಬಿಪಿಎಸ್ ಶುಭ ಸುದ್ದಿಯನ್ನು ನೀಡಿದೆ. ದೇಶದ ಹಲವಾರು ಸಾರ್ವಜನಿಕ ವಲಯದ ಬ್ಯಾಂಕುಗಳಲ್ಲಿ 5,208 ಪ್ರೊಬೇಷನರಿ ಅಧಿಕಾರಿಗಳು/ ನಿರ್ವಹಣಾ ತರಬೇತಿ ಹುದ್ದೆಗಳ ನೇಮಕಾತಿಗಾಗಿ ಇದು ಅಧಿಸೂಚನೆ ಬಿಡುಗಡೆ ಮಾಡಿದೆ. ಈ ಉದ್ಯೋಗಗಳಿಗೆ ಪದವಿ ಪೂರ್ಣಗೊಳಿಸಿದವರು ಅರ್ಹರು. ಈ ಅಧಿಸೂಚನೆಯ ಬಗ್ಗೆ ಈಗ ಇನ್ನಷ್ಟು ತಿಳಿದುಕೊಳ್ಳೋಣ.
ಜುಲೈ 21, 2025 ರವರೆಗೆ ಅವಕಾಶ
ಮಾಧ್ಯಮ ವರದಿಗಳ ಪ್ರಕಾರ, ಅರ್ಜಿ ಪ್ರಕ್ರಿಯೆಯು ಜುಲೈ 24 ಅಥವಾ ಅದಕ್ಕೂ ಮೊದಲು ಪ್ರಾರಂಭವಾಗುವ ನಿರೀಕ್ಷೆಯಿದೆ. ಆಯೋಗವು ಈ ಹಿ೦ದೆ ಬಿಡುಗಡೆ ಮಾಡಿದ ಪರೀಕ್ಷಾ ಕ್ಯಾಲೆಂಡರ್ ಪ್ರಕಾರ, SSC MTS ಪರೀಕ್ಷೆಯನ್ನು ಸೆಪ್ಟೆಂಬರ್ 20 ರಿಂದ ಅಕ್ಟೋಬರ್ 24 ರವರೆಗೆ ದೇಶಾದ್ಯಂತ ವಿವಿಧ ಕೇಂದ್ರಗಳಲ್ಲಿ ನಡೆಸಲಿದೆ.
ಬ್ಯಾಂಕ್ವಾರು ಖಾಲಿ ಹುದ್ದೆಗಳು
ಬ್ಯಾಂಕ್ ಆಫ್ ಬರೋಡಾ – 1000 ಹುದ್ದೆಗಳು, ಬ್ಯಾಂಕ್ ಆಫ್ ಇ೦ಡಿಯಾ – 700 ಹುದ್ದೆಗಳು, ಬ್ಯಾಂಕ್ ಆಫ್ ಮಹಾರಾಷ್ಟ್ರ- 1000 ಹುದ್ದೆಗಳು, ಕೆನರಾ ಬ್ಯಾಂಕ್ – 1000 ಹುದ್ದೆಗಳು, ಸೆಂಟ್ರಲ್ ಬ್ಯಾಂಕ್ ಆಫ್ ಇ೦ಡಿಯಾ – 500 ಹುದ್ದೆಗಳು, ಇ೦ಡಿಯನ್ ಓವರ್ಸೀಸ್ ಬ್ಯಾಂಕ್ – 450 ಹುದ್ದೆಗಳು, ಪಂಜಾಬ್ ನ್ಯಾಷನಲ್ ಬ್ಯಾಂಕ್ – 200 ಹುದ್ದೆಗಳು, ಪಂಜಾಬ್ & ಸಿಂಥ್ ಬ್ಯಾಂಕ್ – 358 ಹುದ್ದೆಗಳು. ಇಂಡಿಯನ್ ಬ್ಯಾಂಕ್, UCO ಬ್ಯಾಂಕ್, ಯೂನಿಯನ್ BOI ಮುಂತಾದ ಬ್ಯಾಂಕುಗಳಿಂದ ಖಾಲಿ ಹುದ್ದೆಗಳ ಅಂಕಿಅಂಶಗಳನ್ನು ಇನ್ನೂ ಪ್ರಕಟಿಸಲಾಗಿಲ್ಲ.
ವಯಸ್ಸು, ಶೈಕ್ಷಣಿಕ ಅರ್ಹತೆ
ಅರ್ಜಿದಾರರ ವಯಸ್ಸು 20 ವರ್ಷದಿ೦ದ 30 ವರ್ಷಗಳ ನಡುವೆ ಇರಬೇಕು. ಗರಿಷ್ಠ ವಯಸ್ಸಿನ ಮಿತಿ ಒಬಿಸಿ ವರ್ಗಕ್ಕೆ 3 ವರ್ಷಗಳು, ಎಸ್ಸಿ/ಎಸ್ಟಿ ಅಭ್ಯರ್ಥಿಗಳಿಗೆ 5 ವರ್ಷಗಳು ಮತ್ತು ದಿವ್ಯಾಂಗ ಅಭ್ಯರ್ಥಿಗಳಿಗೆ 10 ವರ್ಷಗಳು. ಪಿಒ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿ೦ದ ಯಾವುದೇ ಸ್ಟೀಮ್ನಲ್ಲಿ ಪದವಿಯನ್ನು ಪೂರ್ಣಗೊಳಿಸಿರಬೇಕು.
ಕ್ರೆಡಿಟ್ ಇತಿಹಾಸ ಕಡ್ಡಾಯ
ಬ್ಯಾಂಕ್ಗಳಲ್ಲಿ ಕೆಲಸ ಮಾಡಲು, ಅಭ್ಯರ್ಥಿಯು ಸ್ಪಷ್ಟ ಹಣಕಾಸು ದಾಖಲೆಯನ್ನು ಹೊಂದಿರಬೇಕು. ವಿಶೇಷವಾಗಿ, CIBIL ಸ್ಕೋರ್ ಅಥವಾ ಇತರ ಕ್ರೆಡಿಟ್ ಏಜೆನ್ಸಿಗಳ ವರದಿಯಲ್ಲಿ ಯಾವುದೇ ಬಾಕಿ ಇರಬಾರದು. ಅಭ್ಯರ್ಥಿಯ ಕ್ರೆಡಿಟ್ ಇತಿಹಾಸವು ಸಕಾರಾತ್ಮಕವಾಗಿಲ್ಲದಿದ್ದರೆ ಅಥವಾ ವರದಿಯನ್ನು ನವೀಕರಿಸದಿದ್ದರೆ, ನಿರಾಕ್ಷೇಪಣಾ ಪ್ರಮಾಣಪತ್ರ (NOC) ಸಲ್ಲಿಸಬೇಕು. ಇಲ್ಲದಿದ್ದರೆ, ಆಯ್ಕೆ ರದ್ದಾಗುವ ಸಾಧ್ಯತೆಯಿದೆ
ಅರ್ಜಿ ಸಲ್ಲಿಸುವ ವಿಧಾನ
- ಅಭ್ಯರ್ಥಿಗಳು ಮೊದಲು ಅಧಿಕೃತ ವೆಬ್ಸೈಟ್ ibps.in ಗೆ ಭೇಟಿ ನೀಡಬೇಕು.
- ಮುಖಪುಟದಲ್ಲಿ, PO ಅರ್ಜಿ ಸಲ್ಲಿಸು ಲಿಂಕ್ ಅನ್ನು ಕ್ಲಿಕ್ ಮಾಡಿ.
- ಈ ವೆಬ್ಸೈಟ್ನಲ್ಲಿ ನೋಂದಾಯಿಸದ ಅರ್ಜಿ ನಮೂನೆಯಲ್ಲಿ, ನಿಮ್ಮ ವೈಯಕ್ತಿಕ & ಶೈಕ್ಷಣಿಕ ಅರ್ಹತೆ ನಮೂದಿಸಿ.
- ನಿಮ್ಮ ಶೈಕ್ಷಣಿಕ ಅರ್ಹತೆಗಳಿಗೆ ಸಂಬಂಧಿಸಿದ ಎಲ್ಲಾ ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
- ಸಾಮಾನ್ಯ & OBC ವರ್ಗದ ಅರ್ಜಿದಾರರು ₹850, SC/ST & ದಿವ್ಯಾಂಗ ಅಭ್ಯರ್ಥಿಗಳು ₹175 ಪಾವತಿಸಬೇಕಾಗುತ್ತದೆ.
