ಜನ ಇಂದು ಅತೀ ಹೆಚ್ಚು ಬಳಸೋದು ಮೊಬೈಲ್. ಒಂದೆಡೆ ತಂತ್ರಜ್ಞಾನ ಶರವೇಗದಲ್ಲಿ ಮುನ್ನುಗ್ಗುತ್ತಿರೋ ಈ ಕಾಲದಲ್ಲಿ ಅಷ್ಟೇ ಥ್ರೆಟ್ ಕೂಡ ಇದೆ. ಹ್ಯಾಕರ್ಸ್ಗಳ ಸಂಖ್ಯೆ ಹೆಚ್ಚಾಗುತ್ತಿದ್ದು, ಕ್ರೈಮ್ ಮಿತಿಮೀರಿ ನಡೆಯುತ್ತಿದೆ. ಈಗ ಕೇವಲ ಕಾಲ್ ರಿಸೀವ್ ಮಾಡಿದ್ದಕ್ಕೆ ಕೆಲವೇ ಕ್ಷಣಗಳಲ್ಲಿ 1 ಕೋಟಿಗೂ ಅಧಿಕ ಹಣ ಬ್ಯಾಂಕ್ ಅಕೌಂಟ್ನಿಂದ ಕಟ್ ಆಗಿದೆ.
ಬೆಂಗಳೂರು ಮೂಲದ 77 ವರ್ಷದ ಹಿರಿಯ ಮಹಿಳೆ ಈ ಸ್ಕ್ಯಾಮ್ಗೆ ಒಳಗಾಗಿದ್ದಾರೆ. ಕಾಲ್ ಬಂತು ಎಂದು ರಿಸೀವ್ ಮಾಡಿದ್ದಕ್ಕೆ ಬರೋಬ್ಬರಿ 1.2 ಕೋಟಿ ರೂ. ಕಳೆದುಕೊಂಡಿದ್ದಾರೆ.
ಜೂನ್ 26, 2024 ರಂದು ಒಂದು ಕಾಲ್ ಬಂತು. ಮಹಿಳೆಗೆ ಅಪರಿಚಿತ ವ್ಯಕ್ತಿ ಕಾಲ್ ಮಾಡಿದ್ರು. ನಾವು ಟೆಲಿಕಮ್ಯುನಿಕೇಷನ್ ಇಲಾಖೆಯಿಂದ ಕರೆ ಮಾಡುತ್ತಿದ್ದೇವೆ, ನಿಮ್ಮ ಹೆಸರಲ್ಲಿ ಸಿಮ್ ಕಾರ್ಡ್ ಖರೀದಿ ಮಾಡಲಾಗಿದೆ. ಇದನ್ನು ಅಕ್ರಮ ಚಟುವಟಿಕೆಗಳಿಗೆ ಬಳಸಿಕೊಳ್ಳಲಾಗಿದ್ದು, ಮುಂಬೈ ಕ್ರೈಮ್ ಬ್ರ್ಯಾಂಚ್ನಲ್ಲಿ ಕೇಸ್ ದಾಖಲಾಗಿದೆ ಎಂದು ಬೆದರಿಕೆ ಹಾಕಿದ್ದಾರೆ. ನಂತರ ಇದು 60 ಕೋಟಿ ರೂಪಾಯಿ ಅಕ್ರಮ ಹಣ ವರ್ಗಾವಣೆ ಕೇಸ್. ನೀವು ಮಾಡಿಲ್ಲ ಎನ್ನೋದಾದ್ರೆ ಪರಿಶೀಲನೆಗಾಗಿ ನಿಮ್ಮ ಬ್ಯಾಂಕ್ ಖಾತೆ ವಿವರಗಳು ಕಳಿಸಿ ಎಂದಿದ್ದಾರೆ. ನಕಲಿ ಎಫ್‌ಐಆರ್‌ ಮತ್ತು ಸುಪ್ರೀಂಕೋರ್ಟ್ ಅರೆಸ್ಟ್ ವಾರೆಂಟ್ ತೋರಿಸಿ ನಂಬಿಸಿದ್ದಾರೆ.
ಇನ್ನು, ಇದನ್ನು ನಂಬಿದ ಮಹಿಳೆ ಕೂಡಲೇ ಹೆದರಿ ತಮ್ಮ ಬ್ಯಾಂಕ್ ಅಕೌಂಟ್ ಮಾಹಿತಿ ಶೇರ್ ಮಾಡಿದ್ದಾರೆ. ಬಳಿಕ ದುಷ್ಕರ್ಮಿಗಳು ಆಕೆ ಖಾತೆಯಿಂದ 1,28,70,000 ರೂಪಾಯಿ ತೆಗೆದು ತನಿಖೆ ಮುಗಿದ ಬಳಿಕ ಹಣ ವಾಪಸ್‌ ನೀಡಲಾಗುವುದು ಎಂದು ಮೋಸ ಮಾಡಿದ್ದಾರೆ. ಬಳಿಕ ಮಹಿಳೆ ಎಷ್ಟೇ ಕಾಲ್ ಮಾಡಿದ್ರೂ ನಂಬರ್ ಸ್ವಿಚ್ ಆಫ್ ಬಂದಿದೆ. ಈಗ ಪೊಲೀಸರು ಈ ಕೇಸ್ ತನಿಖೆ ನಡೆಸುತ್ತಿದ್ದಾರೆ.
