Kidney Health Warning | ನಮ್ಮ ದೇಹದ ಅತ್ಯಂತ ಪ್ರಮುಖ ಅಂಗಗಳಲ್ಲಿ ಕಿಡ್ನಿ (ಮೂತ್ರಪಿಂಡ) ಕೂಡ ಒಂದಾಗಿದ್ದು, ರಕ್ತವನ್ನು ಶುದ್ಧೀಕರಿಸುವ ಮತ್ತು ದೇಹದ ಕಲ್ಮಶವನ್ನು ಹೊರಹಾಕುವ ಕೆಲಸವನ್ನು ಇದು ಮಾಡುತ್ತದೆ. ಆದರೆ ನಮ್ಮ ಬದಲಾದ ಆಹಾರ ಪದ್ಧತಿ ಮತ್ತು ಜೀವನಶೈಲಿಯಿಂದಾಗಿ ಕಿಡ್ನಿ ಹಾಳಾಗುವ ಸಾಧ್ಯತೆ ಹೆಚ್ಚಿದೆ.
ಇದನ್ನೂ ಓದಿ: ಗ್ಯಾಸ್ ಟ್ರಬಲ್ ಎಂದು ನಿರ್ಲಕ್ಷಿಸಬೇಡಿ: ಇದು ಹಾರ್ಟ್ ಅಟ್ಯಾಕ್ ಆಗಿರಬಹುದು! ಲಕ್ಷಣಗಳನ್ನು ಈಗಲೇ ತಿಳಿಯಿರಿ
ಹೌದು, ಕಿಡ್ನಿಗೆ ಹಾನಿಯಾದಾಗ ಅಥವಾ ಅದು ಕೆಲಸ ನಿಲ್ಲಿಸುವ ಮುನ್ನ, ನಮ್ಮ ದೇಹವು ಕೆಲವು ಮುನ್ಸೂಚನೆಗಳನ್ನು (Warning Signs) ನೀಡುತ್ತದೆ. ತಜ್ಞರ ಪ್ರಕಾರ, ಈ ಕೆಳಗಿನ 3 ಲಕ್ಷಣಗಳು ಕಂಡರೆ ನೀವು ತಕ್ಷಣ ಎಚ್ಚೆತ್ತುಕೊಳ್ಳಬೇಕು.
1. ಮುಖ ಮತ್ತು ಪಾದಗಳಲ್ಲಿ ಊತ (Swelling)
ಕಿಡ್ನಿಯ ಕೆಲಸ ದೇಹದ ಕಲ್ಮಶ ಮತ್ತು ಹೆಚ್ಚುವರಿ ನೀರನ್ನು ಹೊರಹಾಕುವುದಾಗಿದ್ದು, ಯಾವಾಗ ಕಿಡ್ನಿ ಸರಿಯಾಗಿ ಕೆಲಸ ಮಾಡುವುದಿಲ್ಲವೋ, ಆಗ ದೇಹದಲ್ಲಿ ನೀರು ಶೇಖರಣೆಯಾಗಲು ಶುರುವಾಗುತ್ತದೆ. ಇದರ ಪರಿಣಾಮವಾಗಿ:
- ಕಣ್ಣಿನ ಸುತ್ತ ಊತ ಕಾಣಿಸಿಕೊಳ್ಳುತ್ತದೆ.
- ಮುಖ ಊದಿಕೊಂಡಂತೆ ಆಗುತ್ತದೆ.
- ಮುಖ್ಯವಾಗಿ ಪಾದಗಳು ಮತ್ತು ಹಿಮ್ಮಡಿಯಲ್ಲಿ ಊತ (Edema) ಕಂಡುಬರುತ್ತದೆ.
ಇದನ್ನೂ ಓದಿ: ಮಲಬದ್ಧತೆ, ನಿದ್ರಾಹೀನತೆಗೆ ಇದು ಬೆಸ್ಟ್ ಮದ್ದು: ಗಸಗಸೆಯ ಈ ಅದ್ಭುತ ಲಾಭ ತಿಳಿದರೆ ದಿನಾ ತಿಂತೀರಾ!
2. ರಾತ್ರಿ ಪದೇ ಪದೇ ಮೂತ್ರ ವಿಸರ್ಜನೆ
ನಿಮಗೆ ರಾತ್ರಿ ಮಲಗಿದ ನಂತರ ಪದೇ ಪದೇ ಮೂತ್ರ ವಿಸರ್ಜನೆಗೆ ಎಚ್ಚರವಾಗುತ್ತಿದೆಯೇ? ಇದು ಸಾಮಾನ್ಯ ವಿಷಯವಲ್ಲ. ಕಿಡ್ನಿಯ ಫಿಲ್ಟರ್ಗಳು ಹಾನಿಗೊಳಗಾದಾಗ, ಮೂತ್ರ ವಿಸರ್ಜನೆಯ ಪ್ರಕ್ರಿಯೆಯಲ್ಲಿ ಬದಲಾವಣೆಯಾಗಲಿದ್ದು, ರಾತ್ರಿ ವೇಳೆ ಹೋದಷ್ಟು ಸಲ ಹಗಲಿನಲ್ಲಿ ಹೋಗದಿರುವುದು ಕಿಡ್ನಿ ಸಮಸ್ಯೆಯ ಪ್ರಬಲ ಲಕ್ಷಣವಾಗಿದೆ.
3. ದಿಢೀರ್ ತೂಕ ಇಳಿಕೆ (Weight Loss)
ಇನ್ನು, ಯಾವುದೇ ಡಯಟ್ ಅಥವಾ ವ್ಯಾಯಾಮ ಮಾಡದಿದ್ದರೂ ನಿಮ್ಮ ತೂಕ ವೇಗವಾಗಿ ಕಡಿಮೆಯಾಗುತ್ತಿದ್ದರೆ ಎಚ್ಚರ ವಹಿಸಬೇಕು. ಏಕೆಂದರೆ ಕಿಡ್ನಿ ಸಮಸ್ಯೆಯಿಂದಾಗಿ ಹಸಿವು ಕಡಿಮೆಯಾಗುವುದು ಮತ್ತು ವಾಕರಿಕೆ ಬರುವ ಕಾರಣ ಆಹಾರ ಸೇರದಿರುವುದು ತೂಕ ಇಳಿಕೆಗೆ ಕಾರಣವಾಗಬಹುದು.
ಇದನ್ನೂ ಓದಿ: ಹೂಕೋಸು ಅಂದ್ರೆ ಮೂಗು ಮುರಿಬೇಡಿ! ತೂಕ ಇಳಿಸೋಕೆ, ಹಾರ್ಟ್ ಪ್ರಾಬ್ಲಮ್ಗೆ ಇದು ಬೆಸ್ಟ್ ಮೆಡಿಸಿನ್
ಸಲಹೆ: ಮೇಲಿನ ಯಾವುದೇ ಲಕ್ಷಣಗಳು ನಿಮ್ಮಲ್ಲಿ ಅಥವಾ ನಿಮ್ಮ ಕುಟುಂಬದವರಲ್ಲಿ ಕಂಡುಬಂದರೆ ಮನೆಮದ್ದು ಮಾಡುತ್ತಾ ಕಾಲಹರಣ ಮಾಡಬೇಡಿ. ತಕ್ಷಣವೇ, ವೈದ್ಯರನ್ನು ಸಂಪರ್ಕಿಸಿ ಮತ್ತು ಕಿಡ್ನಿ ತಪಾಸಣೆ ಮಾಡಿಸಿಕೊಳ್ಳಿ. “ಆರೋಗ್ಯವೇ ಭಾಗ್ಯ.”
