ಬೆಂಗಳೂರು: ಹಾಲು ಕೇವಲ ಮಕ್ಕಳಿಗಷ್ಟೇ ಸೀಮಿತವಲ್ಲ. “ಕ್ಷೀರ” ಎಂದರೆ ಅಮೃತವಿದ್ದಂತೆ. ಪ್ರತಿನಿತ್ಯ ಒಂದು ಲೋಟ ಹಾಲು ಕುಡಿಯುವುದರಿಂದ ನಮ್ಮ ದೇಹಕ್ಕೆ ಆಗುವ ಮ್ಯಾಜಿಕ್ ಅಷ್ಟಿಷ್ಟಲ್ಲ. ನೀವು ತೂಕ ಇಳಿಸಿಕೊಳ್ಳಬೇಕೇ? ಅಥವಾ ಹೃದಯದ ಆರೋಗ್ಯ ಕಾಪಾಡಿಕೊಳ್ಳಬೇಕೇ? ಹಾಗಾದರೆ ಹಾಲನ್ನು ನಿಮ್ಮ ಡಯಟ್ನಲ್ಲಿ ಇಂದೇ ಸೇರಿಸಿಕೊಳ್ಳಿ.
ಇದರಿಂದ ಆಗುವ 5 ಪ್ರಮುಖ ಲಾಭಗಳು ಇಲ್ಲಿವೆ.
1. ತೂಕ ಇಳಿಕೆಗೆ ಸಹಕಾರಿ (Weight Loss Secret)
ನೀವು ಡಯಟ್ ಮಾಡುತ್ತಿದ್ದೀರಾ? ಹಾಗಾದರೆ ಹಾಲು ನಿಮಗೆ ಬೆಸ್ಟ್ ಫ್ರೆಂಡ್. ಹಾಲಿನಲ್ಲಿರುವ ಕಾರ್ಬೋಹೈಡ್ರೇಟ್ ಮತ್ತು ಪ್ರೋಟೀನ್ ಅಂಶಗಳು ದೇಹಕ್ಕೆ ಶಕ್ತಿ ನೀಡುತ್ತವೆ. ಇದು ಬೇಗ ಹಸಿವಾಗುವುದನ್ನು ತಡೆಯುತ್ತದೆ ಮತ್ತು ದೇಹವನ್ನು ಸದಾ ಆಕ್ಟಿವ್ ಆಗಿ ಇಡುತ್ತದೆ. ಇದರಿಂದ ತೂಕ ಇಳಿಸಿಕೊಳ್ಳಲು ಸಹಾಯವಾಗುತ್ತದೆ.
2. ಮೂಳೆಗಳು ಕಬ್ಬಿನದಂತೆ ಗಟ್ಟಿಯಾಗುತ್ತವೆ
ವಯಸ್ಸಾದ ಮೇಲೆ ಕಾಡುವ ಕೀಲು ನೋವು, ಮೂಳೆ ಸವೆತಕ್ಕೆ ಈಗಲೇ ಬ್ರೇಕ್ ಹಾಕಬಹುದು. ಹಾಲಿನಲ್ಲಿ ಹೇರಳವಾದ ಕ್ಯಾಲ್ಸಿಯಂ (Calcium) ಮತ್ತು ವಿಟಮಿನ್ ಡಿ ಇದೆ. ಇದು ಮೂಳೆಗಳನ್ನು ಬಲಪಡಿಸುವುದಲ್ಲದೆ, ಭವಿಷ್ಯದಲ್ಲಿ ಮೂಳೆ ಸಂಬಂಧಿತ ರೋಗಗಳು ಬಾರದಂತೆ ತಡೆಯುತ್ತದೆ.
3. ಶುಗರ್ ಕಾಯಿಲೆಗೆ ಕಡಿವಾಣ
ಇತ್ತೀಚಿನ ದಿನಗಳಲ್ಲಿ ಸಕ್ಕರೆ ಕಾಯಿಲೆ (Diabetes) ಸಾಮಾನ್ಯವಾಗಿದೆ. ಆದರೆ ನಿತ್ಯ ಹಾಲು ಕುಡಿಯುವುದರಿಂದ ‘ಟೈಪ್-2 ಮಧುಮೇಹ’ದ ಅಪಾಯವನ್ನು ತಗ್ಗಿಸಬಹುದು ಎಂದು ಸಂಶೋಧನೆಗಳು ಹೇಳಿವೆ. ಸುಮಾರು 6 ಲಕ್ಷ ಜನರ ಮೇಲೆ ನಡೆಸಿದ ಅಧ್ಯಯನದಲ್ಲಿ, ಹಾಲು ಮತ್ತು ಡೈರಿ ಉತ್ಪನ್ನಗಳು ಮಧುಮೇಹವನ್ನು ದೂರವಿಡಲು ಸಹಕಾರಿ ಎಂದು ಸಾಬೀತಾಗಿದೆ.
4. ಹೃದಯದ ಆರೋಗ್ಯಕ್ಕೆ ರಕ್ಷಾಕವಚ
ನಿಮಗೆ ಹೃದಯದ ಸಮಸ್ಯೆ ಅಥವಾ ಬಿಪಿ (BP) ಇದೆಯೇ? ಹಾಗಾದರೆ ಕೆನೆ ಇಲ್ಲದ ಅಥವಾ ಕಡಿಮೆ ಕೊಬ್ಬಿನ ಹಾಲನ್ನು (Low Fat Milk) ಸೇವಿಸಿ. ಇದರಲ್ಲಿರುವ ಪೊಟ್ಯಾಸಿಯಮ್ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ ಮತ್ತು ಪಾರ್ಶ್ವವಾಯು, ಹೃದಯಾಘಾತದಂತಹ ಅಪಾಯಗಳನ್ನು ಕಡಿಮೆ ಮಾಡುತ್ತದೆ.
5. ಮೆದುಳು ಚುರುಕಾಗುತ್ತದೆ
ಹಾಲು ಕೇವಲ ದೇಹಕ್ಕಲ್ಲ, ಮೆದುಳಿಗೂ ಟಾನಿಕ್ ಇದ್ದಂತೆ. ನಿತ್ಯ ಹಾಲು ಕುಡಿಯುವುದರಿಂದ ನೆನಪಿನ ಶಕ್ತಿ ವೃದ್ಧಿಯಾಗುತ್ತದೆ. ವಯಸ್ಸಾದಂತೆ ಕಾಡುವ ಅಲ್ಝೈಮರ್ ಕಾಯಿಲೆ (ಮರೆವಿನ ರೋಗ) ಬರದಂತೆ ತಡೆಯಲು ಹಾಲು ಸಹಕಾರಿ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
