ಕಾಶ್ಮೀರ ಪಂಡಿತರ ಕುರಿತು ಸಾಯಿ ಪಲ್ಲವಿ ಹೇಳಿಕೆ; ಪರೋಕ್ಷವಾಗಿ ಟಾಂಗ್ ನೀಡಿದ ನಟಿ ಪ್ರಣೀತಾ

ನಟಿ ಸಾಯಿ ಪಲ್ಲವಿ ‘ಜೈಶ್ರೀರಾಮ್ ಎಂದು ಕೂಗುತ್ತಾ ದನ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ಮುಸ್ಲಿಂ ಎಂಬ ಕಾರಣಕ್ಕೆ ಹೊಡೆದು ಕೊಂದಿದ್ದು ಮತ್ತು ಕಾಶ್ಮೀರ ಪಂಡಿತರ ನರಮೇಧಕ್ಕೂ ಯಾವುದೇ ವ್ಯತ್ಯಾಸ ಇಲ್ಲ’. ಮನುಷ್ಯರಲ್ಲಿ ಮಾನವೀಯತೆ ಇರಬೇಕು.. ರೈಟಾ, ಲೆಫ್ಟ ಮುಖ್ಯವಲ್ಲ.. ಹಿಂಸೆ ಯಾರೂ ಮಾಡಿದರು ತಪ್ಪೇ ಎಂದು ಹೇಳಿಕೆ ನೀಡಿದ್ದರು

ಸಾಯಿ ಪಲ್ಲವಿ ಈ ಮಾತಿಗೆ ಕೆಲವರು ಸಮರ್ಥಿಸಿಕೊಳ್ಳುತ್ತಿದ್ದರೆ, ಇನ್ನು ಕೆಲವರು ಹಿಂದೂಗಳು ಮತ್ತು ಕಾಶ್ಮೀರಿ ಪಂಡಿತರನ್ನು ಅವಮಾನಿಸಿದ್ದಾರೆ ಎಂದು ನಟಿ ಸಾಯಿಪಲ್ಲವಿ ವಿರುದ್ಧ ಆಕ್ರೋಶಗೊಂಡಿದ್ದಾರೆ. ಇನ್ನು ಸಾಯಿ ಪಲ್ಲವಿ ಮೇಲೆ ಇಂತಹ ಟ್ರೋಲಿಂಗ್ ನಡೆಯುತ್ತಿರುವುದು ಇದೇ ಮೊದಲು.

ಕಾಶ್ಮೀರ ಪಂಡಿತರ ನರಮೇಧಕ್ಕೂ ದನ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ಸಾವಿಗೂ ಹೋಲಿಕೆ ಮಾಡಿರುವುದು ಹಿಂದೂ-ಮುಸ್ಲಿಂ ಚರ್ಚೆಗೆ ಕಾರಣವಾಗಿದೆ. ಇದರೊಂದಿಗೆ ಒಂದು ವರ್ಗದ ಜನರು ಸಾಯಿ ಪಲ್ಲವಿಗೆ ಜೈಕಾರ ಹಾಕುತ್ತಿದ್ದಾರೆ. ತುಂಬಾ ದಿಟ್ಟತನದಿಂದ ಮಾತನಾಡಿದ ನಿಮಗೆಶಭಾಷ್ ಎಂದು ಕೆಲವರು ಹೊಗಳಿ್ದಾರೆ, ಮತ್ತೊಂದು ಗುಂಪು ಸಾಯಿ ಪಲ್ಲವಿಯನ್ನು ಕೆಟ್ಟದಾಗಿ ಟ್ರೋಲ್ ಮಾಡುತ್ತಿದೆ. ಇನ್ನು ಕೆಲವರು ಕಾಶ್ಮೀರ ಪಂಡಿತರ ಇತಿಹಾಸ ಮತ್ತು ಸಂಕಟಗಳನ್ನು ಅರಿಯದೆ ಮಾತನಾಡಿದ್ದಕ್ಕಾಗಿ ಛೀಮಾರಿ ಹಾಕುತ್ತಾರೆ.

ಒಟ್ಟಿನಲ್ಲಿ ಸಾಯಿ ಪಲ್ಲವಿ ವಿರುದ್ಧ ದೇಶಾದ್ಯಂತ ಪ್ರತಿಭಟನೆಗಳು ನಡೆಯುತ್ತಿವೆ. ಒಂದಡೆ ಬೆಂಬಲವೂ ವ್ಯಕ್ತವಾಗುತ್ತಿದ್ದರೆ, ಮತ್ತೊಂದಡೆ ನಟಿಯ ವಿರುದ್ಧ ಪ್ರಕರಣಗಳು ದಾಖಲಾಗುತ್ತಿವೆ. ಆದರೆ ಈ ವಿವಾದದ ಬಗ್ಗೆ ಪ್ರತಿಕ್ರಿಯಿಸಲು ಸಾಯಿ ಪಲ್ಲವಿ ಹಿಂಜರಿಯುತ್ತಿದ್ದಾರೆ. ಆಗಿರುವ ಹಾನಿಯ ಅರಿವು ತೋರುತ್ತಿದೆ. ಇಂತಹ ಸೂಕ್ಷ್ಮ ವಿಚಾರಗಳಿಗೆ ಪ್ರತಿಕ್ರಿಯಿಸದಿರುವುದು ಉತ್ತಮ ಎಂಬುದು ಅರ್ಥವಾದಂತಿದೆ.

ಆದರೆ, ನಟಿ ಪ್ರಣೀತಾ ಸುಭಾಷ್ ಮಾಡಿರುವ ಟ್ವೀಟ್ ಸಾಯಿ ಪಲ್ಲವಿಗೆ ಕಪಾಳಮೋಕ್ಷ ಮಾಡುವಂತಿದೆ. ಕಾಶ್ಮೀರ ಪಂಡಿತರ ಸಂಕಟ, ನೋವು, ಹತ್ಯಾಕಾಂಡವನ್ನು ಒಟ್ಟಾರೆಯಾಗಿ ಸಹಜವಾಗಿ ನೋಡುವವರ ಕಾಮೆಂಟ್‌ಗಳನ್ನು ಕೇಳಿದರೆ.. ಕಾಶ್ಮೀರ ಫೈಲ್‌ ಮತ್ತೊಮ್ಮೆ ನೋಡಲು ಈ ಕಾರಣಗಳು ಸಾಕು ಎಂದು ಅರ್ಥವಾಗುತ್ತದೆ ಎಂದು ನಟಿ ಸಾಯಿ ಪಲ್ಲವಿ ವಿರುದ್ಧ ನಟಿ ಪ್ರಣೀತಾ ಪರೋಕ್ಷವಾಗಿ ವಾಗ್ದಾಳಿ ನಡೆಸಿದ್ದಾರೆ.

Trivialising the Kashmiri Islamist militancy & normalising the plight of the Kashmiri Pandits is a good enough reason for anyone to re-watch The Kashmir Files.

See, understand, hear the cries of the victims.

Empathise

— Pranitha Subhash (@pranitasubhash) June 16, 2022