ಬೆಂಗಳೂರು: ಟಾಲಿವುಡ್ ಮತ್ತು ಬಾಲಿವುಡ್‌ಗೆ 3D ಸ್ವರೂಪವನ್ನು ಮರು-ಪರಿಚಯಿಸಿದ ‘ಕಲ್ಕಿ 2898 AD’ ನಂತರ, ನಿರ್ದೇಶಕ ಪ್ರಶಾಂತ್ ವರ್ಮಾ ಅವರ ‘ಜೈ ಹನುಮಾನ್’ ಕೂಡ ಇದೇ ಮಾದರಿಯ ರೋಮಾಂಚಕ ಹಾದಿಯಲ್ಲಿ ವೀಕ್ಷಕರನ್ನು ಆಕರ್ಷಿಸಲು ಸಿದ್ಧವಾಗಿದೆ. ಪ್ರಿ-ಪ್ರೊಡಕ್ಷನ್ ಕಾರ್ಯದ ಜವಾಬ್ದಾರಿ ಹೊತ್ತಿರುವ ಪ್ರಶಾಂತ್ ವರ್ಮಾ ಅವರಿಗೆ ಇದು ಒಂದು ದೊಡ್ಡ ಸವಾಲಾಗಿದೆ. ಆದರೆ ಅವರು 3D ಶ್ರೇಣಿಯಲ್ಲಿ ಮತ್ತೊಂದು ಚಿತ್ರವನ್ನು ನೀಡಲು ನಿರ್ಧಾರ ಮಾಡಿದ್ದಾಗಿ ಮೂಲಗಳು ತಿಳಿಸಿವೆ.
ಡಿವೈನ್ ಸ್ಟಾರ್ ನಟ ರಿಷಬ್ ಶೆಟ್ಟಿ ಭಗವಾನ್ ಹನುಮಾನ್ ಪಾತ್ರವನ್ನು ನಿರ್ವಹಿಸಲು ಒಪ್ಪಿಗೆ ಸೂಚಿಸಿದ್ದಾರೆ ಎನ್ನಲಾಗಿದ್ದು, ಅಧಿಕೃತ ಪ್ರಕಟಣೆಗಾಗಿ ಚಿತ್ರತಂಡ ಕಾಯುತ್ತಿದೆ. ನಿರ್ದೇಶಕ ಪ್ರಶಾಂತ್ ಈಗಾಗಲೇ ವಿಭಿನ್ನ ದೃಶ್ಯಗಳು ಮತ್ತು ಹಿನ್ನೆಲೆಗಳನ್ನು ಸಿದ್ಧಪಡಿಸಿಕೊಂಡಿದ್ದು, ಚಿತ್ರೀಕರಣ ಆರಂಭಕ್ಕೆ ಸ್ಟಾರ್ ನಟರಿಗಾಗಿ ಎದುರು ನೋಡಲಾಗುತ್ತಿದೆ.
‘ಜೈ ಹನುಮಾನ್’ ಚಿತ್ರವು ಕಲಿಯುಗಕ್ಕೆ ಭಗವಾನ್ ಹನುಮಂತ ಆಗಮಿಸುವ ಕಥೆ ಮತ್ತು ಅವರು ಎದುರಿಸುವ ಸವಾಲುಗಳನ್ನು ಪ್ರಸ್ತುತಪಡಿಸುತ್ತದೆ. ‘ಹನುಮಾನ್’ ವಿಶ್ವದಾದ್ಯಂತ ಮೆಚ್ಚುಗೆಯನ್ನು ಪಡೆದ ನಂತರ, ಪ್ರಶಾಂತ್ ವರ್ಮಾ ಅವರ ಷೇರುಗಳು ಗಗನಕ್ಕೇರಿವೆ. ‘ಅವರು ಪ್ರಬಲ ದೈವಿಕ ಪಾತ್ರಕ್ಕಾಗಿ ಬಾಲಿವುಡ್ ನಟರುಗಳನ್ನು ಸಹ ಭೇಟಿಯಾಗಿದ್ದು, ಸನ್ನಿ ಡಿಯೋಲ್ ಅವರನ್ನು ಸಂಪರ್ಕಿಸಿದ್ದರಾದರೂ, ಅವರ ದಿನಾಂಕಗಳು ಲಭ್ಯವಾಗಲಿಲ್ಲ. ಆದ್ದರಿಂದ, ಅವರು ದೈವಿಕ ಪಾತ್ರಕ್ಕೆ ಹೋಲುವ ಇತರ ನಟರನ್ನು ಸಂಪರ್ಕಿಸಿದರು,’ ಎಂದು ಮೂಲಗಳು ತಿಳಿಸಿವೆ.
3D ಮಾದರಿಯಲ್ಲಿ ಚಿತ್ರಗಳನ್ನು ಚಿತ್ರೀಕರಿಸುವ ತಂತ್ರಜ್ಞಾನವು ಕಳೆದ ಕೆಲವು ವರ್ಷಗಳಲ್ಲಿ ಉತ್ತೇಜನವನ್ನು ಪಡೆದಿದ್ದು, ‘ಇದು 2D ರಿಂದ 3D ಗೆ ಪರಿವರ್ತನೆಯಾಗಿರಲಿದ್ದು, ಹಾಲಿವುಡ್ ಚಲನಚಿತ್ರ ಶ್ರೇಣಿಗಳಲ್ಲಿ ಬಳಕೆಯಾಗುವಂತೆ ಹೆಚ್ಚು ಸೃಜನಶೀಲತೆ ಮತ್ತು ಕಾಲ್ಪನಿಕತೆಯನ್ನೊಳಗೊಂಡು ರಚಿಸುವುದು ಮುಖ್ಯ’ ಎಂದು ನಿರ್ದೇಶಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
