‘ಪೊಗರು’ ಬಳಿಕ ಧ್ರುವ ಸರ್ಜಾ ‘ದುಬಾರಿ’

ಬೆಂಗಳೂರು : ಕನ್ನಡದ ಆ್ಯಕ್ಷನ್​ ಪ್ರಿನ್ಸ್ ಧ್ರುವ ಸರ್ಜಾ ಅವರು ಇಂದು ಬೆಳ್ಳಂಬೆಳಿಗ್ಗೆ ತಮ್ಮ ಹೊಸ ಚಿತ್ರಕ್ಕೆ ಮುಹೂರ್ತ ನೆರವೇರಿಸಿದ್ದಾರೆ. ದೃವ ಸರ್ಜಾ ಅವರು ಬೆಂಗಳೂರಿನ ಗಣಪತಿ ದೇವಸ್ಥಾನದಲ್ಲಿ ಸರಳವಾಗಿ ಚಿತ್ರತಂಡದ ಜೊತೆ ತಮ್ಮ ಹೊಸ ಚಿತ್ರದ ಮುಹೂರ್ತ ನೆರವೇರಿಸಿದ್ದಾರೆ.

‘ದುಬಾರಿ’ ಎಂಬ ಟೈಟಲ್​ನಲ್ಲಿ ಹೊಸ ಸಿನಿಮಾ ಸೆಟ್ಟೇರಲಿದ್ದು, ನಿರ್ದೇಶಕ ನಂದ‌ಕಿಶೋರ್ ಆಕ್ಷನ್ ಕಟ್ ಹೇಳಲಿದ್ದಾರೆ. ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಮಾಹಿತಿ ಹಂಚಿಕೊಂಡಿರುವ ಧ್ರುವ ಸರ್ಜಾ ಅವರು, ಇದು ನನ್ನ ಐದನೇ ಚಿತ್ರ. ಸಿನಿಮಾ ಹೆಸರು ‘ದುಬಾರಿ’ ಎಂದು ಹೇಳಿದ್ದಾರೆ.

ಇದಕ್ಕೂ ಮುಂಚೆ ದೃವ ಸರ್ಜಾ ಅವರು ಅದ್ದೂರಿ, ಬಹಾದ್ದೂರ್ ಹಾಗು ಭರ್ಜರಿ ಸಿನಿಮಾಗಳನ್ನು ಮಾಡಿದ್ದೂ, ಈ 3 ಬಾಕ್ಸ್ ಆಫಿಸ್ ದೂಳೆಬ್ಬಿಸಿದ್ದವು. ಇನ್ನು ತಮ್ಮ ನಾಲ್ಕನೇ ಸಿನಿಮಾ ಪೋಗುರು ಚಿತ್ರೀಕರಣದ ಹಂತದಲ್ಲಿದ್ದು ಇನ್ನೇನು ತೆರೆಗೆ ಬರಲು ಸಿದ್ದವಾಗಿದ್ದು, ಈಗ ಐದನೇ ಸಿನಿಮಾ ‘ದುಬಾರಿ’ ಎಂದು ಹೇಳಿದ್ದಾರೆ.

5th movie name is
💴 DUBARI 💵
ಜೈ ಆಂಜನೇಯ 💪🏼 pic.twitter.com/7V4htHW5KS

— Dhruva Sarja (@DhruvaSarja) November 6, 2020