ದಕ್ಷಿಣ ಭಾರತದ ಖ್ಯಾತ ನಟಿ ಮೆಹ್ರೀನ್ ಫಿರ್ಜಾದ ಶಾಕಿಂಗ್ ನಿರ್ಧಾರ ಕೈಗೊಂಡಿದ್ದು, ಹರಿಯಾಣ ಮಾಜಿ ಸಿಎಂ ಭಜನ್ ಲಾಲ್ ಅವರ ಮೊಮ್ಮಗ, ಯುವ ಮುಖಂಡ ಭವ್ಯಾ ಭೀಷ್ನೊಯ್ ಅವರೊಂದಿಗಿನ ನಿಶ್ಚಿತಾರ್ಥವನ್ನು ರದ್ದುಗೊಳಿಸಿರುವುದಾಗಿ ಘೋಷಿಸಿದ್ದಾರೆ. ಮಾರ್ಚ್ 2021 ರಲ್ಲಿ ನಟಿ ಮೆಹ್ರೀನ್-ಭವ್ಯಾ ಭೀಷ್ನೊಯ್ ಅವರ ನಿಶ್ಚಿತಾರ್ಥ ಜೈಪುರದಲ್ಲಿ ನಡೆಡಿದ್ದು ಎಲ್ಲರಿಗೂ ತಿಳಿದ ವಿಷಯ.
ಆದರೆ, ಈಗ ನಿಶ್ಚಿತಾರ್ಥವನ್ನು ರದ್ದುಗೊಳಿಸಿದ್ದು ನಾವು ಬೇರ್ಪಡುತ್ತಿದ್ದೇವೆ ಎಂದು ನಟಿ ಮೆಹ್ರೀನ್ ಆಘಾತಕಾರಿ ಹೇಳಿಕೆ ನೀಡಿದ್ದಾರೆ. ಇಬ್ಬರೂ ಒಟ್ಟಿಗೆ ಸೇರಿ ಸೌಹಾರ್ದಯುತವಾಗಿ ಈ ನಿರ್ಧಾರವನ್ನು ಕೈಗೊಂಡಿದ್ದಾರೆ ಎಂದು ಮೆಹ್ರೀನ್ ತಿಳಿಸಿದ್ದು, ಭವ್ಯ ಬಿಷ್ಣೋಯ್ ಹಾಗು ಅವರ ಕುಟುಂಬ ಸದಸ್ಯರೊಂದಿಗೆ ಇನ್ನು ಮುಂದೆ ಯಾವುದೇ ಸಂಬಂಧವಿಲ್ಲ ಎಂದು ಮೆಹ್ರೀನ್ ಬಹಿರಂಗಪಡಿಸಿದ್ದಾರೆ.
ಇನ್ನು ಮುಂದೆ ಸಿನೆಮಾಗಳತ್ತ ತನ್ನ ಗಮನ ಹರಿಸುವುದಾಗಿ ಸ್ಪಷ್ಟತೆ ನೀಡಿದ್ದು, ತನ್ನ ಈ ನಿರ್ಧಾರವನ್ನು ಗೌರವಿಸಿ ಅಭಿಮಾನಿಗಳನ್ನು ರಂಜಿಸುವುದಾಗಿ ಮೆಹ್ರೀನ್ ಟ್ವೀಟ್ ಮಾಡಿದ್ದಾರೆ. ಪ್ರಸ್ತುತ ತೆಲುಗಿನ ಎಫ್ 2 ಸಿನಿಮಾದ ಸೀಕ್ವೆಲ್ ಎಫ್ 3 ನಲ್ಲಿ ನಟಿಸುತ್ತಿರುವ ಮೆಹ್ರೀನ್ ಈ ಹಿಂದೆ ‘ಕೃಷ್ಣಗಾಡಿ ವೀರಪ್ರೇಮ ಗಥಾ’, ‘ಮಹಾನುಭಾವುಡು’ ಮತ್ತು ‘ರಾಜಾ ದಿ ಗ್ರೇಟ್’ ಚಿತ್ರಗಳಲ್ಲಿ ನಟಿಸಿದ್ದಾರೆ.